Илјадници птици ноќеска угинаа во Чикаго, сите се удриле во иста зграда (ФОТО) - Канал 5

Живот

Илјадници птици ноќеска угинаа во Чикаго, сите се удриле во иста зграда (ФОТО)

За само една ноќ, повеќе од илјада птици преселници угинале откако удриле во една зграда во Чикаго .

Илјадници птици ноќеска угинаа во Чикаго, сите се удриле во иста зграда (ФОТО)

За само една ноќ, повеќе од илјада птици преселници угинале откако удриле во една зграда во Чикаго поради, како што велат експертите, смртоносна комбинација од шпицот на сезоната на миграција, лошото време и недостатокот на градежни мерки за заштита на птиците, пишува Си-Ен-Ен.

Извештајот од 2019 година на Лабораторијата за орнитологија Корнел проценил дека околу 600 милиони птици умираат секоја година во САД по удари во згради, а Чикаго е рангиран како најопасен град за птиците за време на есенската и пролетната сезона на миграција.

Музејот во Чикаго собрал повеќе од илјада мртви птици кои вчера вечер се забија во Конвенцискиот центар МекКормик Плејс Лејксајд, лоциран на брегот на езерото Мичиген, изјави за Си-Ен-Ен Анет Принс, директорка на Chicago Bird Collision Monitors.

Волонтерите кои работат со групата Chicago Bird Collision Monitors собрале дополнителни 1.000 мртви птици во центарот на градот, рече Принс. Веројатно имало повеќе птици кои одлетале откако удриле во зградата, но подоцна умреле од повредите, рече таа.

„Беше поразително и трагично да се видат толку многу птици“, рече Принс. „Отидов до зградата каде што, кога ѝ пријдов, имаше тепих од мртви, умрени и повредени птици“, додаде таа.

Комбинација на фактори веројатно придонела за големиот број фатални несреќи, рече Принс. Таа ноќ, особено голем број птици мигрирале на југ за зимата.

Птиците чекале ветрови од север или запад за да им го олеснат патувањето. „Тие птици всушност се натрупаа“, рече таа. Кога во средата дувале вистинските ветрови, голем број птици одеднаш почнале да мигрираат. Освен тоа, имало и ниски облаци, што веројатно ги натерало птиците да летаат на помала надморска височина, што ги довело во поблизок контакт со зградите.

„Меккормик Плејс е една од првите згради со кои се среќаваат птиците додека летаат над езерото Мичиген, а зградите што ги оставаат светлата запалени преку ноќ, кога повеќето птици мигрираат, исто така имаат поголема веројатност да предизвикаат удари на птици“, додаде таа. „Тие светла се магнет за птиците - речиси како светилник“.

Но, птиците продолжиле фатално да удираат во зградата МекКормик Плејс дури и во текот на денот, рече таа, нагласувајќи го степенот до кој големите површини проѕирно стакло можат да ги збунат птиците. „Ако користите големо стакло кое изгледа како отворен простор, птиците ќе се обидат да летаат во него, не гледајќи ја пречката“, рече таа.

Експертите посочуваат дека во градежништвото треба да се внесат стакла кои што не ги збунуваат птиците, да има некакви шари и намалена рефлексија, што ќе ги прави видливи за птиците, а да се намали и светлосното загадување кое ги дезориентира птиците.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Герасимовски: Отстранета нелегалната конструкција на „Даме Груев“ , јавниот простор вратен на граѓаните

Општина Центар ја отстрани металната конструкција на улица „Даме Груев“, кај слаткарницата „Малага“. Со нејзиното демонтирање, пешачката патека повторно е слободна за движење.

Герасимовски: Отстранета нелегалната конструкција на „Даме Груев“ , јавниот простор вратен на граѓаните

„Го расчистивме просторот и го вративме на пешаците, на кои им припаѓа. Јавните површини мора да бидат слободни и достапни за сите“, рече градоначалникот на Општина Центар, Горан Герасимовски.

Конструкцијата, која претходно се користеше како тераса, ја зафаќаше пешачката зона и го попречуваше нормалното движење во строгиот центар на градот.

Општина Центар продолжува со инспекциски контроли и активности за отстранување на бесправно поставени конструкции и објекти, со цел заштита на јавниот простор и непречено движење на граѓаните.

Општина Центар - Скопје

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Уапсени се повеќе лица во контрола на угостителски објекти во Скопје

Ноќеска акциска контрола во угостителски објекти во Скопје, лишени од слобода повеќе лица, меѓу нив и малолетници.

Уапсени се повеќе лица во контрола на угостителски објекти во Скопје

Секторот за внатрешни работи Скопје, во содејство со инспектори од Државен пазарен инспекторат, ноќеска изврши контрола во повеќе угостителски објекти во Скопје. За време на контролата легитимирани се 37 лица и лишени од слобода се осум лица, од кои три малолетници.

Притоа, во два угостителски објекти констатирано е пречекорување на работното време, а во еден од угостителските објекти констатирано е точење на алкохол на малолетни лица, како и лица кои поседуваат наркотични дроги, психотропни супстанции и прекурсори.

Акциските контроли продолжуваат и во наредниот период, соопштуваат од МВР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Се уредува нова парковска површина кај „Џевахир“ во општина Аеродром

Се уредува нова парковска површина од околу 3.000 м2 во непосредна близина на комплексот „Џевахир Скај Сити“ во Општина Аеродром.

Се уредува нова парковска површина кај „Џевахир“ во општина Аеродром

Градоначалникот на Општина Аеродром Дејан Митески денеска изврши увид во активностите за расчистување на просторот што ќе прерасне во нов парк со детско игралиште, пешачки патеки, урбана опрема и зеленило.

На целиот простот ќе биде поставен и систем за наводнување, како и комплетно нови линии за осветлување.

Благодарност до компанијата „Џевахир“ за поддршката и соработката во реализацијата на овој проект со кој аеродромци добиваат ново место за одмор, рекреација и дружење.

Општина Аеродром

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер