Живот

И должината, и цврстината на сонот - битни за здравјето

Спиењето не е само одмор за телото - тоа е од витално значење за одржување добро здравје и спречување болести. Сепак, многу возрасни со „бурен живот“ и напорен распоред, не го добиваат одморот што им треба.

И, не е важно само колку часови минувате в кревет, туку и квалитетот на спиењето е исто толку важен, ако не и повеќе, отколку должината. Добриот, цврст сон се состои од доволно време во кревет и непрекинати, правилно повторени циклуси на спиење. Овие циклуси му овозможуваат на човековото тело да ги исцели ткивата, синтетизира протеините и ослободи хормони кои го регулираат растот и стресот.

Така, според официјалните препораки во скоро сите земји ширум светот, препораките за спиење се одредени според возраста.

Доенчињата на возраст до три месеци спијат околу 14 - 17 часа на ден.

На малите бебиња, од 1 - 2 години, им треба приближно 11 - 14 часа дневно сон.

Децата на 3 - 5 години им се неопходни 10 - 13 часа.

За постарите деца, на 6 - 13 години, се советуваат спиење до 11 часа.

Тинејџерите од 14 - 17 години обично спијат 8 - 10 часа.

За возрасните од 18 до 64 години, тие бројки изнесуваат 7 - 9 часа сон.

Постарите возрасни (над 65 години) обично имаат потреба од 7 - 8 часа спиење.

Истражувањата, исто така, посочуваат дека на жените често им треба малку повеќе сон од мажите, делумно поради хормоналните промени и разликите во структурата на мозокот, што може да влијае на вкупните потреби за одмор, според д-р Шелби Харис, клинички психолог.

- Во таа смисла, потребите на Вашето тело може да се разликуваат од оние општи препораки. Најдобар начин да го одредите Вашето идеално времетраење на сонот е да набљудувате како се чувствувате и како функционирате по различни количини на одмор, рече Харис.

Фазите на спиење, исто така, можат да играат улога во одредувањето на квалитетот на спиењето. Се говори за различните фази на спиење низ коишто минува телото секоја вечер. А, двата главни типа на спиење се тн. брзо движење на очите (РЕМ) и не-РЕМ спиењето што вклучува три фази: лесен сон, длабок сон и многу длабок сон.

Недоволното времетраење или нарушување во која било фаза може да доведе до нарушена будност, лошо расположение и општ пад на здравјето.

Свет

Бројот на загинати од тајфунот „Јаги“ во Мјанмар е 226

Државната телевизија на Мјанмар објави дека жртви на тајфунот „Јаги“ во земјата се 226 лица, а 77 лица се водат за исчезнати, пренесоа француските медиуми.

Патиштата се отсечени, а мостовите се урнати, што го отежнува пристапот до погодените области.

Според Канцеларијата на Обединетите нации за координација на хуманитарни прашања, околу 631.000 луѓе се погодени од поплавите во земјата.

Според истиот извор, поплавите уништиле и речиси 260.000 хектари оризови полиња и други земјоделски култури во земјата./МИА

Македонија

Владата исплаќа 1 милијарда денари за заостанати субвенции од претходната влада

Една од заложбите на Владата е посветено да се работи и да им се помага на земјоделците.

Затоа издвоени се 1 милијарда денари за исплата за заостанати субвенции за земјоделците.

Над 9.000 земјоделци ќе ги добијат своите заслужени средства како поддршка за своето производство. Кај дел од нив се доцни дури 4 години со исплатата.

Првата одлука на оваа Влада беше со ребалансот да се обезбедат средства и до крајот на годината нема да има субвенции со кои се доцни кај земјоделците.

Домаќинското и посветено работење на Владата ќе придонесе значајна поддршка за земјоделското производство.

На овој начин се исправаат и неправдите кон земјоделците кои со својот труд печалат за себе и своите семејства.

Со почит,

Сектор за односи со јавноста

Генерален секретаријат

Македонија

ВМРО-ДПМНЕ: На ТОАРИЛУЦ се правеле набавки без план за да профитира раководството од СДС и ДУИ

Ја оставиле Клиниката на цедило без основни медицински средства.

За СДС и ДУИ здравството било само област од која треба да профитираат поединци.

Клиниката ТОАРИЛУЦ или Траума, ортопедија, реанимација и интензивно лекување ја оставиле во хаос.

Прво, контролите од надлежните покажуваат дека се aнгажирале лица со договор на дело незаконски. Или повеќе од 60 лица на почетокот на оваа година биле ангажирани со договор на дело на Клиниката без согласност од Министерството за финансии, односно спротивно на член 9 од Законот за трансформација во редовен работен однос. Казната за лице кое го сторило ова дело е казна затвор од шест месеци до три години.

Второ, Клиниката дополнително се соочува со недостаток на медицински сестри, а раководството не се грижело за тоа.

Трето, раководство на ТОАРИЛУЦ на Клиниката направило финансиски обврски во износ од 840.000 денари и истите не биле во процедура согласно Законот за јавни набавки. Јавните набавки се правени без план за потребите на Клиниката. Оттука е дојдено до целосно исцрпување на договори и оставање на Клиниката без основни медицински средства и опрема.

Ова е само еден од многуте примери на уништување на здравството!

Одговорност ќе има за секој еден кој не го почитувал законот!

Центар за комуникации на ВМРО-ДПМНЕ

притисни ентер