Свет

ИДФ: Центрите за помош во Газа денеска затворени, пристапот до областа е забранет

По извештаите дека израелските сили убиле луѓе во близина на место за дистрибуција на храна во Газа, сите центри за помош во енклавата денеска остануваат затворени, соопшти израелската војска.

Портпаролот на Израелските одбранбени сили (ИДФ)Авичај Адраи на X соопшти дека објектите ќе останат затворени поради „работи на реновирање, организација и подобрување на ефикасноста“, цитирајќи ја Газанската хуманитарна фондација (GHF), која ги води операциите за помош.

Војската ги предупреди цивилите да избегнуваат приближување до центрите, прогласувајќи ги околните патишта за борбени зони.

- Строго е забрането влегување во областите на дистрибутивните центри, додаде портпаролот.

Се очекува центрите утре повторно да се отворат.

Затворањето доаѓа откако Министерството за здравство под контрола на Хамас соопшти дека израелските војници вчера отвориле оган врз цивили во близина на дистрибутивен пункт, при што загинале најмалку 27 лица, а околу 90 биле ранети.

Израелската армија соопшти дека нејзините војници, стационирани на околу 500 метри од локацијата, забележале лица кои се приближуваат и кои ги сметале за закана. Војниците првично испукале предупредувачки истрели пред да пукаат во поединечни осомничени кои не се повлекле. Тврдењата не можат независно да се потврдат, нагласува ДПА.

GHF ја почна својата дистрибутивна мрежа пред нешто повеќе од една недела, откако Израел, под меѓународен притисок, дозволи ограничен хуманитарен пристап по речиси тримесечна блокада.

Тагови: ИДФ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Се запали автобус на „Дурмо Турс“ на автопатот Тетово Гостивар

Автобус на компанијата „Дурмо Турс“ денеска се запали на автопатот Тетово Гостивар, предизвикувајќи вознемиреност кај патниците и останатите учесници во сообраќајот.

На социјалните мрежи се појавија видеоснимки на кои се гледа како автобусот е зафатен од пламен, додека густ чад се издига над коловозот.

Според првичните информации, возачот навреме го запрел автобусот, по што сите патници безбедно биле евакуирани. Засега нема информации за повредени лица, а на местото на настанот интервенирале противпожарни екипи кои го локализирале пожарот. Надлежните институции вршат увид за да се утврдат причините за избувнувањето на огнот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Видео: Сабаленка ги шокираше навивачите со проѕирен фустан за УС Опен

Сабаленка ги шокираше навивачите со проѕирен фустан за УС Опен-Погледнете што ќе носи популарната „тигрица“.

Најдобрата светска тенисерка, Белорусинката Арина Сабаленка ја претстави својата облека за престојниот Грен слем УС Опен.

Светскиот рекет број 1, Арина Сабаленка, ја претстави својата опрема за УС Опен.

Откако неславно го заврши настапот на Вимблдон, таа ретко се појавуваше во јавноста, а сега одлучи да ги израдува навивачите со облеката што ќе ја носи на последниот Грен слем турнир во сезоната.

Брендот „Најк“ и тенисерката од Белорусија овојпат направија чекор понапред. „Тигрицата“ ја брани титулата на УС Опен, откако победи во 2024, а потоа и во 2025 година.

Ако се суди според најавите, ќе гледаме агресивна и енергична Сабаленка, каква што сме навикнати да ја гледаме. Облеката што ја претстави го навести токму тоа.

Сабаленка се одлучи за портокалова боја – маичка и шорцеви, а претходно ќе носи и мрежест фустан.

US Open outfit pic.twitter.com/pIOVmEpisS
— 👑 Aryna Sabalenka 🐯 Daily (@SabalenkaDaily) July 30, 2026

Иако популарниот бренд досега не ѝ овозможувал на Сабаленка уникатни спортски комплети, овојпат тоа секако ќе се случи. Јасно е дека опремата што ќе ја носи Белорусинката е инспирирана од „Спајдермен“, а се очекува и други тенисерки кои го носат овој бренд да се појават во слични изданија.

Црната мрежа што ја прекрива дводелната спортска опрема е директна асоцијација на филмот, чија премиера е закажана за јули 2026 година. Нема сомнеж дека изданието на Арина Сабаленка ќе предизвика бројни реакции, бидејќи коментарите постојано се менуваат – од позитивни до негативни – само неколку часа по објавувањето на видеото.

Фановите не ја изоставија ниту Наоми Осака, од која очекуваат уште поспектакуларно издание, слично на оние од претходните три Грен слем турнири. Воедно, ова веројатно е последниот Грен слем на кој Сабаленка ќе носи стандардна облека од „Најк“ (Nike) како и останатите тенисерки, бидејќи уште во 2027 година би можеле да ја видиме во персонализирани комбинации.

Тагови: Арина Сабаленка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Фото: Змија виси над волан на автомобил во БиХ

Корисниците на социјалните мрежи биле изненадени од видео од Сјеница кое неодамна кружи на интернет.

Сопственикот на автомобилот снимил змија како виси од вратата на автомобилот.

Таа висеше веднаш над воланот, обидувајќи се да се ослободи; како успеа да се заглави во вратата на автомобилот останува непознато.

Оваа необична глетка ги забавуваше многу корисници. „Ја закачи како освежувач на воздух“, гласеше еден од коментарите.

https://www.instagram.com/reel/DbjENoYxfSq/?utm_source=ig_embed&utm_campaign=loading

Тагови: змија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.