Други спортови

Илина Арсова по Монт Еверест ќе ги освојува сите врвови над 8.000 метри

Десет минути на покривот на светот ја запишаа Илина Арсова во историјата на планинарството во Македонија. По Димитар Илиевски во 1989 година, Глигор Делев во 2007, Сашко Кедев во 2009 и Здравко Дејановиќ во 2010 година, таа е петтиот македонски планинар и прва Македонка која се искачи на Монт Еверест.

- Бев два месеца на планина од кој месец и половина на над 5.000 метри надморска висина кои не се баш нормални услови за живот на кој ние сме навикнати, особено кога доаѓаме од подрачје што не е алпско или хималајско, телото функционира поразлично а и условите се ограничени, рече Арсова на денешната прес конференција по повод нејзиниот подвиг.

Искачувањето на врвот, рече таа, е само последните 20 часа, а пешачењето бара голема психофизичка подготвеност.

- Што и да се случи таму е опасно бидејќи си оддалечен на 4-5 дена од првото безбедно место. На врвот се задржавме 10 минути а стигнавме во 3 часот наутро, вели Арсова.

Најави повеќе нови проекти како искачување на седум највисоки врвови од седум континенти, но и искачување на сите врвови над 8.000 метри, и предизвикот да се искачи на таков врв без кислород.

Арсова е првата жена од Македонија која минатата година се искачи на Матерхорн (4.587 метри), а во досегашната кариера се искачи и на врвовите Ама Даблам (6.856 метри) и Аконкагва (6.963 метри), што во моментов е највисок дострел од страна на Македонка кога е во прашање високогорското планинарење.

Успехот на Илина Арсова денеска и го честитаа претставници на Агенцијата за млади и спорт и на Федерацијата за планинарски спортови

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Повторно вклучени алармите: Оваа европска земја „гори“

Француската метеоролошка служба соопшти дека 61 департман во Франција денес се под портокалово ниво на предупредување и дека се очекува топлотниот бран да трае до крајот на оваа недела.

„Метео Франс“ најави температури меѓу 35 и 38 степени низ целата земја, додека на југозападот на Франција тие би можеле да достигнат 41 степен, пренесува BFMTV.

Пожарот во департманот Источни Пиринеи, кој зафати површина од 4.900 хектари, сè уште не е локализиран, соопшти префектот на департманот, Пјер Рењо де ла Мот.

„Опфатот на пожарот изнесува 40 километри. Пожарникарите ја продолжија жестоката борба со огнот во текот на ноќта“, рече тој. Францускиот министер за внатрешни работи Лоран Нуњез потврди дека пожарот не е локализиран, но додаде дека сепак е „стабилизиран на неколку места“.

Околу 800 пожарникари се сè уште ангажирани во гаснењето на пожарот, а се очекува и дополнителна помош од воздухопловните сили.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Петмина повредени на трката со бикови во Памплона

Петмина тркачи беа повредени денес за време на трката со бикови – првата од овогодишниот фестивал „Сан Фермин“ во градот Памплона во северна Шпанија – но никој од нив не се здоби со повреди опасни по живот.

Тие главно се здобија со модрики. Долгите и остри рогови на биковите не предизвикаа сериозни повреди, извести државниот радиодифузер РТВЕ (RTVE) од овој познат, но контроверзен настан. Три лица беа пренесени во болница.

Фестивалот во чест на заштитникот на градот, Свети Фермин, започна во понеделникот и завршува следниот вторник.

Секое утро, шест бикови за борба – од кои некои тежат над 600 килограми – предводени од неколку питоми волови, се насочуваат да трчаат низ тесните улици на стариот град кон арената, каде што во доцните попладневни часови се одржуваат борбите со бикови.

Секоја година, десетици тркачи - претежно млади мажи - се повредуваат додека ја тестираат својата храброст на патека долга приближно 825 метри.

Од 1924 година, регистрирани се 16 смртни случаи, а последниот се случил во 2009 година. Протести и контроверзии Оваа година, како и во претходните години, групите за заштита на животните протестираат против овој традиционален настан - кој се одржува од 1591 година - кој станува сè поконтроверзен во Шпанија.

Активистите за права на животните долго време се спротивставуваа на трчањето со бикови, опишувајќи го како „средновековна тортура“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Герасимовски: Нови дигитални услуги за паркирање во Центар , апликации, сензори и помалку чекање на шалтери

Општина Центар воведува нови дигитални решенија со цел побрзо, поефикасно и поедноставно користење на услугите за паркирање, без потреба од чекање на шалтери.

Во фокусот на овие реформи е развојот на нови мобилни апликации преку кои граѓаните ќе имаат целосен увид и контрола врз услугите што ги користат.

Апликациите ќе овозможат навремени известувања, поднесување барања, следење на статусот на услугите, како и поедноставена комуникација со ЈП „Паркинзи на Општина Центар“.

„Дигитализацијата е клучна алатка за подобрување на процесот на паркирање. Работиме на нови мобилни апликации преку кои корисниците ќе бидат целосно информирани и ќе можат брзо и лесно да ги користат услугите“, посочи градоначалникот Горан Герасимовски.

Дополнително, се предвидува воведување на сензорски системи кои во реално време ќе ја покажуваат пополнетоста и расположливоста на паркинг-местата. Овој систем ќе им помогне на возачите побрзо да најдат слободно место и ќе го намали непотребното кружно движење низ општината.

Воведувањето на сензорите ќе се реализира фазно, согласно техничките можности и реалните потреби. Првично, тие ќе бидат поставени во монтажните гаражи, затворените паркиралишта и на најоптоварените локации.

Паралелно со ова, се унапредуваат контакт-центарот и теренската контрола, со цел побрза обработка на пријавите и поефикасна координација на службите, но и поттикнување на корисниците да користат онлајн услуги, вели директорот на ЈП ПОЦ, Душко Коцевски.

Вложуваме во сензорски системи и ќе стимулираме поголемо користење на онлајн аплицирањето. Еднократниот надоместок за склучување договор, кој досега изнесуваше 350 денари, ќе биде бесплатен за сите што ќе аплицираат електронски. Очекуваме значително зголемување на бројот на онлајн корисници и намалување на гужвите на шалтерите“, истакна Коцевски.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.