И тоа е љубов: Тревис Беркер на бутот си ги истетовира очите на Кортни Кардашијан (ФОТО)

Американскиот музичар Тревис Баркер на Инстаграм ја покажа својата нова тетоважа посветена на сопругата Кортни Кардашијан.

Иако речиси целото тело му е покриено со тетоважи, музичарот нашол идеално место каде засекогаш ќе ѝ ја посвети тетоважата на сопругата.

Баркер ги истетовирал очите на Кортни на бутот, а во серија фотографии кои ги објави на Инстаграм ја покажа тетоважата одблиску. На една од фотографиите тој е скриен зад Кортни, која е насмеана.

Ова не е негова прва љубовна посветеност. Тревис го истетовирал името на Кортни на градите кога почнале да се забавуваат во 2021 година. Подоцна, Кортни направила тетоважа „Те сакам“ на подлактицата, а Тревис рече дека тоа е неговата „омилена тетоважа“ од неговиот „омилен уметник за тетоважи“.

Да потсетиме, парот се венчаше три пати во 2022. Првиот пат се венчаа во Лас Вегас, па граѓанска венчавка во Санта Барбара, а потоа раскошна венчавка во Италија.

Иран ѝ испорачал на Русија околу 400 балистички ракети

Иран ѝ испорачал на Русија голем број балистички ракети од типот земја-земја, јавија денеска британските медиуми, повикувајќи се на неименувани извори.

Тројца ирански извори изјавија дека Иран и испратил на Русија околу 400 балистички ракети со краток дострел, како што е „Золфагар“, ракета што може да погоди цели на одалеченост од 300 до 700 километри. Испораките почнале на почетокот на јануари, по состаноците од крајот на минатата година меѓу иранските и руските воени и безбедносни претставници одржани во Техеран и Москва, наведува еден од иранските извори.

Некои проектили беа доставени до Русија со бродови преку Каспиското Море, додека други беа транспортирани со авиони.

-Ќе има повеќе пратки. Дозволено ни е да извезуваме оружје во која било земја што сакаме, изјави неименуван извор близок до иранската војска.

Ограничувањата на Советот за безбедност на ОН за иранскиот извоз на ракети, беспилотни летала и друга технологија истекоа во октомври.

Портпаролот за национална безбедност на Белата куќа, Џон Кирби, на почетокот на јануари изјави дека САД се загрижени поради тоа што Русија е блиску до набавка на балистичко оружје со краток дострел од Иран, покрај ракетите кои се веќе набавени од Северна Кореја.

„Вива“ заедно со најголемите светски брендови на Gulfood 2024

На глобалниот саем за храна и пијалаци Gulfood 2024, што се одржува во Дубаи од 19 до 23 февруари, учествува и најголемиот македонски производител на природни овошни сокови,нектари, пијалаци, смути и преработувач на овошје – Вива.

На глобалниот саем за храна и пијалаци Gulfood 2024, што се одржува во Дубаи од 19 до 23 февруари, најголемиот македонски производител на природни овошни сокови,нектари, пијалаци, смути и преработувач на овошје – Вива, ја потврдува својата тридецениска успешна приказна во оваа индустрија на светската сцена.

Оваа година, Вива се издвојува како сребрен спонзор на настанот, што е огромен успех затоа што за првпат една македонска компанија се стекнува со вакво признание на Gulfood, кој се смета за најпрестижниот и највлијателен саем во секторот на храна и пијалаци на Блискиот исток, но и глобално.

Како единствена македонска компанија која учествува на годинешниот Gulfood, Вива прикажува спој на квалитет и иновативност во прехранбената и преработувачката индустрија, рамо до рамо со светските брендови во оваа деловна сфера.

ВМРО-ДПМНЕ: Проф-др Гордана Силјановска-Давкова е нашиот претседателски кандидат

Во врска со Јавниот повик за избор на кандидат на ВМРО-ДПМНЕ за претседател на Република Македонија ја информираме јавноста дека крајниот рок за поднесување на пријава истекува денес.

На истиот се пријави проф-др Гордана Силјановска-Давкова која поднесе план, програма за работа и потребен број на потписи на делегати.

Гордана Силјановска-Давкова била професорка по Уставно право и Политички систем на Правниот Факултет Јустинијан Први. Таа е експерт за избори на ООН и потпретседател на групата Независни експерти за локална самоуправа при Советот на Европа. Член на Венецијанската комисија. Автор е на стотина научни трудови за уставното право и политичкиот систем.

Таа е актуелен пратеник во Собранието на РМ.

За нејзината кандидатура ќе се одлучува од страна на делегатите на Конвенцијата за избор на кандидат за претседател на РМ која ќе се одржи на 02 март 2024 година.

притисни ентер