ИФФК „Браќа Манаки“ со отворено писмо до Агенцијата за филм, Министерството за култура..... - Канал 5

Култура

ИФФК „Браќа Манаки“ со отворено писмо до Агенцијата за филм, Министерството за култура.....

Раководството на Интернационалниот фестивал на филмска камера „Браќа Манаки“ со отворено писмо до Агенцијата за филм, Министерството за култура и туризам и македонската Влада, јавно бара исплата на финансиските средства.

ИФФК „Браќа Манаки“ со отворено писмо до Агенцијата за филм, Министерството за култура.....

Раководството на Интернационалниот фестивал на филмска камера „Браќа Манаки“ со отворено писмо до Агенцијата за филм, Министерството за култура и туризам и македонската Влада, јавно бара исплата на финансиските средства предвидени за фестивалот.

Од ИФФК „Браќа Манаки“ нагласуваат дека повеќе од два месеца откако заврши јубилејното 45. издание на фестивалот кој се реализирал без ниту еден денар буџет од Агенцијата за филм, единствено на добра волја на сите учесници, соработници и партнери на Фестивалот, се соочува со опомени пред тужби поради неможноста да се исплатат долговите кон соработниците и ангажираните лица.

-Јубилејното 45. издание на Фестивалот со гордост можеме да кажеме беше едно од најуспешните изданија досега. Посетено од врвни имиња, лауреати, оскаровци. Кино салите и работилниците беа исполнети со публика, а придружната програма дополнително го надополни сјајот на Битола. Но, за жал, како резултат на агонијата која ја трпиме овие неколку месеци поради неисплаќање на обврските од страна на Агенцијата за филм, не можеме ниту да се израдуваме на сопствените успеси. Би сакале да истакнеме дека Фестивалот уредно ги има доставено сите претходни извештаи и било каква правна пречка за вакво самоволие апсолутно не постои. До овој момент, Агенцијата за филм веќе цели пет месеци одбива да изврши исплата на Фестивалот, соопштија од ИФФК „Браќа Манаки“.

Тимот на фестивалот потсетува дека по сознанието дека в.д.директорката на Агенцијата за филм е во оставка, бара Министерство за култура и туризам, Владата на РСМ и Управниот одбор на Агенцијата за филм итно да се пристапи кон исплаќање на сретствата планирани за финансирање на фестивали и манифестации за 2024 година.

-Надворешните соработници, иако свесни дека Фестивалот нема никаква вина за неисплаќањето, единствено решение гледаат во опомени и тужби. Ние, ангажираните лица, се соочуваме со притисокот од елементарна егзистенција, бидејќи меѓу нас има и такви кои комплетно живеат од проектите на кои вредно и посветено работат, а се исплаќаат исклучиво од Агенцијата за филм. Голем број од нас, филмски работници, не земаме плата на секој први во месецот, немаме здравствено и пензиско осигурување. Ние и нашите семејства живееме од овие сретства кои пет месеци без никакво писмено образложение и со многу празни ветувања сеуште не ни се исплаќаат, нагласуваат во отворено писмо од тимот на ИФФК „Браќа Манаки“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Венеција ќе наплатува по 50 евра за влез во градот, одлуката за правниците е незаконска

Предлогот на новиот градоначалник на Венеција, Симоне Вентурини, за можно значително зголемување на цената на билетите за еднодневните излетници во тој северноиталијански град предизвика дискусии, пишува денес агенцијата ДПА.

Венеција ќе наплатува по 50 евра за влез во градот, одлуката за правниците е незаконска

„Ако во моментов таа цена е помеѓу 5 и 10 евра, мојот предлог е да се зголеми на помеѓу 30 и 50 евра во одредени денови“, ги објави неговите зборови весникот „Кориере дела Сера“.

Вентурини победи на локалните избори кон крајот на мај како кандидат од десниот центар, наследувајќи го Луиџи Бруњаро, кој ја извршуваше функцијата градоначалник десет години. Оваа година, Венеција им наплаќа на посетителите што престојуваат во градот краткорочна влезница од 10 евра за вкупно 60 дена, до крајот на јули, дури и ако поминат само неколку часа на улиците околу плоштадот „Свети Марко“ и мостот Риалто.

Оние што резервираат најмалку три дена однапред плаќаат 5 евра. Целта на таквата мерка е да се ограничи масовниот туризам, но критичарите веќе некое време тврдат дека сегашната цена на билетите не ги одвраќа туристите да ја посетат Венеција.

Адвокат: Тоа може да се протолкува како ограничување на слободата на движење

За време на изборната кампања, Вентурини предложи зголемување на цената на билетите во одредени денови кога се очекува особено голем број еднодневни посетители. Но, тој нема овластување самостојно да ја зголемува цената на билетите. Иако таксата е воведена во согласност со општинската уредба, горната граница е одредена од националното право.

Затоа, Вентурини мора да се консултира со владата во Рим. Специјалистот за уставно право Лудовико Мацароли наведе одредени законски пречки за „Кориере дела Сера“, велејќи дека наплатата на билет од 50 евра може да се протолкува како ограничување на слободата на движење.

Тагови: венеција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Маѓар: Забрзаниот влез на Украина во ЕУ би бил неправеден кон Западен Балкан

Забрзаното членство на Украина во Европската Унија би било неправедно кон земјите од Западен Балкан, кои со години се во пристапниот процес, изјавил унгарскиот премиер Петер Маѓар пред почетокот на состанокот на Европски совет во Брисел.

Маѓар: Забрзаниот влез на Украина во ЕУ би бил неправеден кон Западен Балкан

Маѓар нагласил дека проширувањето треба да се заснова на резултати и исполнети критериуми, а не на политички одлуки.

Тој оценил дека не треба да се забрзува пристапувањето на одделни кандидати на сметка на државите од Западен Балкан, бидејќи тоа како што изјавил, не би било ниту праведно ниту прагматично.

Според Маѓар малку е веројатно сите земји членки да имаат ист став по ова прашање, но нагласил дека Унгарија ќе ги застапува сопствените интереси во преговорите за идното проширување на ЕУ.

Тагови: Маѓар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Црна хроника

Случај ФФМ: Три лица, меѓу кои и Ѓорѓиоски во ефективен притвор, пет во куќен, а четворица со мерки на претпазливост

За аферата во ФФМ предмалку со соопштение се огласија од Кривичниот суд од каде потврдија дека завршиле исказите на осомничените за случајот

Случај ФФМ: Три лица, меѓу кои и Ѓорѓиоски во ефективен притвор, пет во куќен, а четворица со мерки на претпазливост

Од спроведени 12 лица, мерка притвор добиле три лица, 5 одат во куќен, за четворица се определени мерки за претпазливост, додека 5 лица се сѐ уште недостапни за органите.

Според истите информации меѓу оние кои оди во ефективен притвор е и поранешниот претседател на ффм, Илчо Ѓорѓиоски.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер