Икс го крши Законот за дигитални услуги на ЕУ, оцени Европската комиија - Канал 5

Технологија

Икс го крши Законот за дигитални услуги на ЕУ, оцени Европската комиија

Според еврокомесарот за внатрешен пазар Тиери Бретон, прелиминарниот став на ЕК е дека Икс ги мами корисниците и го прекршува Законот за дигитални услуги.  

Икс го крши Законот за дигитални услуги на ЕУ, оцени Европската комиија

Социјалната мрежа Икс го прекршува Законот за дигитални услуги на ЕУ (ДСА) со користење на т.н. „темни шеми“ и во делот на транспарентноста при рекламирање и пристапот до јавни податоци за истражувачите, соопшти денеска Европската комисија врз основа на нејзините прелиминарни оценки.

„Темни шеми“ е термин со кој се означуваат корисничките интерфејси кои се внимателно направени со цел да ги измамат корисниците и да ги наведат на одредени активности. Терминот е дело на дизајнерот Хари Брињул, кој го измисли овој неологизам во јули 2010 година за именување на измамнички кориснички интерфејси.

Според извршната потпретседателка на Еврокомисијата за Европа прилагодена на дигиталната ера и еврокомесарка за конкурентност Маргрете Вестагер платформата Икс не е усогласена со ДСА во клучните области на транспарентност со користење на „темни шеми“ со што ги доведува корисниците во заблуда, со несоодветно означување на рекламите и со блокирање на пристапот до податоците за истражувачите.

- Ние сме решени да обезбедиме сите платформи, вклучително и Икс, да се усогласат со законодавството на ЕУ, нагласи Вестагер.

Според еврокомесарот за внатрешен пазар Тиери Бретон, прелиминарниот став на ЕК е дека Икс ги мами корисниците и го прекршува Законот за дигитални услуги.

- X сега има право на одбрана, но ако се потврди нашиот став, ќе изречеме казни и ќе бараме значителни промени, додаде Бретон.

Доколку се потврдат нејзините прелиминарни оценки, Европската комисија може да донесе одлука за неусогласеност со која ќе утврди дека Икс ги прекршува членовите 25, 39 и 40 став 12 од ДСА, што би повлекло можност за изрекување парични казни во висина до шест отсто од вкупниот глобален годишен приход на платформата и да и наложи да преземе мерки за отстранување на неправилностите.

ЕК процени дека платформата Икс го дизајнирала својот интерфејс на начин што не одговара на прифатената практика, со што ги мами корисниците наведувајќи ги да се претплатат за добивање одреден статус, со што ги ограничува да носат одлуки базирани на проверени информации околу автентичноста на налозите и содржината со која комуницираат. Според Комисијата, постојат докази дека злонамерни актери ја злоупотребуваат ваквата состојба за да ги измамат корисниците.

Понатаму, Еврокомисијата оценува и дека Икс не ги почитува правилата за транспарентност при рекламирањето, со тоа што поставува дизајнерски карактеристики и ограничувања. Според ЕК, дизајнот на Икс го оневозможува потребниот надзор и истражување на ризиците од дистрибуцијата на рекламите преку Интернет.

Во однос на третата забелешка, Комисијата смета дека Икс не обезбедува пристап до неговите јавни податоци за истражувачите, како што е предвидено со условите наведени во ДСА. Дополнително, според ЕК, се има впечаток дека апликативниот програмски интерфејс на Икс е дизајниран на начин да ги одврати истражувачите од извршување на нивните истражувачки проекти или да ги принуди да плаќаат несоодветно високи такси.

За ваквите свои прелиминарните наоди, Комисијата го информирала Икс и платформата сега има можност да го оствари своето право на одбрана и писмено да одговори на овие заклучоци. /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Бела Хадид позира топлес во сауна (ФОТО)

Една од најпознатите манекенки, Бела Хадид (30), повторно го привлече вниманието со своите објави на социјалните мрежи.

Бела Хадид позира топлес во сауна (ФОТО)

Овој пат, таа сподели фотографии од луксузен велнес-центар, при што особено се издвојува една на која се гледа како вежба во сауна, без горниот дел од облеката.

На Инстаграм, манекенката даде увид во својата рутина за вежбање и релаксација. На една од фотографиите, таа е свртена со грб кон камерата, облечена само во црни шорцеви, додека изведува вежба со тег. Нејзината руса коса е собрана нагоре, подалеку од лицето.

Вежбање, сауна и масажа

Бела престојуваше во велнес-центар управуван од спортскиот бренд „Alo“, со кој таа соработува. За време на посетата, таа испроба неколку видови тренинзи, вклучувајќи пилатес на реформер, вежби со тегови и кардио вежби.

На други фотографии, таа ги покажа спортските комбинации што ги носеше за време на тренингот, вклучувајќи розов комплет составен од спортски градник и шорцеви.

По физичката активност, денот продолжи во порелаксиран ритам. Манекенката позираше во бордо бикини без прерамки додека беше во сауна, а подоцна направи „селфи“ пред огледало, завиткана во голем бел пешкир. Својот велнес-ден го заокружи со масажа.

Неодамна го прослави својот 30-ти роденден

Овие нови фотографии доаѓаат само неколку дена откако Бела го прослави својот 30-ти роденден на 9 октомври. По тој повод, таа исто така привлече внимание со објава на Инстаграм на која позираше во црвено бикини, изработено специјално за неа. На горниот дел од костимот за капење стоеше бројот 30, додека долниот дел беше украсен со нејзиното име. Изгледот го надополни со розево-бел фустан и каубојски чизми.

Покрај фотографиите од роденденот, таа наведе дека наполнила 30 години, а нејзините следбеници – како и бројни пријатели од светот на славните – ѝ упатија честитки во коментарите.

Ново поглавје во животот

Во последните месеци, Бела повторно се најде во центарот на вниманието, делумно поради нејзиниот приватен живот. По разделбата со професионалниот јавач Адан Бануелос – со кого беше во врска од 2024 година – медиумите почнаа да ја поврзуваат со Нејтан Лејси од Колорадо. Таа јавно не ја потврди оваа нова врска.

Покрај приватниот живот, таа привлекува внимание и со своите професионални ангажмани. Минатата година, таа ја замени својата препознатлива кафеава коса со платинесто-руса нијанса, а се испроба и во актерството, појавувајќи се во хорор-серијата „The Beauty“.

Извор: Индекс.хр

Тагови: Бела Хадид топлес

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

МВР: Вонредните локални избори во Општина Брвеница завршија без проблеми

Министерството за внатрешни работи ја информира јавноста дека изборниот процес во општина Брвеница заврши во најдобар ред, без нарушување на јавниот ред и мир и без ниту еден инцидент.

МВР: Вонредните локални избори во Општина Брвеница завршија без проблеми

МВР во текот на целиот ден презеде мерки и активности во рамки на своите надлежности со цел непречено и безбедно спроведување на изборниот процес, како и гарантирање на безбедноста на граѓаните и одржување на поволна безбедносна состојба.

Тагови: Брвеница

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Крст падна врз свештеник за време на миса и го усмрти (ВОЗНЕМИРУВАЧКО ВИДЕО)

Католички свештеник почина во црква во Еквадор откако врз него падна крст закачен на ѕидот, за време на миса која се пренесуваше во живо преку интернет, објави денеска порталот „InfoVaticana“.

Крст падна врз свештеник за време на миса и го усмрти (ВОЗНЕМИРУВАЧКО ВИДЕО)

Надбискупијата во Гвајакил истиот ден објави соопштение, во кое се наведува дека отец Санчез Молинари – кој служел како парохиски свештеник во црквата „Богородица од Постојана Помош“ – „заминал во домот на Отецот за да ужива во Неговото присуство и слава“.

Од Надбискупијата упатија молитви за покој на неговата душа и изразија солидарност и сочувство до заедницата, неговото семејство и пријателите.

Во соопштението на Надбискупијата не беа наведени околностите под кои свештеникот починал.

Според мексиканскиот весник „El Heraldo de Mexico“, свештеникот служел секојдневна миса – која се пренесувала во живо преку неговиот профил на социјалните мрежи – кога, околу 27-мата минута од преносот, крст закачен на ѕидот зад него се откачил и паднал врз него. Од истиот медиум на социјалните мрежи наведоа дека на снимката се слушаат извиците на верниците кои присуствувале на мисата.

ПРЕДУПРЕДУВАЊЕ: ВИДЕОТО Е СО ВОЗНЕМИРУВАЧКА СОДРЖИНА

Тагови: свештеник Крст

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер