Македонија

И Анџела Агелер во пакетот за отповикување на Трамп- по три години ја напушта Македонија

По три годишна служба во Скопје, американската амбасадорка Анџела Агелер си заминува од Македонија.

Таа е дел од 30-ината дипломати од кариера ширум светот, кои американскиот претседател Доналд Трамп ги отповикува во обид како што го цитираат светските медиуми Американскиот Стејт Департмент да го преобликува дипломатскиот став со персонал кој целосно прилега на агендата „Америка на прво место“. Американската амбасада во Скопје потврди дека Агелер ја напушта функцијата, а во изјава за МИА, велат дека ѝ се благордарни за нејзината служба и дека сега се посветени на обезбедување непречена транзиција до назначување на нејзин наследник. Кој ќе ја наследи Агелер не е познато, но дел од аналитичарите не исклучуваат можност наместо кариерен дипломат, Скопје да добие претставник со поизразен политички бекраунд и со поостар дипломатски пристап.

-Се работи за промена на стилот на водење на политиката. Имајте предвид дека и досегашните дипломати, кога ќе се смени претседателот, ја следат политиката на актуелниот претседател, но промената на овие места со назначување на најверојатно политички претставници, а не кариерни дипломати, може да значи дека доктрината „Америка на прво место“ ќе биде спроведена со поагресивни и понастојчиви тонови. Но, тоа ќе се види од стилот на кој ќе биде поставен новиот амбасадор и од стилот со кој ќе се постави новиот амбасадор. , вели Петар Арсовски, политички аналитичар

Во бранот отповикувања од функциите, се зафатени најмалку 29 земји, од кои речиси половина се во Африка. Во Европа, освен Македонија, промена на амбасадорските места има и во Црна Гора, Словачка и Ерменија. Сите отповикани ги презеле функциите за време на администрацијата на Бајден, но ја преживеаја првата година од вториот мандат на Трамп, кој на почетокот беше фокуситран кон политички назначени лица. Првиот

Агелер функцијата ја презеде во ноември 2022-ра година од Кејт Мери Брнз. Останува запаметена по острите пораки за корупцијата, а во една прилика рече дека во Македонија владее епидемија од корупција. За време на нејзиниот мандат на црната листа се најдоа неколкумина македонски државјани, а таа повторуваше дека листата останува отворена за нови имиња.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Зајкова: Муралот „Жена Феникс“ е приказна за илјадници жени кои создаваат, се грижат, се жртвуваат и се борат

„Денес пред нас не стои само мурал. Пред нас стои приказната за илјадници жени. За жената која работи, создава, се грижи, се жртвува, се бори.“

„Денес пред нас не стои само мурал. Пред нас стои приказната за илјадници жени. За жената која работи, создава, се грижи, се жртвува, се бори. За мајката која и кога нема сила за себе, наоѓа сила за своите деца. Но и за жената која зад затворени врати преживува страв, закани и насилство, а сепак не престанува да сонува за слобода“, изјави претседателката на ЛДП и пратеничка во Собранието, Моника Зајкова на промоцијата на муралот „Жена Феникс“, по повод 50-годишнината на Општина Центар.

Муралот „Жена Феникс“ е авторско дело на Драган Китановски-Драш, Миро Грчев-Микс и Марјан Димиќ-Мачка и го симболизира митолошкото повторно раѓање и издигнување од пепелта.

„Јас сакам денес да испратам една поинаква порака: Жената не треба прво да изгори за општеството да ја препознае нејзината сила! Овој мурал нека биде потсетник дека зад секоја жена стои приказна што заслужува почит, достоинство и еднакви можности“, додава Зајкова.

Наша задача, според Зајкова, не е само да им се восхитуваме на жените што успеале повторно да се издигнат, туку да изградиме општество во кое ниту една жена нема да мора сама да поминува низ огнот.

„Затоа што на жените не им требаат само крилја за повторно да полетаат. Нив им треба слобода, сигурност и држава што ќе ги заштити“, заклучува Зајкова.

Либерално-демократска партија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Манчестер Сити поднесе жалба- доколку ја одбијат, ќе бидат отстранети од Премиер лигата

Манчестер Сити се соочува со можно исклучување од Премиер лигата доколку нивната жалба во декември биде одбиена, објави денес „Фајненшл тајмс“.

- Манчестер Сити ќе се соочи со санкции во 2027 година доколку нивната жалба биде одбиена. Жалбата во случај на финансиски малверзации ќе биде разгледана кон средината на декември. Казни, одземање бодови или дури и исклучување од Премиер лигата се меѓу можните казни, тврди весникот.

Манчестер Сити беше прогласен за виновен за 114 од вкупно 115 точки од обвинението за кршење на финансиските правила на Премиер лигата помеѓу сезоната 2009/10 и 2017/18, како и за несоработка со истрагите до февруари 2023 година.

Клубовите во Англија беа казнети со бодови, обично од четири до 12, за многу помали прекршоци, а англиските медиуми се убедени дека Сити ќе биде казнет со одземање бодови што ќе им овозможи да играат во втората лига следната сезона, или дека ќе останат во Премиер лигата следната сезона, но со таков дефицит во бодови што сигурно ќе бидат исфрлени во Чемпионшип. Повеќето клубови во Англија веруваат дека, во случај на драконска казна, Манчестер Сити ќе мора да се откаже од сите трофеи што ги освоил.

Тагови: Манчестер сити

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ДОМ: Македонија е на европското дно – Владата се фали со бројки, а платите на граѓаните траат до 10-ти!

Со „освоеното“ 41. место меѓу 48 европски економии и со проектиран БДП од едвај 11.760 долари по жител, Македонија е официјално меѓу последните десет економии на нашиот континент.

Ова не е само лоша статистика, туку сериозно предупредување за економската состојба и развојната перспектива на државата.

Додека Владата помпезно се фали за економски успеси, инвестиции и развој, реалноста е дека Македонија останува меѓу најслабите европски економии. Граѓаните се соочуваат со низок животен стандард, слаба куповна моќ и сè поголема неизвесност, а државата нема убедлива стратегија како да го промени овој тренд.

Наместо економија што создава домашна вредност, продуктивност и добро платени работни места, продолжуваме да се потпираме на увоз, евтина работна сила и инвестиции без речиси никаква развојна визија. Домашното производство е запоставено, земјоделството е сè понеизвесно, а зелената транзиција останува на маргините на економските политики.

Дури и новите инвестиции, вклучително и дата-центрите, мора да се оценуваат според нивниот вистински придонес за економијата, отворањето квалитетни работни места, потрошувачката на енергија и вода и заштитата на јавниот интерес.

На Македонија не ѝ требаат уште владини прес-конференции за економски успеси. Ѝ треба економија во која граѓаните ќе живеат подобро, домашното производство ќе има иднина, а инвестициите ќе создаваат долгорочна вредност.

ДОМ бара Владата да престане да ги слави ваквите „резултати“ како успех и конечно да понуди сериозна развојна стратегија заснована врз зелена економија, домашно производство, енергетска сигурност и одржливи инвестиции.

Економијата не се мери преку партиски соопштенија, туку преку вистинските показатели за куповната моќ и квалитетот на живот на секој граѓанин!, се наведува во партиското соопштение.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.