Идната година студентите ќе се вселуваат во домот „Кузман“ - Канал 5

Македонија

Идната година студентите ќе се вселуваат во домот „Кузман“

Идната година студентите ќе се вселуваат во домот „Кузман“, до крајот на мандатот на Владата ќе бидат реновирани сите студентски домови.

Идната година студентите ќе се вселуваат во домот „Кузман“

Идната година ќе почне сместувањето на студентите во студентскиот дом „Кузман Јосифовски-Питу“ во Скопје кој се реконструира од минатата пролет.

Владата со помош на Европската Унија преку Германската развојна банка обезбеди средства за реконструкција на девет студентски домови во државава и во првата фаза се опфатени домовите „Кузман“ и „Стив Наумов“ во Скопје.

Министерката за образование и наука Весна Јаневска при денешниот увид во градежните активности на компанијата „Страбаг“ во студентскиот дом „Кузман“, заедно со премиерот Христијан Мицкоски, изјави дека со реновирањето објектите ќе бидат енергетски ефикасни. Како што рече, целта е да се подигне стандардот на студентите и „обезбедување нормални, а не супстандардни услови за живеење и учење на студентите“.

-Реконструкцијата е темелна и покрај градежните работи, опфаќа и водовод, канализација, енергетика, машинство, фотоволтаични панели, за да може потрошувачката на другиот тип на енергија, ослободувањето на јаглероден диоксид да се сведат на минимум. Исклучително е значајно што во приземјето се предвидени соби за студентите со посебни образовни потреби, кои досега ги немаше, а сега ќе ги има. Исто така, собите за студентите се уредуваат по највисоки стандарди, прозорците се од многу висок квалитет, дополнително, за заштеда на енергијата предвидено е паметна регулација – како на топлината, така и на светлината. Тоа значи дека кога студентот ќе излезе од собата, а заборавил да го изгаси светлото, тоа ќе се изгаси автоматски, а исто и греењето, изјави Јаневска.

Посочи дека проектот опфаќа три фази – во втората ќе бидат реновирани домовите во Охрид, Штип, Прилеп и студентскиот дом „Томе Стефановски -Сениќ” во Скопје, а во третата фаза - „Гоце Делчев“ во Скопје и студентскиот дом во Битола. Очекува целиот проект да заврши до крајот на мандатот на оваа Влада.

-Тоа значи дека ќе бидат опфатени сите домови во Македонија. Секоја од фазите би требало да чини околу 17 милиони евра. Досега имаме обезбедено 30 милиони евра за да ги довршиме овие проекти што сме ги започнале. Оваа влада се грижи за студентите, ќе треба малку време, ова ќе оди во фази, но студентите во Македонија конечно ќе имаат солидни услови во кои ќе живеат и работат, нагласи министерката за образование и наука.

Како и минатата година, и во оваа академска година, рече таа, додека трае реновирањето на домовите, сите студенти што ги исполнуваат условите ќе добијат сместување, а за тоа на располагање се и ученичките домови.

Премиерот Христијан Мицкоски истакна дека се работи за значаен проект кој, рече, „долго време беше заглавен во лавиринти и процедури“.

-Конечно е одглавен, навистина голем напор од страна на Министерството. Мислам дека сето она што го кажа министерката ќе се случи. За нас е важно да се заврши овој проект и младите луѓе, студентите, конечно да добијат повеќе од добри услови за сместување. Барем од она што го видовме внатре, една просторија како тоа би изгледало, споредено со тоа како било порано, станува збор за огромна разлика. Навистина ќе уживаат во совладувањето на материјата на факултетите. Можам само да посакам успешно студирање, побргу да се заврши проектот и студентите да почнат да се вселуваат. Како што кажа и министерката, во текот на следната година очекуваме полека да се вселуваат студентите. Како Влада, нашата цел е реализација на проекти, реформи, бидејќи тоа од нас го очекуваат граѓаните – да градиме, а не како што беше во минатото – кога владите крадеа, и тоа ужасно многу крадеа од граѓаните, и ништо не успеаја да направат, изјави Мицкоски по направениот увид во градежните работи за реконструкција на студентскиот дом „Кузман Јосифовски-Питу“ во центарот на Скопје.

Тагови: МОН

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Ким Кардашијан има пет дадилки за своите четири деца: „Една е секогаш на должност“

Ким Кардашијан, 45-годишната основачка на брендот „SKIMS“, во ново интервју откри детали за тоа како го организира животот со четирите деца што ги има со поранешниот сопруг, Канје Вест. 

Ким Кардашијан има пет дадилки за своите четири деца: „Една е секогаш на должност“

Заедно ги имаат ќерките Норт (13) и Чикаго (8) и синовите Сејнт (10) и Псалм (7), при што Кардашијан е нивниот примарен старател.

Кардашијан за „Тајмс“ откри дека има помош околу грижата за децата, ангажирајќи пет дадилки кои се менуваат. Таа објасни дека „една е секогаш на должност“, додека „останатите четири се менуваат во смени“.

Таа секој ден ги вози на училиште

И покрај тоа што има помош, Кардашијан вели дека е активно вклучена во секојдневниот живот на своите деца. Таа лично ги вози на училиште и ги зема оттаму секој ден, а секоја вечер заедно вечераат. „Мислам дека сум умерено строга мајка. Многу сум трпелива и им давам многу љубов. Децата сè уште можат да спијат во мојот кревет кога и да посакаат, а јас им читам секоја вечер пред спиење“, рече таа.

Таа се грижи за јавното експонирање на децата

Во интервјуто, таа се осврна и на прашањето за јавното експонирање на нејзините деца – особено на најстарата ќерка, Норт, која е популарна на „TikTok“ и сè повеќе се занимава со музика. Кардашијан призна дека се грижи за учеството на децата во семејното реално шоу „The Kardashians“. „Секое дете учествува онолку колку што се чувствува пријатно. Помалите деца се појавуваат додека снимам, но немаат некои големи улоги во серијата. Норт ужива во тоа малку повеќе од другите, па морам малку да ја ограничувам“, објасни таа. Таа додаде дека Норт е најмногу заинтересирана за проекти кои нудат јавно експонирање, поради што нејзините родители се обидуваат внимателно да ги избираат можностите што таа ги прифаќа, наместо да се согласуваат на сè што ѝ се нуди.

Кога станува збор за музиката, Кардашијан вели дека подобро комуницира со Канје Вест на таа тема. Тие се погрижуваат да бидат усогласени и се осигуруваат дека Норт учествува само во проекти што и двајцата ги одобриле.

Извор: Индекс.хр

Тагови: Ким Кардашијан

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Хаос во Франција: Се затвораат до 500 средни училишта, 24 се запалени или вандализирани

Училиштата се затвораат кога не се исполнети безбедносните услови – било поради оштетување на имотот или поради тоа што вработените биле директно загрозени.

Хаос во Франција: Се затвораат до 500 средни училишта, 24 се запалени или вандализирани

Францускиот министер за образование, Жан-Мишел Бланке, денес соопшти дека утре целосно или делумно ќе бидат затворени меѓу 400 и 500 средни училишта во Франција поради последиците од насилните студентски протести, додека најмалку 24 училишни објекти биле запалени или вандализирани.

„Наставата беше прекината во меѓу 400 и 500 образовни установи во петокот, а веројатно сличен број ќе бидат затворени и во понеделник, иако со делумно и постепено продолжување на наставата“, изјави Бланке, пренесува весникот „Ле Фигаро“.

Францускиот министер наведе дека 78 вработени во образовниот систем се повредени откако започнаа протестите.

Според него, училиштата се затвораат кога не се исполнети безбедносните услови – било поради оштетување на имотот или поради тоа што вработените биле директно загрозени.

Бланке рече дека одредени припадници на крајната левица се приклучиле на протестите, обвинувајќи ги дека го злоупотребиле студентското движење и прибегнале кон насилство.

„Ова претставува ризик и за нашиот персонал и за учениците. Повредени се 78 вработени во образованието – нешто што досега не сме го виделе. Тие беа намерно нападнати бидејќи работат во образованието“, изјави министерот.

Протести низ Франција

Протестите и блокадите на средните училишта започнаа на 17 септември во регионот на Париз, а потоа се проширија низ целата земја. Ситуацијата, како што забележува францускиот весник, ескалираше во четвртокот во неколку француски градови.

Петокот беше одбележан со тензии и повеќе од 1.700 приведени лица, со што вкупниот број на приведени од почетокот на неделата достигна околу 5.000.

Организаторите повикаа протестите да продолжат и во вторник, наведувајќи дека не добиле „конкретни мерки“ од властите.

Учениците што учествуваат во протестите, меѓу другото, бараат повеќе персонал и зголемени средства за образованието, а истовремено се жалат на притисокот од системот за упис на универзитетите, недостигот на наставници-заменици, лошата состојба на училишните згради и преоптоварените распореди на часовите.

Извор: Б92

Тагови: Франција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Пукање во близина на границата меѓу Норвешка и Шведска: Убиени татко и син

Татко и син загинаа, а трет маж беше тешко ранет во пукање во близина на Халден, во југоисточна Норвешка. Осомничениот, маж на возраст од околу 30 години, бил совладан од присутните на местото на настанот пред да пристигне полицијата.

Пукање во близина на границата меѓу Норвешка и Шведска: Убиени татко и син

Жртвите биле маж во седумдесеттите години и неговиот син, кој бил во четириесеттите години. Сите тројца биле дел од ловечка група собрана на имот во близина на езерото Ершеен, недалеку од шведската граница.

Напаѓачот совладан пред пристигнувањето на полицијата

Според норвешките медиуми, осомничениот не бил дел од ловечката група.

По пукањето, луѓето присутни на имотот успеале да го совладаат и да го задржат до доаѓањето на полицијата. Полицијата верува дека тој дејствувал сам и соопшти дека нема опасност за јавноста.

Според досегашните информации, во нападот била употребена ловечка пушка. Норвешките медиуми исто така известуваат дека осомничениот поседувал дозвола за две парчиња огнено оружје.

Адвокат: Тој ја признал кривичната одговорност

Адвокатот на осомничениот, Оле Ричард Холм-Олсен, изјави дека неговиот клиент ја признал кривичната одговорност за двете убиства и за ранувањето на третото лице.

Според адвокатот, осомничениот писмено ја признал кривичната одговорност и се согласил на притвор, но во моментов не сака да даде изјава пред полицијата.

Мотивот сè уште непознат

Полицијата сè уште истражува зошто осомничениот отворил оган и каква поврзаност имал со луѓето на имотот. Истражителите се сомневаат дека тој ја познавал групата или некои од нејзините членови, но според досега објавените информации, тој не бил во роднинска врска со загинатите или со ранетиот маж.

По пукањето, полицијата ја пребарала околината и блиските објекти за да провери дали има други напаѓачи или жртви. Не биле пронајдени други жртви ниту дополнителни напаѓачи.

Извор: Индекс.хр

Тагови: пукање

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер