Забава

Ибра има нова „играчка“ на 4 тркала вредна 2 милиони евра!!

Еден од најдобрите светски фудбалери во последните две децении, ветеранот на Милан , Златан Ибрахимовиќ се поднови со нов скапоцен автомобил.

Популарниот Ибра кој се уште се опоравува од повредата која го оддалечи од зелениот терен сезонава,знае како да се утеши поради неиграњето и поразот на неговиот Милан во првото полуфинале од Лигата на шампионите против градскиот ривал Интер.

Само неколку часа по поразот од Интер од 2-0 италијанските медиуми објавија дека Ибра има нова скапа „машина“.

Тој и неговата сопруга Хелена Сегер се почестија со најновиот модел на Ферари!

Откако купи „Ferrari SF90 Spider“ за својот 40-ти роденден, сега богатиот фудбалер купи уште поскап модел на Ферари „Datona SP3“. Според медиумите, наводно, Ибрахимовиќ со својот роденденски подарот пристигнал во претставништвото на Ферари , а потоа платил дополнителни 1.500.000 евра за да ја добие новото Ферари „Datona SP3“!

Значи„Spyder“ вредел околу 500.000 евра, а „Datona SP3“ 2.000.000..

Новиот автомобил на славниот фудбалер е произведен во само 599 примероци. До 100 km/h достигнува за само 2,85 секунди, а 200 km/h за 7,4 секунди. Максималната брзина што може да ја развие е неверојатни 340 километри на час.

Инаку Ибра е голем љубител на скапи и брзи автомобили. Во својата гаража тој има автомобили вредни околу 20 милиони долари.

Златан е заљубен е во Ферари, моментално има четири, а тука се и Порше, Ламборџини, Масерати, Мерцедес...

Искусниот напаѓач следната сезона би можел да стане член на италијанска Монца. Се наведува дека договорот е со клубот во сопственост на поранешниот италијански премиер и поранешен сопственик на Милан, Силвио Берлускони.

Ибрахимовиќ се опоравува од повредата и очигледно нема намера да се збогува со активниот фудбал. Популарниот Ибра минатата година имаше операција на коленото, а оваа сезона успеа да собере само 144 минути за Милан во сите натпреварувања. Со голот против Удинезе стана најстариот стрелец во историјата на Серија А, а со Милан е под договор до крајот на сезоната.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Џеј Ло во тесно трико ги истакна облините

Што промени светската музичка ѕвезда, Џенифер Лопез во исхраната и рутината за вежбање за да изгледа вака супер на 57 години.

Папарацо-фотографиите го открија нејзиното совршено тело.

Мегапопуларната Џеј Ло со децении редовно вежба, но во текот на изминатата година значително ги промени својата исхрана и рутината за вежбање.

Дефинитовно оваа промена вродила со плод и сега жешката Латиноамериканка изгледа подобро од било кога.

Новите папарацо-фотографии од Џенифер Лопез во црно трико за вежбање и со чаша вода во рацете би можеле да бидат одлична мотивација за секоја жена.

Сепак, тешко е да се поверува дека оваа жена има 57 години и е мајка на две возрасни деца.

Тагови: Џенифер Лопез

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Видео-фото: Најпознатата плус сајз манекенка гордно го покажа телото: Вака изгледа мојот живот

Најпознатата плус сајз манекенка, Ешли Греам, се прослави токму по своите прекрасни облини, но и по храброста да ги покаже во секоја прилика – дури и пред оние што ја пречекуваат „со нож“.

Познатата убавица сега објави видео на Инстаграм во кое прикажа различни сцени, но и моменти од различни периоди на нејзиниот живот.

На него таа позира во бикини, поминува време со своите деца, ужива во бременоста и вежба, а пораката што сакаше да ја пренесе е дека телото на секого се менува и дека тоа е сосема нормално.

https://www.instagram.com/reel/DeO4MOMznWf/?utm_source=ig_embed

„Секако дека телото ми се менува. Вака изгледа мојот живот. Не би сакала ништо да биде поинаку“, напиша таа покрај видеото.

Нејзината објава предизвика лавина реакции за многу кратко време и сите го поздравија овој потег. Во коментарите ѝ упатија зборови на поддршка и ѝ се заблагодарија за искреноста.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Еврото падна на најниско ниво во однос на доларот во последните 17 месец

Еврото падна на најниско ниво во последните 17 мсеци во однос на американскиот долар под притисок на растечките стравувања за јавниот долг на Франција, растот на цените на енергенсите и неизвесноста на финансиските пазари.

На 5 октомври, европската валута се спушти на околу 1,12 долари, продолжувајќи го падот што од почетокот на 2026 година достигна приближно пет проценти. Аналитичарите оценуваат дека инвеститорите сè повеќе ги преиспитуваат ризиците поврзани со европската економија, но и очекувањата за каматната политика на американските Федерални резерви.

Особена загриженост предизвикува Франција, чиј јавен долг достигна речиси 118 проценти од бруто домашниот производ, додека буџетскиот дефицит останува висок. Растот на приносите на француските државни обврзници покажува дека задолжувањето на земјата станува поскапо, а дел од инвеститорите се насочуваат кон германските обврзници, кои се сметаат за посигурна инвестиција.

Слабеењето на еврото создава дополнителен ризик од инфлација, бидејќи увозот на нафта, гас и други производи што се плаќаат во долари станува поскап. Тоа може да изврши дополнителен притисок врз цените во Европа.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.