Иако вакцината постои 50 години, малите сипаници лани однесоа 140 000 животи - Канал 5

Здравје

Иако вакцината постои 50 години, малите сипаници лани однесоа 140 000 животи

По децении значаен напредок, борбата против сипаниците стагнира и бројот на починати се зголеми во 2018 година, предупреди Светската здравствена организација (СЗО) и американските здравствени власти.

Иако вакцината постои 50 години, малите сипаници лани однесоа 140 000 животи

Вирусот на морбили е еден од најзаразните вируси, кој може да се задржи во просторија два часа по минувањето на заразено лице и предизвика епидемија на пет континенти во 2018 година, експлодирајќи во градовите и населбите каде премалку луѓе се вакцинирани.

Јужниот пацифички остров Самоа сега се бори со епидемија во која загинаа 62 лица од октомври, а скоро сите се деца под 4-годишна возраст. Властите го блокираа пристапот до архипелагот и во четвртокот започнаа кампања за вакцинирање од врата до врата.

Во пет земји во 2018 година беа сконцентрирани скоро половина од заболените: Демократска Република Конго, Либерија, Мадагаскар, Сомалија и Украина, според извештајот на Центрите за контрола и спречување на болести (ЦДЦ). Но, вирусот патува брзо.

Од Филипините и Украина, околу стотина луѓе ја донеле инфекцијата во Израел, од каде заразените им ја пренеле болеста на Евреите од Њујорк и придонеле за најголемата епидемија во САД од 1992 година.

Во богатите земји, сипаниците не убиваат или тоа е многу ретко, но во Конго двојно е зголемен бројот на починати и морбили однесе 5000 животи оваа година.

Вкупно, 142.000 луѓе починаа од сипаници во светот во 2018 година, четири пати повеќе отколку во 2000 година, односно 15 проценти повеќе отколку во 2017 година.

„Секој знае дека постои безбедна, ефикасна и прифатлива вакцина против сипаници веќе 50 години“, изјави Кејт О’Брајан, директорка за вакцините на СЗО на прес-конференција.

Од 2010 година, процентот на светско население што ја прима првата од двете препорачани дози вакцина стагнира на околу 86 проценти, а за да се спречи епидемија треба да биде 95 проценти.

„Ние не постигнавме напредок во оваа деценија за да спречиме бојкот на вакцинирање од сипаници“, заклучи О’Брајан.

И во Европа, доволно е една заедница да биде недоволно вакцинирана за вирусот, што се случи во холандскиот град Урк, каде што само 60 проценти од населението беше вакцинирано, а во јуни беше погоден од епидемија.

Во Африка, три четвртини од населението е вакцинирано, но тоа подразбира регионални разлики. Во развиените земји, движењето на недоверба во вакцините придонесе за појава на болеста.

Луѓето заборавија дека пред да се појави вакцината во 1960 година, сипаниците убивале и во Њујорк и во Париз. САД скоро го загубија статусот за искоренета болест оваа година , што го освоија во 2000 година кога немаше зараза во одредена географска област 12 последователни месеци.

Но, Велика Британија, Грција, Албанија и Чешката Република го изгубија тој статус во август. Во текот на 2019 година, двојно е зголемен бројот на зарази со сипаници во Европа.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Кендал Џенер во црвено бикини уживаше во идиличен излет во природа

Моделот Кендал Џенер објави серија фотографии од излет во природа на Инстаграм, вклучувајќи една на која позира во црвено бикини. 

Кендал Џенер во црвено бикини уживаше во идиличен излет во природа

30-годишната Џенер беше фотографирана како седи на карпа во шумата, покрај голем водопад, а накратко ја опиша објавата со зборовите „Имам толку среќа“.

Во позадината на фотографијата во костим за капење може да се види суптилно виножито. Во остатокот од објавата, Џенер позираше на отворено во плетен џемпер во крем боја, држејќи чаша црвено вино, а комбинацијата ја комплетираше со обетки, очила за сонце и голема чанта.

Таа, исто така, им откри на своите следбеници што моментално чита, колекцијата „Медитации во итен случај“ од Френк О'Хара, и сподели фотографија од сцена од концерт на Крис и Моргана Стејплтон.

Отворено за менталното здравје

Џенер зборуваше во интервју за „Elle Canada“ во април за начините на кои се грижи за себе. „За мене, справувањето со анксиозноста е многу поврзано со мојата околина и мојата рутина“, рече таа. „Научив дека морам свесно да ја бирам енергијата со која се опкружувам.“

Таа, исто така, сподели неколку совети за секој што се бори со слични проблеми. „Мојот совет до секој што се бори со ова е да прави мали чекори. Пронајдете ритуал што ќе ве смири, како што е прошетка или слушање одредена плејлиста, и направете го тоа нешто од кое нема да се откажете.“

Во претходно интервју за „Vogue France“, моделот го опиша својот сегашен начин на живот како „здрав“. „Мојата дневна рутина се чувствува здрава и стабилна и многу сум благодарна за тоа“, рече таа во февруари. „Но, тоа не дојде без напор. Ден по ден, се обидувам да донесувам одлуки што се добри за моето ментално здравје, но тоа не е секогаш лесно.“

Таа додаде дека сè уште има многу тешки денови. „Редовно имам многу тешки денови кога се чувствувам како едвај да можам да ја држам главата над вода. Понекогаш може да биде многу фрустрирачко.“

Извор: Индекс.хр

Тагови: Кендал Џенер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Казната ги стигна и странските возачи: Редици на Табановце за да платат казни од „Сејф сити“

На граничниот премин Табановце денеска има редици од возачи од странство кои чекаат да ја платат казната за сторен сообраќаен прекршок, регистриран од системот „Сејф сити“, пренесува Експрес.

Казната ги стигна и странските возачи: Редици на Табановце за да платат казни од „Сејф сити“

Министерот за внатрешни работи Панче Тошковски неодамна изјави дека никој не може да му избега на системот „Сејф сити“ доколку се движи по патиштата во Македонија каде што се поставени камери за мерење на брзината, без разлика дали станува збор за возило со македонски или со странски регистарски таблички. Тој рече дека нема да има исклучоци и дека секој што ќе ги прекрши законите додека се движи низ Македонија ќе биде санкциониран, без оглед од која држава доаѓа.

Кога беше воведен системот „Безбеден град“ на почетокот на годнава беше истакнато дека странските возила кои ќе направат сообраќаен прекршок нема да бидат задржани при излез од државата, но возачите ќе добијат официјално известување дека нема да можат повторно да влезат на македонските граници доколку не ја подмират казната.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

ИДФ конечно признава: „Да, пукавме врз петгодишно девојче“

Израелската војска денес за прв пат призна дека нејзините сили отвориле оган врз автомобил во кој се наоѓала петгодишната Палестинка Хинд Раџаб во Појасот Газа и соопшти дека започнала кривична истрага за нејзината смрт.

ИДФ конечно признава: „Да, пукавме врз петгодишно девојче“

Израелските одбранбени сили (ИДФ) претходно негираа вмешаност во инцидентот од јануари 2024 година, велејќи дека нивните војници не биле во близина на возилото или во домет за да отворат оган, објави Си-Ен-Ен.

Раџаб била една од седумте членови на семејството во автомобил во северна Газа кога бил погоден од огнено оружје. Девојчето го преживеало првичниот напад и поминало часови на телефон молејќи ги палестинските медицински работници да дојдат да ја земат. Брза помош испратена да ја спаси, исто така, била нападната.

Нејзиното тело било пронајдено 12 дена подоцна во автомобил изрешетан со куршуми. Снимката од телефонскиот разговор на Раџаб со палестинските медицински лица привлече меѓународно внимание и предизвика повици за истрага и одговорност за нејзината смрт, како и за страдањето на другите деца во Газа. Случајот беше тема на филмот „Гласот на Хинд Раџаб“, кој беше номиниран за Оскар оваа година.

Тагови: ИДФ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер