Илјадници студенти на протест во Подгорица- одбија средба со премиерот (ВИДЕО) - Канал 5

Балкан

Илјадници студенти на протест во Подгорица- одбија средба со премиерот (ВИДЕО)

Неколку илјади демонстранти се собраа вечерва во Подгорица барајќи оставка од лидерите на црногорската влада кои раководат со безбедносниот сектор, по вооружениот напад во Цетиње во кој загинаа 13 лица.

Илјадници студенти на протест во Подгорица- одбија средба со премиерот (ВИДЕО)

Протестот, втор по масакрот во Цетиње, го организира неформалната студентска група „Камо шјутра“, а покрај барањата за оставка од министерот за внатрешни работи Данило Шарановиќ и вицепремиерот задолжен за безбедност Алекса Бечиќ, тие исто така бараат поажуриран пристап кон поседувањето оружје, реформа на полициските структури, враќање на граѓанското образование и подобрување на институционалниот пристап до грижа за менталното здравје, објави Индекс.

Демонстрантите извикуваа „убијци“ и носеа транспаренти „Оставка е минимална одговорност“, „Нормален живот?“ итн.

Протестот претходно го поддржаа стотина универзитетски професори, културни и спортски работници и новинари.

Откако ги изнесоа своите барања пред МВР, демонстрантите се упатија кон зградата на црногорската влада каде повикаа на 13 минути молк во знак на почит за 13-те жртви од трагедијата во Цетиње.

Ацо Мартиновиќ од Цетиње на 1 јануари уби 12 лица, меѓу кои две деца, а тешко повреди четири лица, а едно подоцна почина во болница.

По првиот протест организиран од оваа студентска група пред десетина дена, дел од црногорската влада се обиде да ги претстави како продолжена рака на мафијата и опозицијата, иако ова студентско движење претходно се огради од сите политички партии.

Студентите беа жестоко нападнати и на социјалните мрежи од партиски структури, што предизвика дополнителен револт кај граѓаните на Црна Гора, но и кај опозицијата, која актуелната црногорска влада ја спореди со власта во Србија.

Студентите беа поканети на средба од црногорскиот премиер Милојко Спајиќ, но тие одбија со образложение дека нивните барања се јасни и дека не сакаат да преговараат за нив.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Се избегнува „Табановце“, се повеќе се користи граничниоот премин Пелинце - Прохор Пчински

Воведувањето на системот „Сејф сити“ и наплатата на сообраќајните казни за странски возила предизвикува промени во изборот на граничните премини кон Србија.

Се избегнува „Табановце“, се повеќе се користи граничниоот премин Пелинце - Прохор Пчински

На видеата објавени на социјалните мрежи се гледаат колони возила на вториот граничен премин Пелинце – Прохор Пчински, кој има само една лента и е далеку од коридорот 10, во обид да ги избегнат гужвите на Табановце и евентуалните казни што ги чекаат.

Но, според информациите од МВР, наскоро на сите гранични премини ќе се издаваат платните налози. За 6 месеци од стартот на Сејф сити, пола од вкупно направените прекршоци, или околу 180.000 ги сториле странски возачи, а само на 19 и 20 август над 5.500, во најголем дел за пречекорување на дозволената брзина.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Утринава се пукало во Арачиново – ранети се двајца во „Шкода“

Се пукало во Арачиново утринава, повредени се двајца во „Шкода“.

Утринава се пукало во Арачиново – ранети се двајца во „Шкода“

МВР соопшти дека во 5:45 минути во СВР Скопје било пријавено дека на ул„18“ во селото се слушале истрели од огнено оружје. Полициски службеници од полициското одделение Арачиново и единицата за интервентна полиција при СВР Скопје излегле на местото и констатирале дека од огнено оружје било пукано во патничко возило „Шкода“ со скопски регистарски ознаки во кое биле 34 годишниот И.И. и 42-годишниот Ш.И. Притоа, тие се здобиле со повреди и биле пренесени во јавна здравствена установа „Св.Наум Охридски“ за укажување на лекарска помош. се преземаат мерки за расчистување на настанот. – сооошти МВР.

Тагови: Арачиново

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

И Бугарија ја одбележа 123 годишнината од илинденското востание – Јотова: Историјата е заедничка

Бугарија нема да се откаже од Бугарите во Македонија и ќе продолжи да ги штити нивните права, порача бугарската претседателка Илијана Јотова. 

И Бугарија ја одбележа 123 годишнината од илинденското востание – Јотова: Историјата е заедничка

Таа учествуваше на одбележувањето на 123-годишнината од илинденското востание, кое Бугарија го нарекува илинденско-преображенско. Јотова оцени дека историјата е заедничка и не треба да биде повод за поделби.

-Колку многу омраза и поделби денес во Македонија се зборува за Бугарите. А, историјата ни е заедничка, што има да делиме. И денес, провокации, понижување. Тоа е наша работа, на политичарите, но тоа е работа и на сите граѓани да се спротивстават на таа омраза и поделбите. Ние вас нема да ве предадеме, нема да се откажеме од вас и ќе ги чуваме вашите права. – изјави Јотова.

Тагови: Јотова

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер