И децата од најмала возраст се соочуваат со хемофилијата - Канал 5

Здравје

И децата од најмала возраст се соочуваат со хемофилијата

И децата од најмала возраст се соочуваат со хемофилијата. Мајка на 2,5 годишно дете кажа дека нејзиниот син прима терапија два пати месечно веќе година дена.

И децата од најмала возраст се соочуваат со хемофилијата

Таа објасни дека детето е постојано физички активно, но засега добро се справуваат со предизвиците. На детето му се дава лекот „хемлибра“ и бара истиот да биде ставен на позитивната листа на лекови.

-Тој е на хемлибра од самиот почеток, од година и пол. Досега немаме никаков проблем, немаме ни внатрешни спонтани крварења, ништо досега сме немале. Вчера баш падна, надвор, на лактото се удри на асфалт. Сега засега е супер. Прима само хемлибра.Ја прима еднаш на две недели и така. Поткожно е, нема боцкање во вена,--Елена Опурчакоска,мајка на детето.

Од здружението на лица со хемофилија – Хемолог – велат дека пациентите се соочуваат со недостаток на лекови веќе половина година, а се лекуваат и со несоодветна терапија. Иако за ова се обратиле кон министерството и фондот за здравство, добиле одговор дека тендерот е во тек, сепак процесот за е закочен.

-Ние имаме големи проблеми. Уште немаме фактори соодветни што се за дијагноза хемофилија. Од октомври наговестуваме дека ќе има недостаток, ќе има проблеми и се нешто се влече. Сега ќе биде тендерот, после ќе биде тендерот, сите тие работи.Кај ни е тука запрен сиот процес што ние, денеска сме 28 април и уште немаме фактори, тоа не ни е познато. А имаме и други пропратни. Во моментот се лекуваме и со несоодветна терапија,--Цветанка Наќеска 00:49 – 01:06 претседател на Хемолог.

Директорот на фондот за здравство, Сашо Клековски рече дека е зголемено финансирањето за набавка на лекови за хемофилија, меѓу кои и лекови кои ќе бидат за долгорочна терапија. Со тоа пациентите нема да имаат потреба пациентите секојдневно или неделно да примаат терапија – рече Клековски.

Мислам дека фондот направи максимум што можеше да се направи. Проблемот со континуитетот на достапноста на терапиите очигледно е проблем во повеќе подрачја.)

Ние побаравме и да се направи формална контрола денеска на работата за да утврдиме што е причината, бидејќи јавната набавка е објавена, помината, завршена и не би требало да има процедурални проблеми.)

Од здружението Хемолог кажаа дека во Македонија има околу 300 луѓе со хемофилија во најразлична форма и порачаа дека ги сакаат најиновативните терапии за третман на лицата со хемофилија, а лековите кои ги имаат во моментот бараат да бидат ставени на позитивната листа лекови.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Јапонија: Најмалку 37 повредени по силен земјотрес

Во земјотресот со јачина од 5,9 степени според Рихтеровата скала, што рано наутро ја погоди источна Јапонија, според прелиминарните извештаи, повеќе од 40 лица се повредени во Токио и во соседните префектури, соопштија денеска локалните власти.

Јапонија: Најмалку 37 повредени по силен земјотрес

Според локалните противпожарни служби, повеќе од 20 лица се повредени во земјотресот во градот Саитама, северно од Токио, девет се повредени во Канагава и четворица во префектурата Чиба, објави Кјодо.

Водоводна цевка пукна во областа Кото во Токио по земјотресот, што ги натера градските власти да истражат дали штетата е поврзана со земјотресот. Земјотресот што се случи во 2 часот по полноќ, чиј епицентар беше во јужниот дел на префектурата Ибараки, на длабочина од 68 километри, не предизвика цунами, соопшти Јапонската метеоролошка агенција.

Поаѓањата на некои железнички линии беа одложени по земјотресот, додека некои возови сообраќаа со намалена брзина. Операторот на линијата Кејсеи, која го поврзува Уено во центарот на Токио со аеродромот Нарита во префектурата Чиба, источно од Токио, рече дека поаѓањата на возот се вратиле во нормала по 9:40 часот по локално време. Некои експресни услуги со кои управува железницата Тобу останаа суспендирани.

По земјотресот не се забележани нарушувања во нуклеарната централа Токаи бр. 2 во префектурата Ибараки, ниту во нуклеарната централа Фукушима Даичи и блиската електрана Фукушима Даини во североисточна Јапонија, рекоа нивните оператори.

Јапонската премиерка Санае Такаичи на социјалните мрежи објави дека им наредила на официјалните лица да го утврдат степенот на штетата од земјотресот и навремено да ја информираат јавноста.

Метеоролошката агенција ја повика јавноста да остане на будност за земјотреси со јачина од 5 степени по сеизмичка скала во текот на наредната недела, особено во следните два до три дена. Земјотрес од 5 степени, на сеизмичка скала од 0 до 7, агенцијата го дефинира како земјотрес што предизвикува страв и потреба повеќето луѓе да се држат за нешто стабилно, додека предметите може да паднат од полиците.

Земјотресот што се случи утринава беше почувствуван во поголемиот дел од земјата, особено на североистокот и во централна Јапонија.

Извор: Б92

Тагови: земјотрес јапонија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Пожарите кај Бигла и Пехчево ставени под контрола, во гасењето вклучени над 300 луѓе

Под контрола се ставени двата големи пожари што денеска беснееа на истокот од земјава, кај Бигла делчевско и во околината на Пехчево, кон бугарска граница. 

Пожарите кај Бигла и Пехчево ставени под контрола, во гасењето вклучени над 300 луѓе

Првиот човек на ДЗР Стојанче Ангелов попладнево се сретна со градоначлниците на двете општини. Тие информираа дека во справувањето од пламените јазици и во Бигла и кај Пехчево се употребени сите расположливи ресурси: трите ер-трактори, тешка механизација, а на терен ангажирани биле над 300 луѓе - локалните пожрникари, доброволци и месно население, со цел да се спречи загрозување на домовите.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Чамец потона кај Тунис: Осум мигранти пронајдени мртви

Телата на осум мигранти се пронајдени откако чамец потона кај брегот на Тунис, додека уште се трага по шест други. Еден преживеан беше спасен по 48 часа на море.

Чамец потона кај Тунис: Осум мигранти пронајдени мртви

Се вели дека крајбрежната стража, војската и тимовите за цивилна заштита, поддржани од два хеликоптери, продолжуваат со потрагата по исчезнатите мигранти, објави Ројтерс.

Чамецот, кој превезувал 15 претежно млади луѓе, испловил рано во четврток и потонал кај брегот на Тунис, а вчера е спасено само едно лице, изјави претходно раководителот на група за права на мигрантите.

Преживеаниот талкал по море 48 часа пред да биде спасен од трговски брод.

Сите мигранти на чамецот што потона беа од регионот Бен Гердан во југоисточна Тунис, а десетици млади луѓе се собраа доцна во саботата во градот во близина на либиската граница за да побараат од властите да ги забрзаат операциите за пребарување, а полицијата употреби солзавец за да ја растера толпата.

Централномедитеранската рута од северноафриканскиот брег е една од најсмртоносните миграциски рути во светот, која ја користат мигрантите од Африка и Блискиот Исток кои се обидуваат да стигнат до Европа, честопати во преполни или неисправни чамци.

Извор: Б92

Тагови: мигранти

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер