Хулигани во Сараево нападнале родители на млади фудбалери од Србија, еден е избоден со нож - Канал 5

Балкан

Хулигани во Сараево нападнале родители на млади фудбалери од Србија, еден е избоден со нож

На фудбалски турнир за јуниори во Сараево се случи инцидент кој ја згрози јавноста.

Хулигани во Сараево нападнале родители на млади фудбалери од Србија, еден е избоден со нож

Група од десет маскирани хулигани нападнале родители на момчиња кои играле за српскиот клуб Звездара. По натпреварот, момчињата од српскиот тим отишле во своите соби, а родителите во друг хотел каде што биле сместени.

Пред хотелот ги пречекала група маскирани хулигани, кои влетале во хотелот и фрлиле солзавец. Кога групата родители излегле на паркингот, ги нападнале со факели, а еден од нив го избоделе со нож. Повредениот родител е пренесен во болница во Сараево, каде му е укажана помош и сега се чувствува добро, пренесува Нова.рс.

"Никој од родителите не беше во конфликт со никого. Има тимови од Босна и Херцеговина, Црна Гора, Словенија, Србија. Разменивме знамиња, беше сосема нормална атмосфера. Очигледно беше напад на навивачите, бидејќи беа маскиран и имаа факели, ножеви и солзавец“, изјави за Нова.рс еден од родителите.

„Бев со група од десет родители, тргнавме по тројцата кои прскаа со солзавец. Излеговме на паркингот и таму беа дваесетина. Тие пукаа во нас и се вративме назад. Во тој момент влеговме во хотелот и на еден од родителите му реков дека му е скината јакната“, рече тој.

"Потоа рече дека го боли бутот. Кога погледнавме, видовме дека е избоден. Ни беше мило што децата се во хотелските соби и што не видоа што се случува", рекол родителот. По овој настан полицијата испратила обезбедување во хотелот, а на секој кат има по двајца полицајци.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Бизарно

Гости изеле околу 50.000 мравки- ресторанот во Сеул е казнет поради служење забранет десерт

Јужнокорејски суд казни еден од најпознатите ресторани во Сеул за служење десерт украсен со мравки, бидејќи локалните закони за безбедност на храната не дозволуваат консумирање на инсектите.

Гости изеле околу 50.000 мравки- ресторанот во Сеул е казнет поради служење забранет десерт

Менаџерот на ресторанот „Евет“, награден со две Мишелин ѕвездички, беше казнет со 5.400 фунти, додека извршниот директор на ресторанот беше казнет со 8.000 фунти, објави „Гардијан“.

Судијата од Сеул, Ли Се-чанг, рече дека прекршокот не е тривијален бидејќи нивоата на тешки метали кај мравките биле над законската граница. Тој рече дека го зел предвид фактот дека обвинетите се изјасниле за виновни за кривичното дело и немале претходни пресуди.

Само 10 видови инсекти се одобрени како состојки за храна во Јужна Кореја, вклучувајќи скакулци, црви и свилени буби. Министерството започна истрага откако забележа споменувања на јадења со мравки во објавите и на социјалните мрежи.

Обвинителството соопшти дека ресторанот увезувал сушени мравки од САД и Тајланд по пошта од април 2021 година. Се проценува дека десертот им бил послужен на 12.274 гости, користејќи 49.096 мравки, генерирајќи вкупен приход од околу 65.000 фунти.

Тагови: мравки ресторан

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Црна хроника

Уапсен е бегалец од затворот Идризово- бил осуден на 12 години и 8 месеци затвор

Лишен од слобода бегалец од затвор во Гостивар.

Уапсен е бегалец од затворот Идризово- бил осуден на 12 години и 8 месеци затвор

Денеска (17.09.2026) во Гостивар, полициски службеници од Секторот за меѓународна полициска соработка – Одделение за потраги, Отсек за потрага по цел, во содејство со полициски службеници од Одделението за внатрешни работи Гостивар, го лишиле од слобода Е.А. (42) од Гостивар, кој бил во бегство од Казнено-поправната установа Затвор „Идризово“.

Е.А. бил осуден на казна затвор во траење од 12 години и осум месеци за сторени кривични дела „неовластено производство и пуштање во промет наркотични дроги, психотропни супстанции и прекурсори“ согласно член 215 и „кражба“ согласно член 236 од Кривичниот законик.

По лишувањето од слобода, лицето е предадено во Казнено-поправната установа Затвор „Идризово“ за издржување на изречената казна затвор, соопшти МВР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ДУИ: Седница на Централното претседателство за одлуката на Специјализираните совети на Косово

Денес, претседателот на Демократската унија за интеграција, Али Ахмети, одржа седница на Претседателството на Генералниот совет, односно на Централното претседателство на ДУИ.

ДУИ: Седница на Централното претседателство за одлуката на Специјализираните совети на Косово

Денес, претседателот на Демократската унија за интеграција, Али Ахмети, одржа седница на Претседателството на Генералниот совет, односно на Централното претседателство на ДУИ, на која се дискутираше за актуелните политички случувања во земјата, како и за зајакнување на структурните и организациските капацитети во рамките на Демократската унија за интеграција.

Посебен фокус во дискусијата беше ставен и на одлуката на Специјализираните совети на Косово во Хаг од 16 септември 2026 година. Централното претседателство оцени дека:

Во овие моменти, кога вниманието на Албанците е насочено кон Хаг и кон одлуката во однос на припадниците на ОВК, важно е да се потсетиме како започна овој процес, врз какви тврдења беше заснован и што остана од нив по сите овие години.

Процесот што доведе до формирањето на Специјализираните совети доби поттик од извештајот на Дик Марти и од тешките тврдења за трговија со човечки органи. Но, по сите овие години истраги и судски процес, ниту едно од тие тврдења, поради кои беше формиран овој суд, не беше докажано, а во недостиг на факти беше конструиран процес против Хашим Тачи, Јакуп Красниќи, Кадри Весели и Реџеп Сељими.

Војната на ОВК беше војна за ослободување и слобода на Косово. Историјата на оваа војна и жртвата на еден народ за слобода не можат да бидат судени преку конструиран судски процес.

Протестите организирани по објавувањето на пресудата претставуваат легитимна форма на граѓанско изразување во едно демократско општество. Не постои демократска држава во светот, ниту демократски устав, што го забранува правото на протест. Граѓаните имаат право своите ставови и незадоволство да ги изразуваат преку мирни и ненасилни протести.

Да не дозволиме историјата на ослободителната војна на Косово да биде искривена, се наведува во партиското соопштение.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер