И Французинките сè повеќе ги заменуваат потпетиците со патики - Канал 5

Живот

И Французинките сè повеќе ги заменуваат потпетиците со патики

Современата француска жена е позната по својот шарм, елеганција и стил, што често вклучува и носење високи потпетици. Меѓутоа, денес, сè повеќе Французинки ги отфрлаат потпетиците во корист на поудобните патики.

И Французинките сè повеќе ги заменуваат потпетиците со патики

Менаџерот на една продавница за чевли во Париз, прашан дали и колку чевли со високи потпетици продава, нагласи: - Готово е! Високите потпетици ги префрливме на долната полица.

Денес, речиси половина од Французинките „не знаат како да одат во високи потпетици“, според едно истражување. Така, последниве години, патиките станаа симбол на францускиот шарм, елеганција и стил, коишто се прилагодуваат на новите времиња и предизвици.

„Ако мажите ги сакаат жените што носат високи потпетици, треба да се обидат да одат во нив секој ден“, гласи коментар од корисничка на интернет.

Сепак, постојат и спротивставени мислења. Така, друга читателка вели:

„Мислам дека високите потпетици имаат свое место во женскиот гардеробер. Би ги означила како 'повремени', а не 'обични' или 'секојдневни', коишто во посебни пригоди и посебни денови би ги задоволиле елеганцијата и заводливоста, но и удобноста“.

Инаку, Франција е родно место на легендарните високи потпетици. Изумител овој елегантен женски детаљ е Роже Вивие - француски дизајнер кој ја дизајнирал високата потпетица во 1954 година. Тој бил, всушност, првиот кој вметнал метална прачка во потпетицата, зајакнувајќи ја така нејзината структура, а и ја издолжил и извишил женската силуета.

Новиот тренд го прифатиле скоро сите познати модни куќи. Вивие дизајнирал чевли и за многу познати личности и настани, како што се крунисувањето на кралицата Елизабета II, свадбата на Грејс Кели и принцот Рение, филмовите на Федерико Фелини и Алфред Хичкок и настапите на Марлен Дитрих и Катрин Денев. Неговиот бренд - високите потпетици сè уште се „инструменти за незапирлива заводливост“, како што велат модните познавачи.

Сепак, високите потпетици полека ја губат популарноста, и Французинките сè повеќе избираат чизми со практичен дебел ѓон, патики или рамни чевли.

Меѓу причините за оваа нова „француска револуција“ во обувките е и пандемијата Ковид-19. Таа го промени начинот на којшто живеат и работат многу луѓе. Работата од дома, ограниченото движење, одвикнувањето од ноќниот живот - сѐ ова доведе до тоа Французинките да се облекуваат „посекојдневно“. Така и за сѐ повеќе жени, патиките се „совршен избор“ за секојдневните активности но и за стилот и имиџот воопшто - во спој со тренерки, фармерки, здолништа и фустани.

Тагови: потпетици Франција патики

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Синди повторно најде причина да го покаже своето тело

Холивудската убавица актерката Синди Свини, уште еднаш најде причина да го покаже своето тело.

Фото: Синди повторно најде причина да го покаже своето тело

Сидни Свини повторно го привлече вниманието на јавноста. Таа го искористи својот добро познат трик – односно брендот – за да најде повод да ги покаже своите облини .

Сексапилната актерка деновиве е вистинска атракција, како во реалниот свет, така и на социјалните мрежи. Таа често е активна на Инстаграм, каде што објавува фотографии од својот приватен и професионален живот, а нејзината најнова објава предизвика вистинска помпа меѓу обожавателите на нејзините облини.

Се чини дека популарната актерка пронашла доволно добра причина повторно – по којзнае кој пат – да ги покаже своите прекрасни облини и бујни гради.

Таа ја претстави новата колекција на својот бренд за долна облека SYRN, а кампањата веднаш привлече големо внимание во јавноста.

Тагови: Синди Свини

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Новата Mazda MX-5 добива електричен погон

Автомобилскиот гигант Mazda потврди дека следната генерација на MX-5 (Miata) ќе може да поддржи целосно електричен погон, иако бензинскиот мотор сè уште не е предодреден за историјата. 

Новата Mazda MX-5 добива електричен погон

Извршниот директор на Mazda, Масахиро Моро, изјави дека новиот MX-5 мора да биде подготвен за иднина во која моторите со внатрешно согорување можеби повеќе нема да бидат дозволени поради сè построгите еколошки прописи.

Сепак, компанијата има за цел да ги зачува квалитетите по кои моделот е познат – мала тежина и врвно возачко искуство.

За разлика од многу производители кои користат скапи материјали како што се јаглеродните влакна, Mazda планира да ја намали тежината на конструкцијата преку употреба на конвенционални материјали и попаметни инженерски решенија.

Целта е новиот MX-5 да тежи меѓу 1.000 и 1.200 килограми, што би било исклучително малку за електричен спортски автомобил.

Во понудата ќе остане и верзија со бензински мотор. Покрај електричната верзија, се очекува и нова варијанта со бензински мотор – 2,5-литарски четирицилиндричен агрегат од серијата Skyactiv-Z, кој веројатно ќе вклучува и технологија на благ хибрид.

Моќноста би можела да достигне околу 220 КС. Новата генерација на MX-5 нема да пристигне пред 2028 година, додека актуелниот модел – претставен уште во 2015 година – ќе остане во производство сè дотогаш.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Земјата каде што не се остава бакшиш, келнерите трчаат по гостите за да ги вратат парите

Иако оставањето бакшиш во ресторани и кафулиња е вообичаен начин за изразување благодарност за добрата услуга во многу земји, во Јапонија таков потег може да има сосема спротивен ефект. 

Земјата каде што не се остава бакшиш, келнерите трчаат по гостите за да ги вратат парите

Во оваа азиска земја, оставањето пари по оброкот се смета за некултурно, па дури и навредливо.

Обичаите поврзани со бакшишот се разликуваат низ светот. Во Обединетото Кралство, Германија, Данска и Шведска, вообичаено е да се остават околу десет проценти од сметката, додека во Франција, Италија и Шпанија луѓето обично оставаат околу пет проценти.

Во САД, оставањето бакшиш е практично задолжително и често се движи меѓу 15 и 20 проценти, без оглед на квалитетот на услугата.

Сепак, во Јапонија важат сосема различни правила. Според Би-Би-Си, повикувајќи се на туристичката агенција InsideJapan Tours, Јапонците сметаат дека обезбедувањето квалитетна услуга е составен дел од нивната работа; следствено, дополнителните пари не се ниту очекувани ниту посакувани.

„И покрај предупредувањата дека бакшишот не е вообичаен во Јапонија, некои туристи сè уште инсистираат да ја покажат својата благодарност со пари, но тоа едноставно не функционира“, изјави Џејмс Манди од InsideJapan Tours за Би-Би-Си.

Тој забележува дека не е невообичаено да се види келнер како истрчува од ресторанот по муштеријата за да врати пари оставени на масата.

Причината за оваа реакција лежи во јапонската култура, каде што квалитетната услуга се зема здраво за готово како прашање на професионална гордост, а не како средство за заработка на дополнителни пари. Искрената благодарност се цени многу повеќе од бакшишот.

Едноставна „оишиката“ - што значи „беше вкусно“ - или „гочисосама дешита“ - израз на благодарност за оброкот - се сметаат за многу посоодветни начини гостинот да покаже задоволство. Придружени со учтив поклон, ваквите зборови имаат многу поголема вредност од парите.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер