Илиевски: Мора да сум задоволен од изданието на овој млад тим - Канал 5

Кошарка

Илиевски: Мора да сум задоволен од изданието на овој млад тим

Селекторот на македонската кошаркарска репрезентација, Марјан Илиевски е задоволен од прикажаната игра на неговите избраници вчеравечер на натпреварот со Романија.

Илиевски: Мора да сум задоволен од изданието на овој млад тим

- Овој млад тим покажа карактер, по три дена имавме некаков менталитет и карактер кој мора да ни оди нагоре. Затоа мора да сум задоволен од прикажаното и изданието кое го имавме. Романија го имаше резултатот, но ние не се предадовме до крај. Затоа уште еднаш потенцирам дека сум задоволен од карактерот на играчите и во иднина се надевам дека овие искуства ќе ни бидат доволни да „набилдаме“ тимски дух и искуство во овој млад тим, изјави Илиевски.

Нашите најдобри кошаркари загубија по втор пат од Романија во претквалификациите за Светскиот Куп. Игравме добро, и на гостински терен во Орадеа. Бевме многу блиску, со одличното второ полувреме, да направиме пресврт. Дојдовме до негатива од три поени (66:69). Но кобни зс нас одново беа последните три минути, оние во кои Романија направи победничка серија од (10-0), за превисок триунф (79:66), кој ги носи во квалификациите за Светскиот Куп 2027.

РОМАНИЈА – МАКЕДОНИЈА 79:66

Ихгравме добро, но Романија се стекна дури и со двоцифрена разлка до истекот на полувремето (45:34)

Особено тоа се однесува на првите 15.минути во кои имавме и скоро егал скор. По поентирањето на Вајли, заостануваавме само еден поен (30:31).

Тоа беше нашиот одговор на водсѕтвот она Романците по првиот период, солидно (26:19).

Но, имавме само три расположени поентери. На почетокот тоа беше Митревски, потоа во поентерски ритам влезе капитенот Магдевски, продолжи Вајли.

Но имавме слаби реакции во одбраната, особено во бранењето на шутот а тир поени на потивникот. Во првата четвртина Грасу уфрли ѕри ѕтројки, Потоа кога домаините ја направија предноста, двоцифрена, додаде уште една, што заедно со нешто подобриот скок, беа и причините што засоастанувавме по 20.минути од играта во Арената во Орадеа.

Многи подобро издание имаа нашите сениори во оние 20.минути. Период во кој полека, но сигурно ја топевме двоцифрената негатива.

На нешто повеќе од три минути, Македонија заостануваше само три поени (66:69), по што дојде една неверојатна тројка од Кути, Како вовед во победничката серија на Романија од (10-0), која ни ја одзема шансата да останеме во игра за евентуален пласман во квалификациите за Светскиот куп кои ги завршувааме на 20. август, со дуелот против Унгарија во Скопје.

Македонските кошаркари ги загубија трите натпревари (два од Романија и еден од Унгарија) и останаа без шанси да ги минат претквалификациите за Светското првенство 2027.

Последниот меч од овој циклус е закажан за 20 август во Скопје против Унгарија.

Тагови: Кошаркарската репрезентација на Македонија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Мицкоски вели дека од денес техничката вода во Гостивар е чиста. Дали му верувате?

Над 4.070 граѓани во Гостивар побарале медицинска помош.

СДСМ: Мицкоски вели дека од денес техничката вода во Гостивар е чиста. Дали му верувате?

Вчера беа регистрирани уште 125 прегледи на лица со симптоми, а едно дете е хоспитализирано во болница.

Водата била загадена со фекалии. А институциите молчеле.

Симптомите почнале на 14 јули.

Епидемија е прогласена дури на 19 јули.

Цели пет дена институциите не ја информирале јавноста навреме и не презеле мерки. Додека граѓаните масовно завршувале по амбуланти и болници.

Министерот Клековски потврди дека имало отстапувања во примероците.

Но, предупредувањето дојде доцна.

Ова не е технички пропуст туку системски колапс.

Кога институциите молчат додека илјадници луѓе се трујат,

тогаш повеќе не зборуваме за грешка. Зборуваме за однос кон граѓаните.

Одговорноста е јасна.

Прашањето е само кога некој конечно ќе ја преземе.

Мицкоски вели дека од денес техничката вода во Гостивар е чиста.

Дали му верувате?, сде наведува во партиското соопштение.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Големи протести воп Мајорка- над 25.000 протестираа против масовниот туризам (ВИДЕО)

Илјадници луѓе повторно излегоа на улиците на Палма де Мајорка во неделата за да протестираат против масовниот туризам. 

Големи протести воп Мајорка- над 25.000 протестираа против масовниот туризам (ВИДЕО)

Демонстрантите се собраа на Плаза де Еспања во центарот на Палма, главниот град на шпанскиот медитерански остров, а потоа поворката се упати низ центарот на градот до катедралата, каде што манифестот треба да се прочита подоцна навечер.

Иницијативата „Menys Turisme, Més Vida“ (Помалку туризам, повеќе живот), под слоганот „Мајорка на работ на силата“, повика на протести трета година по ред на островот, особено популарен меѓу туристите од Германија и Обединетото Кралство, очекувајќи до 40.000 учесници.

Локалната полиција го процени бројот на демонстранти на 25.000.

Транспаренти и барања

Многу учесници носеа свои транспаренти. „Пребукирана Мајорка“ или „Нема повеќе капацитет“ беа меѓу истакнатите слогани. Портпаролот на организаторите им рече на новинарите дека сакаат да ги презентираат своите ставови, особено пред да се одржат регионалните избори на Балеарските Острови за една година.

Врвот на сезоната како порака

Датумот на протестот е намерно избран за да се совпадне со врвот на летната сезона. Крајот на јули и почетокот на август се сметаат за недели со најголем број туристи на тој остров од Балеарскиот архипелаг.

Нивното главно барање е ограничување на бројот на посетители. Растечкиот број туристи и сместувачки единици доведе до сериозен недостиг на станови. Организаторите на протестот се жалат дека многу луѓе со просечни приходи едвај можат да си дозволат стан на островот.

Тагови: Мајорка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Најмалку тројца загинати во масовна пукотница во Сиетл, повредено и дете (ВИДЕО)

Најмалку три лица се убиени, а најмалку пет други се повредени во пукотница што се случи вчера навечер по локално време на популарниот фестивал на храна „Бајт оф Сиетл“ во центарот на Сиетл. 

Најмалку тројца загинати во масовна пукотница во Сиетл, повредено и дете (ВИДЕО)

Меѓу повредените е и двегодишно дете, а полицијата потврди дека истражува инцидент со повеќе жртви и ги замоли граѓаните да ја избегнуваат областа, пишува Би-Би-Си.

Тројца мртви, пет повредени

Противпожарната служба на Сиетл потврди дека три лица починале на местото на настанот. Пет лица побарале медицинска помош. 56-годишна жена која била пренесена во болница е во сериозна состојба. Двегодишното момче е во стабилна состојба и исто така е хоспитализирано. 39-годишна жена и 23-годишен маж се пренесени во болница, двајцата во стабилна состојба. 40-годишна жена претрпе полесни повреди и одбила болнички превоз.

Сведоци опишуваат паника

Пукањето се случило околу 18 часот по локално време за време на годишниот фестивал кој привлекува стотици илјади посетители. Сведоците им кажаа на локалните медиуми дека слушнале неколку гласни пукотници, проследени со звук сличен на рафална стрелба.

„На почетокот помислив дека е огномет, а потоа сите одеднаш претрчаа покрај нас“, рече еден од посетителите. Кетеринг кој работеше на фестивалот за „Сиетл тајмс“ изјави дека слушнал повеќе истрели „сите одеднаш“ и видел испаничени родители како ги зграпчуваат децата и трчаат кон излезите.

Тој рече дека децата плачат и дека имало општа паника. Снимките од социјалните медиуми покажуваат луѓе како скокаат огради и бараат засолниште во лобито на блискиот „Спејс Нидл“.

Реакција на службите и болницата

Голем број полицајци и персонал од службите за итни случаи излегоа на терен. Фотографиите покажуваат полиција во тактичка опрема како го обезбедува просторот околу напуштените тезги со храна. Медицинскиот центар Харборвју, каде што се лекуваат некои од повредените, спроведе „делумно заклучување“.

Портпаролот на болницата објасни дека мерката е донесена во договор со полицијата со цел да се заштитат жртвите и нивните семејства. Четири лица се лекуваат во болница. Потврдено е дека детето е во задоволителна состојба.

Другите пациенти се две жени и еден маж, исто така во задоволителна состојба, а една од жените е оперирана. Болницата додаде дека не очекуваат да примат нови пациенти поврзани со пукањето. Полициската истрага е во тек, а информациите за можни осомничени сè уште не се објавени. Монореил линијата што поминува низ центарот на Сиетл, исто така, беше затворена до понеделник наутро поради инцидентот.

Тагови: пукотница Сиетл

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер