ИФФК „Браќа Манаки“ од 20 до 26 септември, македонски филмови за отворање и затворање на фестивалот - Канал 5

Култура

ИФФК „Браќа Манаки“ од 20 до 26 септември, македонски филмови за отворање и затворање на фестивалот

Интернационалниот фестивал на филмска камера (ИФФК) „Браќа Манаки“ од 20 до 26 септември во Битола ќе прикаже над 40 филмови во официјалната програма и ќе има околу 150 домашни и странски гости.

ИФФК „Браќа Манаки“ од 20 до 26 септември, македонски филмови за отворање и затворање на фестивалот

Во главната официјална програма за наградата „Златна камера 300“ ќе има два македонски филма – со новиот филм „Мајка“ на режисерката Теона Стругар Митевска и кинематограферката Виржини Сен Мартан, 46-тото издание на ИФФК ќе биде отворено, а за затворањето на 26 септември ќе биде прикажан филмот „Диџеј Ахмет“ на режисерот Георги М. Унковски и кинематограферот Наум Доксевски.

Специјална „Камера 300“ за особен придонес во филмската уметност ќе му биде доделена на наградуваниот турски режисер Семих Капланоглу, а наградата „Голема ѕвезда на македонскиот филм“, што ја доделува Друштвото на филмските работници на Македонија (ДФРМ), годинава ќе му биде врачена на филмскиот композитор Кирил Џајковски.

Ова беше соопштено на првата прес-конференција на ИФФК во пресрет на новото фестивалско издание.

Директорот на ИФФК Димитрија Доксевски рече дека 46-тото издание на најстаиот фестивал посветен на кинематограферите ќе биде „возбудливо, богато и квалитетно“ и оти интензивно го подготвуваат во изминатите три и пол месеци.

Како што рече, нешто што се провлекува од првото издание на ИФФК и е негова специфика е дека е прв фестивал во светот што ја слави уметноста на филмската камера.

-Големо бгатство што ние треба да го негуваме и затоа ќе се трудам таа традиција да се негува и да се развива. Речиси се што е традиција и концепт на фестивалот ќе го зачуваме и ќе продолжуваме да го равзвивавме. Остануваат традиционалните официјални програми од минатите гидини – Главната официјална програма „Камера 300“, со која фестивалот ќе се отвори на 20 септември во Битола, потоа Кратка програма, Документарна и Студентска програма, оваа година ја враќаме програмата „Макпоинт“ во која ќе се прикажуваат филмови од македонската продукција, ќе имаме уште неколку селекции на филмови ... Оваа година ќе имаме повеќе од 40 квалитетни филмови во официјалната програма, истакна Доксевски.

Додаде дека околу 150 филмски автори и врвни уметници ќе ја збогатат програмата и ќе учествуваат на проекциите, како и на работилници, мастеркласови и во придружните програми.

Селекторот на програмата, Слаѓан Пенев, рече дека главната програма ќе биде дополнително соопштена и ќе прикаже нови филмови наградени на последните најпрестижни светски фестивали – Кан, Берлин, Венеција, Локарно, Торонто...

Во главната селекција се и два макеоднски филма – „Мајка“ на Теона Стругар Митевска, кој претходно ќе има премиера на програмата „Хоризонти“ на филмскиот фестивал во Венеција, и филмот на Георги М. Унковски – „Диџеј Ахмет“, наградуван на голем број фестивали, за кој селекторот Пенев кажа дека очекува да биде еден од најсериозните кандидати за главната награда на ИФФК.

Претседателот на Друштвото на филмски работници на Македонија (ДФРМ) Игор Иванов-Изи соопшти дека токму на фестивалот во Битола ДФРМ ќе одбележи 75 години од своето основање во 1950 година, кога е формирана и првата продукциска куќа во Макеоднија – „Вардар филм“. Како што рече, ќе има значајни содржини по повод годишнината и ќе бидат доделени признанија.

Наградата „Големата ѕвезда на македонскиот филм“ ДФРМ оваа година му ја доделува на филмскиот композитор Кирил Џајковски која ќе му биде врачена на затворањето на фестивалот, на 26 септември.

Наградата се доделува од 2013 година кога прв добитник беше режисерот Кирил Ценевски.

Иванов-Изи за Џајковски рече дека не е само филмски композитор, туку „познат скопјанец, творец на културната сцена и на културниот профил на нашиот град и на нашата држава“.

-Го знаеме уште од дамнешни времиња, од неговиот бенд „Бастион“, потоа се појави во „Леб и сол“, на албумот „Као какао“ и направи извонреден исчекор за овој скопски бенд, потоа почна да работи на театарски претстави и на филмското платно. За неговите диџејски и соло-проекти воопшто и да не зборуваме ... Не е лесно да се најде лауреат во оваа мала земја за оваа награда, а да не се направи пропуст затоа што критериумот е многу висок и таков и треба да остане, тоа е нашата заложба, рече Иванов-Изи на првата прес-конференција по повод 46-тото издание на ИФФК „Браќа Манаки“.

Тагови: Браќа Манаки

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Не можете да се ослободите од салото на стомакот со вежби за стомачните мускули: еве што навистина делува и дава трајни резултати.

Не постои волшебно стапче, но овие избори можат да бидат клучни, велат експертите од клиниката „Џонс Хопкинс“.

Не можете да се ослободите од салото на стомакот со вежби за стомачните мускули: еве што навистина делува и дава трајни резултати.

Не можете да се ослободите од салото на стомакот правејќи стомачни вежби или консумирајќи некоја намирница. Со намалување на обемот на масното ткиво, обично се намалува обемот на струкот. Еве кои навики треба да ги усвоите за тој процес да биде одржлив и долгорочен, според стручните лица од клиниката „Џонс Хопкинс“.

Промените почнуваат од секојдневните избори

Наместо потполно да ги исфрлите јаглехидратите, поважно е да изберете поквалитетни. ДАјте им предност на намирниците богати со растителни влакна, а рафинираните јаглехидрати и производи со додаден шеќер јадете ги ретко.

Не потпирајте се на строги и краткотрајни диети. Покорисно е да најдете начин на исхрана до кој ќе се придржувате со месеци и години. Внесете повеќе зеленчук на менито, мешунки, квалитетен извод на протеини и други минимално преработени намирници.

Движењето исто така е важно. Редовна умерена до интензивна физичка активност може да придонесе во намалување на абдоменалната маснотија. Со аеробни вежби, како што се брзото одење, возење велосипед или пливање, како и вклучување на тренинг за сила, може да ја сочувате и да изградите мускулна маса.

Напредокот не се мери само со килограми

Навика што често ја пропуштаме е читањето декларации. Производите што делуваат „лесно“, или немасно, може да содржат доста шеќер, додека преливите, сосовите и мајонезите лесно го зголемуваат внесувањето калории. Затоа погледнете го составот пред да го купите производот.

Ограничете ги преработените производи, особено грицките, слатките и засладените пијалаци.

На крај, не дозволувајте вагата да биде единствено мерило за успехот. Ако истовремено губите масти, добивате мускулна маса, па килограмите не паѓаат лесно. Она на што треба да обрнете внимание е обемот на струкот и начинот на кој ви прилега облеката.

Многу е полесно да истраете кога имате поддршка. Заедничка прошетка, тренинг или подготовка на поздрав оброк со партнерот, пријателите или семејството може новите навики да ги претвори во дел од секојдневната рутина.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Тие остваруваат сè што ќе посакаат: Три заеднички карактеристики на успешните луѓе

Вистинската разлика ретко лежи во парите или во надворешните предности; таа лежи во начинот на кој луѓето се справуваат со сопствената несигурност и неизвесност.

Тие остваруваат сè што ќе посакаат: Три заеднички карактеристики на успешните луѓе

Кога набљудуваме луѓе кои успеале да изградат стабилен и исполнет живот, лесно е да претпоставиме дека тие имале повеќе среќа, подобра семејна позадина или околности што им оделе во прилог. Сепак, ако малку подлабоко навлеземе во приказните на оние што својот пат го изградиле од нула, гледаме дека вистинската разлика ретко лежи во парите или во надворешните предности. Наместо тоа, таа лежи во начинот на кој се справуваат со сопствената несигурност и неизвесност, како и во храброста со која чекорат во области што другите ги избегнуваат.

Храброста да се постави прашање

Една од најголемите – а често и најтивки – пречки со кои се соочуваме секојдневно е стравот дека ќе го слушнеме зборот „не“. Тоа непријатно чувство на стегање во стомакот нè тера да ги потиснуваме сопствените потреби, да се откажеме од барањето за заслужено покачување на платата или едноставно да се повлечеме од можностите за поврзување со другите – а сè тоа затоа што во мислите веќе сме го одиграле најлошото можно сценарио. Сепак, додека чекаме апсолутна сигурност пред да го направиме првиот чекор, животот тивко поминува покрај нас.

Самодовербата не значи отсуство на страв; таа е свесна одлука да се направи чекор напред дури и кога срцето ни чука забрзано. Дури оној момент кога ќе собереме храброст да поставиме прашање, да изразиме желба или да предложиме идеја, всушност на животот му даваме шанса да ни одговори потврдно, додека откажувајќи се без обид, самите однапред си го наметнуваме тоа одбивање.

Желбата за учење и нови искуства

Долготрајното останување во добро познати утврдени рамки нуди утешно чувство на привиден мир, но токму таа рутина со тек на време не осиромашува внатрешно и ја гаси нашата мотивација. Кога деновите ќе ни се претворат во повторување на истите навики и задачи, нашата креативна инспирација и љубопитност едноставно избледуваат. Стекнувањето нови знаења, читањето и подготвеноста да се испробаат работи во кои сè уште не сме вешти, делуваат како свеж воздух што нè враќа во живот. Иако секоја промена во рутината на почетокот предизвикува блага непријатност и бара напор, токму тие нови искуства ги прошируваат нашите хоризонти и го враќаат длабокото чувство на живост, кое често се губи во монотонијата.

Чекoр надвор од познатото

На крајот на краиштата, никаков вистински напредок во животот не е можен без подготвеност повремено да зачекориме во непознатото и да преземеме промислен ризик. Тоа не значи избрзано впуштање во опасни или непромислени ситуации, туку носење одлука и тргнување напред дури и кога немаме стопроцентна гаранција за тоа како ќе се одвиваат работите. Додека несигурноста во секој чекор кон непознатото гледа само ризик од загуба, внатрешната стабилност го препознава тоа како драгоцена можност за личен развој. Исходот сигурно нема секогаш да биде совршен, а пречките се неизбежен дел од секое патување; сепак, со секој чекор надвор од нашата комфорна зона, стануваме побогати со искуство и внатрешна сила – вредности што никој никогаш не може да ни ги одземе, пишува сенса.хр

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Сидни Свини повторно се соблече

И покрај негативните коментари на социјалните мрежи,  холивудската убавица, актерката Сидни Свини сними нова реклама за спортската платформа „Novig“. 

Фото: Сидни Свини повторно се соблече

Ниту овој пат сексапилната русокоса актерка не се срамеше да се покаже пред светот.

Пред еден месец, Сидни Свини предизвика бурни реакции во јавноста откако сними реклама за спортската платформа „Новиг“ (Novig), која промовира обложување.

Таа се појави целосно гола, а фотографии и видеа од нејзиното голо тело масовно се ширеа на социјалните мрежи. Спортисти од целиот свет бурно реагираа на овој потег на познатата актерка.

Иако рекламата предизвика силни негативни реакции во јавноста, се чини дека тоа немаше поголемо влијание врз јавниот имиџ на Сидни. Сега, и покрај оние што ја навредуваа, таа го сними продолжението на оваа контроверзна реклама. За таа прилика, таа носеше само бели гаќички и две рагби-топки што ѝ ги покриваа градите.

Сепак, вниманието на јавноста беше привлечено од зборовите изговорени во рекламата:

Како што можеше да се претпостави, рекламата предизвика поделени реакции кај луѓето, а некои предвидуваат дека таа ќе покрене лавина од коментари и осуди од страна на жени и спортистки.

„Пак ќе ги налути“, „Ужива во тоа што луѓето ја мразат“, „Сите тие љубоморни девојки пак ќе се јавуваат, а јас ќе уживам читајќи го тоа“ – беа само дел од коментарите на нејзините обожаватели.

Тагови: Сидни Свини

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер