Свет

Идниот германски канцелар сака преговори за заедничко европско нуклеарно вооружување

Веројатниот нов германски канцелар Фридрих Мерц изјави дека сака разговори со Франција и Британија за споделување на нивниот нуклеарен арсенал, но не како замена за американската нуклеарна заштита за Европа.

„Споделувањето на нуклеарното оружје е тема за која треба да разговараме. Треба заедно да ја зајакнеме нуклеарната одбрана“, рече Мерц во неделното интервју за радиото Дојчландфунк.

Тој нагласи дека овие разговори треба да бидат додаток на американскиот нуклеарен чадор, а не негова замена.

„Треба да разговараме со двете земји (Франција и Велика Британија), секогаш од перспектива на надополнување на американската нуклеарна заштита, која, се разбира, сакаме да ја зачуваме.

Од историски причини, Германија е посветена на ненуклеарна одбрана преку низа меѓународни договори, но учествува во програмата на НАТО за споделување нуклеарно оружје, според која американските боеви глави можат да бидат распоредени на нејзина територија.

На состанокот на лидерите на ЕУ во четвртокот во Брисел, лидерите го поддржаа зголемувањето на трошоците за одбрана поради загриженоста дека Русија, охрабрена од војната во Украина, може да нападне една од членките на ЕУ.

Исто така, постои растечка неизвесност за потпирање на САД како главен безбедносен гарант на Европа.

Францускиот претседател Емануел Макрон ѝ се обрати на нацијата во средата вечерта, предупредувајќи дека руската агресија „не познава граници“.

Тој најави дека со своите европски партнери ќе разговара за можноста за проширување на француската нуклеарна заштита на други земји на континентот, но јасно стави до знаење дека одлуката и контролата секогаш ќе останат во рацете на францускиот претседател.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Владата препорача работа од дома за вработените во институциите во зградата на „Нова Македонија“

Владата препорача работа од дома за вработените во осумте државни институции, лоцирани во административната зграда „Нова Македонија“, по поплавата која вчера се случи во објектот по пукање на топловодна цевка.

Поради ризикот за електричните инсталации, од безбедносни причини исклучена се и струјата и водата..

Владата препорача работа од дома за вработените во институциите во зградата.

-Имајќи ги предвид последиците, особено продирањето на вода во дел од електричните инсталации, како и потребата од спроведување на сите неопходни технички и безбедносни проверки пред повторно ставање на објектот во редовна функција, владата донесе заклучок со кој се препорачува на институциите сместени во објектот да го реорганизираат своето тековно работење односно вработените привремено да ги извршуваат своите работни обврски преку работа од дома, без физичко присуство во зградата - информираат од владата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Десетгодишно дете од Скопје е тешко повредено откако било удрено од автомобил управуван од 70-годишна жена

Десетгодишно дете од Скопје е тешко повредено откако било удрено од автомобил „шевролет“, управуван од 70-годишна скопјанка.

Несреќата се случила во неделата околу 20 часот на крстосницата од улицата „Христо Татарчев” и улицата „Франк Харкорт Манинг” во Скопје.

„Пријавено е дека 70-годишната М. Г. од Скопје, управувајќи патничко возило ‘шевролет’ со скопски регистарски ознаки, удрила во 10-годишно дете од скопје“,информираат од МВР.

Детето се здобило со тешки телесни повреди, констатирани во болницата „Свети Наум Охридски” во Скопје.

Тагови: сообраќајка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Со изведување докази продолжува судењето за „Државна Лотарија“

Со изведување на материјалните докази од страна на Јавното обвинителство денеска во Основниот кривичен суд Скопје треба да продолжи судењето за предметот „Државна Лотарија“, во кој меѓу обвинетите се поранешниот прв вицепремиер Артан Груби

Со изведување на материјалните докази од страна на Јавното обвинителство денеска во Основниот кривичен суд Скопје треба да продолжи судењето за предметот „Државна Лотарија“, во кој меѓу обвинетите се поранешниот прв вицепремиер Артан Груби и поранешниот директор на АД „Државна Лотарија“, Перпарим Бајрами.

Покрај поранешниот вицепремиер Артан Груби и ексдиректорот на лотаријата Перпарим Бајрами, кои беа во бегство, но се вратија и се предадоа на властите во земјава, во овој судски предмет обвинети се и Башким Авди, Методија Димовски, Скендер Мехмети, Бојан Јанев, Фатмир Рамадановски и Александар Димитриоски.

Тие се товарат дека со пречекорување на службените овластувања предизвикале штета на Ад „Државна Лотарија“ во износ од над 9 милиони евра.сите обвинети во претходниот тек на постапката се изјаснија дека не се чувствуваат виновни за делата што им се ставаат на товар.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.