Игор Стефановски-Иџе ќе се бори за нова европска титула со силна поддршка од „Макпетрол“ - Канал 5

Македонија

Игор Стефановски-Иџе ќе се бори за нова европска титула со силна поддршка од „Макпетрол“

Европскиот шампион во ридско-планински патеки за сезоната 2023, Игор Стефановски-Иџе, со силна поддршка од „Макпетрол“ ќе се бори за четвртата титула во ова натпреварување на Светската автомобилистичка федерација (ФИА). 

Игор Стефановски-Иџе ќе се бори за нова европска титула со силна поддршка од „Макпетрол“

Македонскиот спортист и лидерот на пазарот со нафта и нафтени деривати имаат успешна долгогодишна соработка. Нејзиното продолжување се реализира во рамки на стратешките приоритети на компанијата - општествената одговорност.

- Несомнено, за успеси во кое било поле е потребно да се поседува талент, знаење и искуство, но исто толку важно е и да се обезбеди поддршка, да се создадат услови во кои што сите овие карактеристки би можеле и во пракса да се реализираат. Еден од нашите приоритети како компанија е токму тоа, да им дадеме поттик, да овозможиме поткрепа која што би довела до врвни резултати. Спортот, во неговите најразлични форми, е активност во која што безмалку сите наоѓаме задоволство, без разлика дали како учесници или како гледачи и навивачи. Затоа, како и досега, ќе продолжиме да ги поддржуваме луѓето од Македонија кои што нè прават особено горди со успесите што ги остваруваат во најсилните светски натпреварувања - вели Марија Јосифовска-Спасовска, членка на Управниот одбор и директор во „Макпетрол“.

Автомобилскиот шампион Игор Стефановски-Иџе годинава ќе учествува на 10 трки за кои што се пријавени над 250 натпреварувачи. Европскиот шампионат во ридско-планински патеки на ФИА ќе биде отворен на 14 април во Франција, а ќе заврши на 17 септември во Хрватска. Останатите земји во кои што ќе се одржи ова натпреварување се: Австрија, Шпанија, Португалија, Чешка, Италија, Полска, Швајцарија и Словенија.

- Ова долгогодишно партнерство ми дава сигурност. Тоа е исклучително значајно, затоа што, најпрво, ми овозможува максимално да се сконцентрирам и да се посветам на подготовките, а потоа и на самите трки, да го вложам сиот напор и искуство за да остварам што подобар резултат. Шампионската титула секогаш е највисоката цел. Дефинитивно, патот до неа не е лесен, напротив, бара дисциплина, ангажман и лично вложување, а токму истото низ годините го добивам и од „Макпетрол“ - вели Стефановски за соработката со македонската компанија.

Откако ги освои титулите во 2014 и во 2015 година, Иџе и во 2023 година се закити со титулата европски шампион на ридско-планинските патеки. Тој победи на седум од 10 трки и во текот на целата мината сезона беше најдоминантен споредено со останатите учесници.

Игор Стефановски-Иџе во 2001 година го имаше своето деби на македонскиот шампионат во кружни автомобилистички трки. Ова натпреварување тој го освои во 2004, а до 2013 се закити со уште осум титули на домашен терен. Во 2014 и во 2015 Иџе беше најдобар на европскиот континент во ридските натпреварувања, подвиг којшто, со поддршка од „Макпетрол“, го повтори и во 2023 година, се наведува во соопштението.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Уапсен кошаркарот на Србија, Урош Плавшиќ !

Поранешниот кошаркар на Црвена Звезда, српскиот репрезенативец Урош Плавшиќ, е уапсен по наредба на Вишото јавно обвинителство во Белград под сомнение за напад врз обезбедувач на Военомедицинската академија (ВМА).

Уапсен кошаркарот на Србија, Урош Плавшиќ !

Како што пренесува „Спортињо“, инцидентот се случил во текот на ноќта меѓу 16 и 17 јули, кога Плавшиќ наводно ја прескокнал оградата на ВМА и стигнал до шалтерот за прием бр. 2, каде што физички нападнал воено лице кое било на должност. Обезбедувањето успеало да го совлада напаѓачот и веднаш ја известило Воената полиција за инцидентот.

Потоа, припадниците на Воената полиција го предале Плавшиќ на патрола на Министерството за внатрешни работи. Во инцидентот, припадникот на обезбедувањето се здобил со полесни повреди на главата и раката.

На Плавшиќ му е одреден притвор во траење до 48 часа поради сомнение дека сторил кривично дело напад врз воено лице при вршење воена служба, а за понатамошните чекори ќе одлучи надлежното обвинителство.

Инаку, како штпо пренесуваат дел од српските медиуми само неколку часа пред апсењето, Плавшиќ и неговата сопруга, инфлуенсерката Јована Томиќ, организирале голема црковна венчавка и прослава за семејството и пријателите.

Двојката претходно стапила во граѓански брак пред една година, на интимна церемонија. Плавшиќ неодамна стана играч на романскиот клуб Клуж.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Силен земјотрес регистриран во источниот дел на Турција

Земјотрес со јачина од 5,0 степени според Рихтеровата скала рано утринава го погоди источниот дел на Турција. 

Силен земјотрес регистриран во источниот дел на Турција

Потресите беа почувствувани во неколку провинции, а засега нема извештаи за жртви или материјална штета.

Земјотрес со јачина од 5,0 степени според Рихтеровата скала ја погоди источната турска провинција Малатија рано утринава, соопшти Агенцијата за управување со катастрофи и вонредни состојби (АФАД).

Земјотресот се случи во 6:20 часот по локално време, со епицентар во областа Баталгази, на длабочина од 15,59 километри, се наведува во соопштението на АФАД.

Потресот се почувствувал и во соседните провинции Елазиг, Адијаман, Тунџели и Шанлиурфа. АФАД соопшти дека засега нема извештаи за материјална штета или жртви.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Тухел: „Виновен сум, но не жалам“

Селекторот на Англија, Германецот, Томас Тухел, ги бранеше своите тактички одлуки по поразот од Аргентина (2:1) во полуфиналето на Светското првенство.

Тухел: „Виновен сум, но не жалам“

Германецот изјави дека не жали за ниту една измена и дека ја презема целосната одговорност врз себе.

На прес-конференцијата пред натпреварот за третото место против Франција во Мајами, германскиот стручњак призна дека неговиот тим станал премногу пасивен кон крајот на натпреварот, но нагласи дека не смета оти одлуките биле погрешни.

„Ако некој треба да биде виновен, тоа сум јас. Јас сум тренер и ја преземам одговорноста. Не жалам за моите одлуки; ги донесов врз основа на искуство, инстинкт и желба да му помогнам на тимот да победи. За жал, резултатот не беше таков каков што посакувавме“, рече Тухел.

Англија водеше со 1:0 сè до 85-тата минута, но Аргентина, предводена од Лионел Меси, успеа да направи пресврт и да се пласира во финалето. Тухел објасни дека одлуката неговиот тим да премине на формација со петмина во одбраната била донесена за да се запрат нападите на Аргентина.

„По нашиот гол, Аргентина заигра со многу поголем ритам. Не успеавме да ги спречиме нафрлувањата ниту влегувањето на нивните играчи во шеснаесетникот. Затоа преминавме на систем со петмина во одбраната за да ги затвориме крилните позиции. Сепак, станавме премногу пасивни, додека Аргентина го подигна нивото на играта“, објасни тренерот.

Тагови: Англија СП2026 Тухел

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер