Здравје

ИЈЗ: Ја следиме состојбата со хантавирусот, во моментов нема регистрирани случаи

Хантавирусот не е како короната, бидејќи ваквата зараза која најчесто се шири од глодари е позната и не е нова.

Хантавирусот не е како короната, бидејќи ваквата зараза која најчесто се шири од глодари е позната и не е нова, а на крузерот кој пловел кај јужниот Атлантик кој го растревожи светот поради смртните случаи, нема македонски граѓани, ниту помеѓу патниците, ниту помеѓу екипажот, смируваат од Институтот за јавно здравје.

Може да станува збор за нов сој на оној што е присутен во Америка кој се пренесува и помеѓу луѓе, но нема простор за паника, вели Директорката на ИЈЗ Марија Андоновска.

Од Институтот посочуваат дека имаат реагенси со кои може да се докаже овој вирус и постојат протоколи кои би се примениле ако вирусот дојде кај нас. Се препорачува поголема хигиена особено со конзервирана храна која се чува во магацини.

Од Светската здравствена организација порачаа дека иако периодот кој заразениот може ја шири заразата е долг и моќе да биде и до шест недели нема ризик од нова пандемија. Иако го класифицира како сериозен инцидент, ризикот за општата популација го оценуваат како „низок“.

Стравот од можна нова епидемија се рашири низ светот откако тројца патници починаа на крузерот кој тргна на крстарење од Аргентина пред околку еден месец, а здравствените власти потврдија случаи на хантавирус кај дел од патниците. Станува збор за редок, но опасен и потенцијално смртоносен вирус. Европскиот сој, кој бил регистриран и кај нас, најчесто ги напаѓа бубрезите, додека американскиот сој, предизвикува тешки респираторни компликации. Кај одредени варијанти од Јужна Америка е забележан и ограничен пренос меѓу луѓе.

Тагови: Институт за јавно здравје хантавирус

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Најзгодната мама повторно воодушеви во бикини

Екс манекенката Роузи Хантингтон-Вајтли ужива во одморот со својот славен сопруг, холивудскиот актер Џејсон Стетам и децата.

Познатото семејство летниот одмор го мининува на егозтичната Малта, каде што Роузи повторно позира во провокативно бикини.

Убавата Роузи Хантингтон-Вајтли ја покажа својата извајана фигура во минијатурни бикини за време на луксузниот семеен одмор со Џејсон Стетам.

39 годишната манекенка моментално ужива на Малта со 20 години повозрасниот Џејсон и нивните две деца – деветгодишниот син Џек и четиригодишната ќерка Изабела.

Парот веќе објави фотографии од одморот, но кога станува збор за Роузи, никогаш не е доволно.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Во Франција пронајдени тела на пет бебиња

Француските обвинители покренаа истрага за сомнително убиство откако во станот на еден пар во градот Оранж, во југоисточна Франција, беа пронајдени посмртните останки на пет новороденчиња, соопштија локалните правосудни органи.

Остатоците од бебињата биле пронајдени во картонски кутии за време на претрес на станот во историскиот центар на градот, спроведен од 32-годишниот партнер на жената, откако тој – според обвинителството – дури во напредна фаза дознал дека таа повторно е бремена, пренесува „Франс 24“.

Жената во неделата дома родила здраво дете, по што била пренесена во болница.

По пристигнувањето во станот, нејзиниот партнер пронашол остатоци за кои се сомневал дека се човечки остатоци и ги известил болничките вработени, кои го пријавиле случајот во обвинителството. Според првите наоди на судскиот испитувач, остатоците најверојатно им припаѓаат на пет бебиња, а причината и околностите на нивната смрт ќе бидат утврдени со обдукции.

Истражителите сè уште не разговарале со мајката, соопштија од обвинителството.

Двојката има и две деца на возраст од осум и девет години.

Тагови: Франција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Шпанската пејачка ја откри вистината за нејзината врска со фудбалерот

Шпанската пејачка Ана Мена одлучи да проговори по бројните гласини што ја поврзуваат со сè попопуларниот фудбалер Феран Торес.

Шпанската пејачка Ана Мена категорично демантираше дека е во врска со напаѓачот на Барселона, Феран Торес – освојувач на Светското првенство во 2026 година со шпанската репрезентација – и ги нарече таквите тврдења „глупости“ и „апсурдни“, откако беа видени заедно за време на прославата на светската титула.

Пејачката веднаш реагираше на гласините што се појавија во медиумите деновиве, особено на оние што ја поврзуваат со фудбалерот на Барселона.

„Ова е бесмислица, за име на Бога. Навистина е смешно“, им изјави таа на собраните новинари, пренесува Goal.com.

Медиумите почнаа да ги поврзуваат Ана Мена и Феран Торес откако беа видени заедно на прослава на плоштадот Сибелес, организирана од Шпанската фудбалска федерација, а потоа и на приватна забава во еден од најпознатите ноќни клубови во Мадрид.

Шпекулациите дополнително се разгореа кога пејачката се појави во дрес со бројот 7, кој Торес го носи во шпанската репрезентација.

Кога ја прашале Анна зошто го носела токму тој дрес, Ана Мена кратко одговори: „Па, тоа е дресот што ми го дадоа, не знам.“

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.