III Научна конференција и IV летна школа во Манастирот Св. Јован Претеча - Слепче 16-20 јули - Канал 5

Култура

III Научна конференција и IV летна школа во Манастирот Св. Јован Претеча - Слепче 16-20 јули

Од 16 до 20 јули 2021 година, на отворен простор во манастирскиот комплекс ќе се одржи III Научна конференција и IV Слепченско-демирхисарска летна школа – Манастирот Слепче, духовен, културен и уметнички центар.

III Научна конференција и IV летна школа во Манастирот Св. Јован Претеча - Слепче 16-20 јули

Од 16 до 20 јули 2021 година, во организација на Манастирот Св. Јован Претеча – Слепче и во соработка со ИЦКН „Цветан Грозданов“ при МАНУ, на отворен простор во манастирскиот комплекс ќе се одржи III Научна конференција и IV Слепченско-демирхисарска летна школа – Манастирот Слепче, духовен, културен и уметнички центар.

На 16 јули во Манастирот со почеток од 12 часот ќе се одржи III Меѓународна научна конференција со учество на реномирани научници како проф. д-р Илија Велев, проф. д-р Виктор Лилчиќ Адамс, д-р Сашо Цветковски, проф. д-р Ванчо Георгиев, проф. д-р Елизабета Касапова, д-р Јехона Спахиу-Јанчевска, д-р Дарко Николовски, д-р Александар Василевски, д-р Васил Георгиев, д-р Емилија Апостолова-Чаловска, д-р Александар Крстаноски, д-р Виктор Недески, м-р Гоце Ристески, м-р Георгиј Секулоски и со линковско вклучување својот труд ќе го изложи проф. д-р Николај Зубов од Универзитетот во Одеса, Украина.

На 17 јули во Манастирот Св. Јован Претеча Слепче свечено ќе биде отворена овогодинешната Школа со промоција на Зборникот на трудови од Втората меѓународна научна конференција Манастирот Слепче и поствизантиската уметност на Балканот во XVI и XVII век, како и монографијата Црквата Св. Никола во Слепче, Демир Хисар од авторот д-р Сашо Цветковски, изданија произлезени од активностите на Школата во претходните години.

Истиот ден, 17 јули, започнуваат и едукативните предавања во рамките на попладневните работни сесии, кои секојдневно, до завршувањето на школата на 20 јули ќе се одвиваат во Манастирот. Предавањата тематски се насочени кон презентирање на дела-ракописи од Слепченскиот книжевен центар, посебно кон делата на најпознатите скриптори и автори Висарион Слепченски и Матеја Слепченски, но и на химнографски дела од досега непознати книжевни и музички дејци поврзани со подоцнежната историја на Манастирот. Пленарните предавања се подготвени од проф. д-р Илија Велев, а свое учество и излагање-презентација ќе имаат и неколку истражувачи м-р Геогри Секулоски, д-р Александар Крстаноски и м-р Гоце Ристески. Во рамките на овие попладневни предавања ги најавуваме и предавањата на проф. д-р Виктор Лилчиќ Адамс, проф. д-р Елизабета Касапова, проф. д-р Ванчо Георгиев, проф. д-р Сашо Цветковски, д-р Виктор Недески кои се насочени кон презентирање на материјали, нови откритија и сознанија од работата на школата 2017-2019 г.

Активностите во рамките на овогодинешната Слепченско-демирхисарската летна школа ќе се одвиваат во доменот на пет научно – истражувачки секции предводени од реномирани професори и научни истражувачи: архитектура (проф. д-р Елизабета Касапова), археологија ( проф. д-р Виктор Лилчиќ Адамс), историја ( проф. д-р Ванчо Георгиев), историја на уметноста (проф. д-р Сашо Цветковски, раководител на школата), теологија ( д-р Виктор Недески) со учество на дваесеттина студенти, додипломци и постдипломци.

Учесниците на школата ќе имаат можност низ теренските предавања да посетат повеќе археолошки локалитети, средновековни цркви и манастири како и најзначајните места од Илинденскиот период, Смилево, Бабино, Велмевци, Вардино и Крушево.

Во продолжение, следуваат изјавите на Игуменот Серафим и проф.д-р Сашо Цветковски - раководител на Четвртата Слепченско Демирхисарска школа, насочени кон значењето на овие настани за нашето културно историско и духовно наследство.

YouTube video

Беше тоа Игуменот Серафим. Следува уште една изјава, овојпат од проф.д-р Сашо Цветковски, како раководител на Четвртата Слепченско Демирхисарска школа.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Седница за опозициски прашања во Собранието

Собранието денеска ќе ја одржи 111. седница, на чиј дневен ред се вкупно 22 точки, меѓу кои и Законот за изменување на Законот за аудио и аудиовизуелни медиумски услуги во трето читање.

Седница за опозициски прашања во Собранието

На денешната собраниска седница, на дневен ред се и опозициските пратенички прашања.

Пред пратениците се и Законот за изменување на Законот за Царинската тарифа, во трето читање, Предлог на законот за соодветна и правична застапеност во второ читање, Предлог на законот за високото образование, Предлог на законот за изменување и дополнување на Законот за државните награди, Предлог на законот за обезбедување на квалитет во високото образование и науката, Предлог на законот за научноистражувачката дејност, сите во прво читање, Предлог на законот за изменување и дополнување на Законот за студентскиот стандард и Националната стратегија за спречување на корупцијата и судирот на интереси 2026-2030 година, Предлог на закон за изменување на Законот за супервизија на осигурување, и двата по скратена постапка, Предлогот на завршна сметка на Буџетот на Република Македонија за 2025 година.

Тагови: Собранието

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

СП2026- Полуфинале :Фаворизираната Франција немоќна пред фуриозната Шпанија

Европскиот шампион Шпанија е првиот финалист на 23 фудбалски Мундијал во Северна Америка.

СП2026- Полуфинале :Фаворизираната Франција немоќна пред фуриозната Шпанија

Во премиерното полуфинале во Далас црвената фурија одржа вистински час по супермодерн фудбал и без многу мака ја декласираше фаворизираната Франција со 2-0.

Најдобриот напад на Мундијалот беше неможен пред најдобрата одбрана на првенството, Шпанија останува со само еден примен гол во досегашниот тек од шампионатот.

Франција важеше за фаворит на овој натпревар, како и на многу претходни, сè додека топката не тргна од центарот... Од првата до последната минута, на теренот во Далас постоеше само еден тим, оној на Шпанија.

Головите вредни второ финале за Шпанија во историја ги постигнаа Микел Ојарзабал од пенал во 22-рата минута и Педро Поро во 58- минута.

Црвената фурија со докторска игра по целиот терен го матираше „најдобриот француски тим на сите времиња“.

Шпанија сега на финалето во Њу Џерси на 19 јули ќе го очекува победникот од вечерашната полуфинална пресметка меѓу бранителот на светскиот трон Аргентина и европскиот вицешампион Англија.

Тагови: СП2026

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Сончево и многу топло, попладне услови за изолирана појава на нестабилност

Од Управата за хидрометеоролошки работи информираат дека времето денеска ќе биде сончево и топло со мала до умерена локална облачност.

Сончево и многу топло, попладне услови за изолирана појава на нестабилност

Ќе дува слаб до умерен ветер од северен правец. Попладне ќе има услови за изолирана појава на нестабилност со пороен дожд и грмежи. Минималната температура ќе биде во интервал од 10 до 21, а максималната ќе достигне од 32 до 39 Целзиусови степени.

Во Скопје, исто така, сончево време со мала до умерена облачност. Ќе дува слаб до умерен ветер од северен правец. Попладне во делови од котлината ќе има услови за изолирана појава на нестабилност со пороен дожд и грмежи. Минималната температура ќе се спушти до 18, а максималната ќе достигне до 37 степени.

И во следните денови времето ќе биде сончево и топло со мала до умерена облачност. Во попладневните часови ќе има услови за локална појава на нестабилност со пороен дожд, грмежи и засилен ветер. Особено топло ќе биде во петок и за време на викендот кога температурите секаде ќе бидат над 32 степена.

Тагови: УХМР

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер