„Hyundai“ е основана во 1966 година и измина долг пат во изминатите неколку децении, трансформирајќи се од нискобуџетна и непозната марка во бренд што стои рамо до рамо со многу постари и попознати производители на автомобили.
Тоа е сосема јасно денес, кога компанијата го слави производството на своето 100-милионито возило.
Овој резултат е постигнат по 57 години, но нешто повеќе од една деценија откако во 2013 година беше произведено 50 милионито возило.
Во рамките на церемонијата, возилото со сериски број 100.000.001 беше доставено до сопственикот за време на церемонијата во фабриката во Улсан, Јужна Кореја.
Објектот е исклучително важен за „Hyundai“, бидејќи е отворен во 1968 година и се смета за „родно место на развојот на корејската автомобилска индустрија“.
„Hyundai“ исто така истакна дека првиот оригинален јужнокорејски автомобил од масовно производство, „Pony“, започнал со производство во истата фабрика во 1975 година.
За потсетување, „Hyundai Motor Company“ е основана во 1967 година и започна со масовно производство на моделот „Cortina“ следната година, во соработка со „Ford“.
Ако ја премотаме лентата наназад во 1985 година, таа година „Hyundai“ ја лансираше првата генерација на „Sonata“, но исто така ја основа и „Hyundai Motor America“, што означи пресвртница во нејзиниот пробив на глобалниот светски пазар.
Моделот „Excel“ пристигна во САД следната година и брзо стана бестселер.
До 1992 година, „Hyundai“ имаше изградено 5 милиони возила. Шест години подоцна го купија „Kia Motors“, а останатото, како што велат, е историја.
Извор: Б92