Hubble снимил чудно вселенско тело, личи на Планетатат Икс (ВИДЕО) - Канал 5

Технологија

Hubble снимил чудно вселенско тело, личи на Планетатат Икс (ВИДЕО)

Вселенскиот телескоп Хабл забележал дека гигантската егзопланета HD106906 b има необична орбита околу својата матична двојна sвезда, што може да понуди одговори на некои прашања во врска со можното постоење на мистериозната Планета Х.

Hubble снимил чудно вселенско тело, личи на Планетатат Икс (ВИДЕО)

Тоа е неверојатно голема планета, нејзината маса е 11 пати поголема од Јупитер. Да потсетиме, гасовитиот Јупитер е најголемата планета во нашиот Сончев систем, а нејзината маса е поголема од вкупната маса на сите други планети. Значи, HD106906 b е навистина огромно небесно тело.

Ова е прв пат астрономите да можат да го измерат движењето на масивна планета слична на Јупитер која кружи крајно далеку од нејзината sвезда и видлив диск од прашина и гас. Нејзината двојна sвезда е оддалечена 336 светлосни години.

Оваа егзопланета за прв пат е откриена во 2013 година, сепак, астрономите во тоа време не можеле да утврдат како изгледа нејзината орбита. Телескопот Хабл помогнал при ваквите прецизни мерења, пишува ЕСА.

Она што е особено интересно за оваа планета надвор од Сончевиот систем е што нејзината орбита е крајно навалена и кружи околу нејзините матични sвезди на многу голема оддалеченост - 730 пати поголема од растојанието помеѓу Земјата и Сонцето. Нејзината година или колку време и треба да орбитира околу двојната sвезда, трае неверојатни 15.000 (Земјини) години.

„Прашањето е како HD 106906 b завршила толку далеку и со толку наклонета орбита“, рече водачот на студијата, астрономот Меиџи Нгуен од Универзитетот во Беркли.

"Ова е навистина чудно. Ако го погледнеме нашиот сончев систем, ќе видиме дека сите планети лежат на приближно иста рамнина. Би било чудно ако, на пример, Јупитер се навали за 30 степени во однос на рамнината каде што орбитираат другите планети", додаде тој.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Видео: Пожарот во Белгија се шири кон Германија

Големиот пожар што беснее во областа Хај Фенс (High Fens) и во природниот резерват Хај Свомп (High Swamp) во источниот дел на Белгија се наоѓа на само три километри од германската граница.

Видео: Пожарот во Белгија се шири кон Германија

Ситуацијата во пограничниот град Моншау, во западна Германија, беше напната во текот на изминатата ноќ, а на жителите од некои делови на градот им беше препорачано да се подготват за напуштање на своите домови, пренесува „Блид“.

„Не може да се исклучат ризиците по здравјето предизвикани од чадот од пожарот. На жителите на Платевен, Лејлох и Калтерхерберг, западно од Месевего, им се препорачува да ги напуштат овие подрачја до 10 часот наутро и да престојуваат кај роднини и пријатели“, се наведува во соопштението на локалните власти.

Потврдено е дека градските власти на Моншау ќе отворат прифатилиште во општествениот центар во Имгенбројх, почнувајќи од 7 часот наутро, за сите оние што не можат самостојно да најдат алтернативно сместување.

Екипите за итни интервенции во Моншау не очекуваат огнот наскоро да се прошири на германска територија, но потврдуваат дека се во состојба на подготвеност.

„Секако, внимателно ја следиме ситуацијата. Ќе продолжиме континуирано да ја следиме и проценуваме состојбата, а по потреба ќе ангажираме и дополнителни противпожарни сили“, изјави Филип Кригер, командант на противпожарната служба во Моншау.

Од белгиска страна, евакуацијата на градовите Кихелшајд и Лејкауљ веќе е започната.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

МО: Утре во 19 часот, почесна артилериска стрелба по повод Денот на Армијата

Почесна артилериска стрелба по повод Денот на Армијата

МО: Утре во 19 часот, почесна артилериска стрелба по повод Денот на Армијата

Министерството за одбрана ги информираме граѓаните на Скопје, дека на 17-ти август 2026 година (понеделник), со почеток во 19.00 часот, во касарната ,,Илинден“ во Скопје од страна на единица на артилерискиот баталјон на Армијата ќе се изврши почесна артилериска стрелба со истрелување на 10 плотуни од 6 артилериски орудија.

Почесната стрелба како дел од протоколарните обврски на Армијата за одбележување на празници е во рамки на активностите кои се реализираат по повод одбележувањето на 18Август-Денот на Армијата.

Претходно, истиот ден, во 18.00 часот ќе биде извршена и пробна артилериска стрелба со истрелување на еден плотун од 6 артилериски орудија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Видео: Неверојатен судир на аеродромот: „Фиат Панда“ удри во мал авион

Неверојатна сообраќајна несреќа во Италија.  Автомобил панда се заби во мал авион без да закочи .

Видео: Неверојатен судир на аеродромот: „Фиат Панда“ удри во мал авион

Невообичаена несреќа се случи во делот за општа авијација на аеродромот Милано-Линате, кога службено возило се судри со приватен авион од типот „Хокер Бичкрафт 400А“ (Hawker Beechcraft 400A).

Според снимката од безбедносната камера, авионот се движел кон пистата, додека возилото „Фиат Панда“ се приближило без видливо запирање и удрило во предниот дел на леталото.

https://www.instagram.com/reel/Db5e9ZDsOh_/?utm_source=ig_embed&utm_campaign=loading

За среќа, во несреќата нема повредени. За воланот на автомобилот бил 54-годишен вработен во компанија што обезбедува услуги за опслужување на аеродромот. Меѓу патниците и членовите на екипажот немаше повредени. Ударот бил насочен кон предниот дел на авионот, односно кон заштитниот поклопец што ги штити радарската антена и другата опрема сместена во носот на леталото.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер