Мора да се истражи во целост и да се утврди одговорност!

Она што се случува е потврдува на сè она за што СДСМ со месеци ја предупредува македонската јавност.

Мицкоски, по рецептот на Вучиќ, спроведува операцијата за медиумски мрак и во Македонија.

Српската медиумска машинерија преку Еуроњуз и Ало влегува во земјата.

На сомнителен начин и со заобиколување на законите.

За ова веќе алармираат и националните телевизии, Македонската медиумска асоцијација кои соопштија дека имаат материјални докази за канали кои подолг период работат без домашна дозвола.

Истиот модел сега се подготвува и со Euronews Македонија и влегувањето на Ало групацијата.

Тоа е шемата на Организираната криминална група и нивната сестринска СНС.

Чекор по чекор се гради инфраструктура за политичко, економско и медиумско влијание на концептот на „српски свет“ на Вучиќ за кој предупреди и Европскиот парламент.

Мицкоски не само што ги спроведува copy-paste политиките на Вучиќ тој е извршител на интерсите на неговиот ментор.

Ова е српско-руска агенда за Македонија да остане надвор од ЕУ и да остане тампон-зона за туѓи интереси.

Медиуми. Банки. Осигурување. Капитал. Влијание. Се она што

СДСМ предупредува се случува пред очите на јавноста.

АЛТА банка веќе влезе во македонскиот банкарски сектор.

Парите од сметките на јавните претпријатија и државата (парите на граѓаните) се префрлаат во Алта банка, со што таа остварува профит за финансирање на медиумите.

Граѓаните сами го плаќаат сопственото медиумско труење.

Се отвора простор и за АЛТА осигурување.

Следува контрола врз информациите што стигнуваат до македонските граѓани и медиумски мрак.

Задолжени се Началникот Драган Павловиќ Латас и Ивона Талевска.

Кога нема резултати, кога нема пари во Буџетот, нема подобар живот, кога европската перспектива се блокира, потребна е пропаганда и медумска контрола.

Да нема критика. Да нема прашања. Да нема одговорност.

Да има само пропаганда.

Ги повикуваме слободните медиуми, невладините организации, интелектуалците, заедно да се спротивставиме.

Ова е прашање што ги надминува партиските поделби.

Ова е прашање за слободата на медиумите и за демократска Македонија.

Македонија не смее да стане медиумска, политичка и економска колонија на туѓи центри на моќ.

Прес конференција на СДСМ на Богданка Кузеска, портпаролка и членка на ИО на СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Со грижа за најмладите и поддршка за нивниот прв училиштен чекор, и оваа година за сите првачиња во Општина Крива Паланка е обезбеден бесплатен училиштен прибор, благодарение на успешната соработка со реномираната и општествено одговорна компанија „Таргет“.

Донацијата, која традиционално се реализира петта година по ред, е наменета за најмладите ученици кои за неколку дена за првпат ќе седнат во училишните клупи и ќе го започнат своето ново животно поглавје.

Градоначалникот на Општина Крива Паланка, Сашко Митовски, ја прими донацијата и упати благодарност до компанијата „Таргет“ за континуираната поддршка и општествената одговорност што ја покажува кон локалната заедница.

„Првиот училиштен ден е посебен момент за секое дете и секое семејство. Затоа ни е особено драго што петта година по ред ја продолжуваме оваа убава традиција и на нашите првачиња им обезбедуваме поддршка за нивниот прв чекор во светот на знаењето. Благодарност до компанијата ‘Таргет’ што повторно ја препозна важноста на вложувањето во најмладите. Кога вложуваме во децата, вложуваме во иднината на Крива Паланка“, истакна градоначалникот Митовски.

Обезбедениот училиштен прибор ќе биде наменет за сите првачиња од основните училишта на територијата на општината, како мал, но значаен придонес за поубав и порадосен почеток на нивното образование.

Општина Крива Паланка продолжува со активности и партнерства насочени кон поддршка на децата и семејствата, создавајќи услови во кои најмладите ќе растат, учат и напредуваат со еднакви можности.

На сите првачиња им посакуваме среќен почеток, многу нови знаења, другарства и безброј насмевки во нивното прво училишно поглавје.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Ве информираме дека до Амбасадата на Република Македонија во Љубљана е доставено официјално известување од словенечката полиција за тешка сообраќајна незгода што се случила на 27 август 2026 година на автопатот А1, во близина на Унец.

Во незгодата животот го загубиле три лица – едно полнолетно и две малолетни лица, државјани на Република Македонија. Повредени се уште две лица кои се наоѓале во возилото и кои исто така се македонски државјани.

Случајот го обработуваат надлежните полициски органи во Копер. Амбасадата на Република Македонија во Љубљана е во комуникација со надлежните словенечки институции и го следи понатамошниот тек на постапката.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.