Аргентинскиот репрезенативец се одлучил на овој чекор откако вчера не успеал да разговара со тренерот Диего Симеоне за трансферот што го посакува, пренесува „Мундо Депортиво“.

Алварез продолжува да инсистира на трансфер во Барселона – желба што првпат јавно ја изрази за време на Светското првенство.

Откако дознал дека ниту тренерот, ниту извршниот директор Мигел Анхел Гил Марин не се во клубот, тој дал до знаење дека повеќе не е дел од нивните планови.

Според шпанскиот весник, аргентинскиот напаѓач смета дека на тренерот му недостасувала храброст да се соочи со него, иако Симеоне знаел дека Алварез сака да го реши својот статус.

26 годишниот Алварез не очекувал дека Симеоне ќе замине на дводневен одмор на Ибица токму во моментот кога било закажано неговото враќање во клубот поради разговори.

Алварез е подеднакво разочаран и од однесувањето на Гил Марин – другиот клупски функционер кој може да го одобри неговиот трансфер – а кој исто така е на одмор.

Фудбалерот имал намера ситуацијата да ја реши пријателски, преку дијалог, но не добил можност за тоа.

Како резултат на тоа, Алварез им упатил јасна порака за своите натамошни чекори на присутните во тренинг-центарот на клубот.

Неговите изјави биле кратки: „Не сметајте на мене“ и „Повеќе нема да тренирам“.

Се очекува напаѓачот да престане со тренинзите во среда, кога Симеоне ќе се врати од одмор и ќе ги продолжи тренерските обврски. Тогаш, аргентинскиот тренер повеќе нема да може да го одложува состанокот. Алварез тврди дека уште од февруари има ветување од клубот оти ќе му биде дозволено да си замине за време на летниот преоден рок.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Поради актуелниот топлотен бран и високите амбиентни температури, Институтот за јавно здравје со препораки за заштитата од истиот, а се однесуваат на раководителите на установите за згрижување стари лица и на центрите за долготрајна институционална грижа, потоа јавноздравствени препораки за заштита на здравјето на вработените во услови на топлотен бран, внес на вода и физичка активност при топло време, заштита на доенчињата и децата при топло време, јавноздравствени препораки за летни патувања и јавноздравствени препораки за заштита на лицата над 65 години при високи температури.

На следните линкови можете детално да се информирате за сите препораки за заштита од топлотен бран.

https://www.iph.mk/mk/news/index/1802?cookieS=2&fbclid=IwVERDUATmri5wZG9mBWV4dG4DYWVtAjEwAHNydGMGYXBwX2lkDDM1MDY4NTUzMTcyOAABHvw5M2OFcCwLPh5njLSUkdyKsfZpEajrIqAV1qIVeMVnWghai1PDKzNim3Hu_aem_PBmZwtDtXz76V_P8nVYUqg

https://www.iph.mk/mk/news/index/1801?cookieS=2&fbclid=IwdGRzaATmrlBjbGNrBOauTHBkb2YFZXh0bgNhZW0CMTEAc3J0YwZhcHBfaWQMMzUwNjg1NTMxNzI4AAEeISyE3MT_KEUNbvCZ_B0G62oqiS-LnFarstlUcHNg3DXaqSl0s3iAwWi8bO0_aem_NVywxxt7aKbqrtuYl4fQTA

https://www.iph.mk/mk/news/index/1799?fbclid=IwdGRzaATmrnpjbGNrBOaudXBkb2YFZXh0bgNhZW0CMTEAc3J0YwZhcHBfaWQMMzUwNjg1NTMxNzI4AAEeLG1IR-k_0Gbzjq9fSAvltPjteGdJZ0DdnrF043c1OeLzmOII0ULuTM_vaCY_aem_teotpjPWK9hWf8UtJ34qgw

https://www.iph.mk/mk/news/index/1798?fbclid=IwdGRzaATmrptjbGNrBOaul3Bkb2YFZXh0bgNhZW0CMTEAc3J0YwZhcHBfaWQMMzUwNjg1NTMxNzI4AAEe9eGaedOt_cHVjUAKKJCPlJRVuYlOWEaOVOKtoiPqUt1xn5gmvaBNAHu16Yw_aem_351oXE2Gu_7-VnWn4r6Vmg

https://www.iph.mk/mk/news/index/1795?fbclid=IwdGRzaATmrsNjbGNrBOauv3Bkb2YFZXh0bgNhZW0CMTEAc3J0YwZhcHBfaWQMMzUwNjg1NTMxNzI4AAEezK7yxGWP5jZ6DRGfpvKfA_l7VjI7vYkF1pCBU07pbbi0qa7mAcWNhoWU0cQ_aem_XXz-jHf2bYznCtWZxkZmHQ

https://www.iph.mk/mk/news/index/1805

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Времето на чекање на некои од најголемите европски аеродроми леттово лето по воведувањето на новиот електронски систем на Европската унија за гранична контрола се удвои, според податоците објавени од „Фајненшл тајмс“ (Financial Times).

На аеродромот во Франкфурт, максималното време на чекање во јули достигна 120 минути, што претставува зголемување во однос на 60-те минути претходната година, според податоците на аналитичката компанија „Кју-сензор“ (Qsensor).

Во Минхен, најдолготрајното чекање се зголеми од 31 на 60 минути, додека во Амстердам се зголеми од 80 на 120 минути.

Во април, ЕУ го воведе Системот за влез/излез (EES), според кој патниците од Обединетото Кралство и од други земји надвор од ЕУ мора да се регистрираат при првиот влез преку давање отпечатоци од прсти, фотографирање и доставување лични податоци.

Секторите за туризам и авијација претходно предупредија дека новиот систем би можел да предизвика значителни доцнења, бидејќи аеродромите нема да можат доволно брзо да ги обработуваат патниците.

Аеродромот во Франкфурт соопшти дека новите гранични контроли довеле до доцнење на летовите и други пречки во одвивањето на сообраќајот.

„Како што се продолжува времето на чекање, забележуваме значителен пораст на загриженоста кај туристите од Обединетото Кралство и Северна Америка во врска со тоа колку долго ќе мора да чекаат во ред“, изјави Оливер Максфилд, основач на компанијата „Qsensor“.

Извршниот директор на „Рајанер“ (Ryanair), Мајкл О'Лири, остро го критикуваше системот EES и изјави дека треба да се овозможи регистрација преку интернет.

„Само Европејците би смислиле вакви глупости“, им рече тој на инвеститорите минатиот месец.

О'Лири додаде дека „Рајанер“ доживеал сериозни застои на приближно 15 аеродроми.

Системот за управување со сообраќајот (EES) има за цел да ја зголеми безбедноста на надворешните граници на ЕУ преку следење на влезовите и излезите, откривање на лица кои го пречекориле дозволеното време и помагање во лоцирањето на лицата што ги бараат властите.

Сепак, неговата имплементација е оптоварена со доцнења, технички проблеми и проблеми со опремата. Некои аеродроми привремено ги суспендираат одредени проверки.

Податоците од Минхен покажуваат дека подолгото време на чекање првенствено ги погодува патниците што се подложуваат на рачни проверки.

Автоматизираните ленти најчесто ги користат граѓаните на ЕУ, кои не се обврзани да се регистрираат во EES.

Следствено, многу аеродроми привремено ги суспендираа некои проверки - како што е земањето отпечатоци од прсти - за време на периодите на најголем застој.

Оваа опција треба да истече во септември, но осум земји-членки на ЕУ и Швајцарија побараа од Европската комисија да ја продолжи.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.