Океан - моќен, мистериозен и прогонувачки со величествена убавина која остава без здив и која, за жал, ние ја оставаме без здив и полека се гуши под нашата несовесност.

Покарај тоа што окаеаните се најголемата инспирација за создавање на уникатни и единствени уметнички дела во сите области на уметноста, од бои во сите тонови од природата, кои ниту еден генијален, човечки ум не може сам да ги создаде, до магични, подводни пејсажи кои наликуваат на дел од некој друг свет, океаните произведуваат најмалку 50 % од кислородот на планетата и се од клучно значење за живот.

Тие се извор на енергија на самата планета Земја, даваат кислород, апсорбираат јаглерод и покриваат повеќе од три четвртини од Земјата, а за жал ние, за возврат, им посветуваме многу малку внимание и во последниве години како да се трудиме да уништиме се’ што создала природата.

„UN World Oceans Day” се домаќини на „Одделот за океански прашања” и „Законот за морето на Канцеларијата за правни работи (DOALOS)”

На 8 јуни, светски ден на океаните, „UN World Oceans Day” секоја година организираат најразлични настани и активности за подигање на свеста за заштита и ставање на океаните на прво место.

На овогодишниот натпревар за најдобра фотографија на „UN World Oceans Day” повторно се докажа поговорката –„ Сликата вреди илјада зборови”, која беше илустрирана со прекрасни фотографии создадени од океанските етузијасти насекаде низ светот, направени во чест на Светскиот ден на океаните.

Победничките фотографии кои ја доловуваат величественоста на океаните и магичниот свет и кои оставаат без здив, се поделени во неколку категории:

„NO TIME TO WASTE” – НЕМА ВРЕМЕ ЗА ГУБЕЊЕ

Photo by: @mekanphotography

Победник во оваа категорија е Álvaro Herrero од Шпанија.

Победничката фотографија е од Грбав кит во Тихиот Океан, Долна Калифорнија, Мексико. Грбав кит со пловка заплеткана околу неговата опашката, веќе распаднат, умира полека и мачно. Јасен одраз на бавната и болна смрт што им ја даваме на нашите океани, нашата планета.

„PUTTING THE OCEAN FIRST” – СТАВАЈЌИ ГО ОКЕАНОТ НА ПРВО МЕСТО

Photo by: @tom_shlesinger

Победник во оваа категорија е Tom Shlesinger од Израел.

Победничката фотографија е од морска желка која е загрозен вид, како го истражува вештачки изградениот расадник со корали „ИГЛУ” во потрага по храна.

„THE WONDERFUL WORLD OF TIDES” – ПРЕКРАСНИОТ СВЕТ НА ПРЛИМАТА И ОСЕКАТА

Photo by: @gugunderwater

Победник во оваа категорија е Chris Gug од САД.

Победничката фотографија е од брегот на Кабо Сан Лукас, Мексико. Најубавиот брег кадешто масивните бранови удираат директно на песокот, формирајќи прекрасни форми кои енергично експлодираат.

„OCEAN IS LIFE” – ОКЕАНОТ Е ЖИВОТ

Photo by: @shanegrossphoto

Победник во оваа категорија е Shane Gross од Канада.

Победничката фотографија е од мајка и син кои собираат морски ежови за своето семејство при плима на ливада со морска трева во Бали, Индонезија. Морската трева е често занемарено крајбрежно живеалиште важно за безбедноста на храната, биодиверзитетот, заштитата од бури и рибарството.

„BIG & SMALL UNDERWATER FACES” – ГОЛЕМИ И МАЛИ ПОДВОДНИ ЛИЦА

Photo by: @ostleglenn

Победник во оваа категорија е Glenn Ostle од САД.

Победничката фотографија е од Морски лав во карпести островчиња познати како Лос Ислотес, Мексико. Коишто се дом на најголемата репродуктивна колонија на морски лавови од Калифорнија (Zalophus californianus) во морето Кортез.

„UNDERWATER SEA SCAPES” – ПОДВОДНИ МОРСКИ ПЕЈСАЖИ

Photo by: @andy.schmid

Победник во оваа категорија е Andy Schmid од Швајцарија.

Победничката фотографија е Орка на отворен океан во фјордовите на северна Норвешка, која се храни со харинги, кои претходно ги брка во круг правејќи им мамка, за да ги собере на едно место.

Извор

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.