Граѓаните да бидат екстремно внимателни со фрлање на отпад кај натрупаниот отпад покрај контејнерите, по враќањето на домовите да ги дезинфицираат обувките, истите препораки важат и за училиштата каде треба да има простор за дезинфекција на обувките, се преопораките од Институтот за јавно здравје. Исто така посебно внимателни треба да бидат оние кои работат со отстранување на отпадот да носат ракавици и маска КН 95. Институциите да најдат решение и веднаш да ги исчистат контејнерите, општините спроведат прскање против глодари, инсекти кои се најголеми пренесувачи на болести.

„Во фокусот ни се децата, постарите лица, хронично болните и бремени жени кои се највулнерабилни кои се најчувствителни на овој хазард. Имавме случај со каснување на дете од глодар, и оттаму е апелот до институциите да си ја работат работата и да спречат поставување контејнери до училишта или здравствени институции, кои треба да имаат посебни услови за работа и опстојување. Училиштата треба да постават дезинфекциски бариери пред праговите на училиштата, а децата редовно да ги мијат рацете. Директорите да постават и слики адаптирани на возраста како правилно се мијат раце. Ако некој дојде во контакт со исцедокот од контејнерите, без оглед на возраста, да измие раце. Мерките се и индивидуални и колективни. Треба висока свест, но и менаџирање со отпадот. И потребно е конечно да се воведе селекција во нашите домови, органскиот и нерганскиот отпад не треба да одат во иста ќеса“, д-р Мирјана Димовска, Институт за јавно здравје

Стабилна е состојбата на десет годишното дете кое беше каснато од стаорец, апел до граѓаните доколку имаат каснување или конзумирање на прозводи каде имало глодари да се јават на лекар.

„Заразни заболувања, вектор-преносливи болести кои може да се пренесат преку муви и комарци и болести што ги пренесуваат глодарите. Овде се и салмонелози гастроентероколити. Засега немаме пораст на вакви случаи. Глодарите може да пренесат туларемија, хеморагична треска, лептоспироза – овие болести веќе сме ги регистрирале и може да се зголемат во овој период. Сè додека има услови за размножување на глодарите, ќе се зголемува нивната популацијата, а тоа е ризик за ширење на болести“, рече д-р Драган Кочински од ИЈЗ.

Директорката на Институтот, Марија Андоновска посочи дека ги имаат сите реагенси за испитување на болести.

Надлежните во ИЈЗ информираа дека во моментов епидемиолошката состојба е стабилна. Рекоа дека секоја заразна болест има инкубациски период, кој трае во некои случаи и по две недели.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.