Хрватскиот Уставен суд му забрани на претседателот Милановиќ да се кандидира за премиер - Канал 5

Балкан

Хрватскиот Уставен суд му забрани на претседателот Милановиќ да се кандидира за премиер

Хрватскиот уставен суд попладнево ја разреши дводневната дилема и му забрани на актуелниот претседател Зоран Милановиќ да се кандидира и за премиер. 

Хрватскиот Уставен суд му забрани на претседателот Милановиќ да се кандидира за премиер

По седницата која траеше околу два часа, претседателиот на судот Мирослав Шепаровиќ соошти дека согласно уставот, доколку Милановиќ претендира на друга функција, ќе мора прво да си даде оставка и го повика него, но и неговата партија да престане со сите такви предизборни активности.

-Не може да биде кандидат на изборите за пратеници и не може да настапува акко потенцијален кандидат за премиер во овој изборен процес. Со своите постапки, од петокот, саботата и неделата, Претседателот на републиката го кршеше уставот. Тоа е факт. -- Мирослав Шепаровиќ – Претседател на уставен суд на Хрватска.

Потегот на Милановиќ кој длабоко ја подели хрватската јавност, дојде истиот ден кога ги закажа парламентарните избори. Во пресрет на одлуката на судот пак, тој јавно го кажа неговото мислење за судиите и порача дека каква и да биде одлуката, тој повторно ќе биде кандидат за премиер на државата.

-Не е важно што мисли Уставниот суд на чие чело е ѓубрето и кумот на пијаниот Шекс, тоа е Шепаровиќ, човек кој има крвна одмазда со Турудиќ, но од лични, не од принципиелни причини, сето тоа е исто ѓубре. И на крај, тие може да донесат каква сакаат одлука, но јас во кампањата ќе бидам кандидат за премиер. Во уставот јасно го пишува, тоа што го пишува, но ако тие одлучат поинаку, јас повторно ќе бидам кандидат за премиер-- Зоран Милановиќ – Претседател на Хрватска.

Неговиот најголем ривал, актуелниот премиер Aндреј Пленковиќ пак, одлуката на Милановиќ ја нарече преседан. На овој начин, според него, маските на политичката сцена паднале, и порача дека ваквиот тек на настаните го покажува очајот во редовите на опозицијата.

-Од вчера, ниту Петар Грбин е повеќе претседател на СДП, а ниту Милановиќ е претседател на републиката. И тоа е се што ќе кажам за овој преседан,- - Андреј Пленковиќ – Премиер на Хрватска.

Веднаш по најавата на Милановиќ дека има намера претседателската да ја замени со премиерската функција, стигна и првата анкета во Хрватска изработена од агенцијата Ипсос. Според податоците, Милановиќ води со 2 проценти пред Пленковиќ, но неговата партија има 5 проценти помалку од владејачката ХДЗ.

-Дали попрво би биле за Милановиќ или за Пленковиќ да бидат на чело на владата? / Ниту едниот, ниту другиот / Овој Милановиќ ми е... /Ниту едниот, ниту другиот верувајте. Некој сосема друг. / Пленковиќ? Леле, немојте за него.../Јас сум против избори, против демократија.

Милановиќ и Пленковиќ изминатите години постојано се во фокусот на јавноста, највеќе поради постојаните јавни несогласувања, па дури и навреди кои во повеќе наврати си ги имаат упатено еден кон друг.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Украинците со дронови го нападнаа Белгород- има загинати (ВИДЕО)

Голем број украински беспилотни летала го нападнаа рускиот пограничен регион Белгород преку ноќ, според информации од локални власти и снимки од очевидци објавени на социјалните медиуми.

Украинците со дронови го нападнаа Белгород- има загинати (ВИДЕО)

Според извештаите од локалните жители, повеќето од беспилотните летала биле насочени кон една област во центарот на Белгород. Според информациите од каналот за следење на настани „Ексиленова-Плус“, целта бил трговскиот и забавен комплекс „МегаГРИНН“, најголемиот таков комплекс во Белгород.

„МегаГРИНН“ опфаќа повеќе од 163.000 квадратни метри и вклучува повеќе од 200 продавници, како и супермаркет, кино и ресторани. Комплексот бил затворен за време на ноќниот напад и во него немало посетители. Локалните жители, исто така, пријавиле пожар во дворот на станбен комплекс во областа.

Итни служби испратени во погодените области

Оперативниот штаб на регионот Белгород потврди „масовен напад со беспилотни летала“ врз градот и објави дека итни служби се испратени во погодените области. Сепак, не беше прецизирано кои локации биле целите на нападот.

Локалните власти објавија дека две лица се убиени, а 13 се повредени во нападот врз Белгород. „Во нападот беа оштетени 30 станбени згради, 35 автомобили, четири куќи, три административни згради, осум деловни простории и три социјални објекти“, изјави гувернерот на Белгородската област, Александар Шуваев. Тој додаде дека уште едно лице загинало во село во близина на градот Шебекин.

Видеата објавени од очевидци на социјалните мрежи покажуваат експлозии, пожари и активност на воздушната одбрана над Белгород. Оперативниот штаб ги предупреди жителите да останат во затворен простор додека нападите во Белгородската област продолжуваат.

Поради близината до бојното поле, Белгород е честа цел

Белгород се наоѓа само 34 километри од украинската граница на североисток и околу 70 километри од Харков. Поради близината до фронтовската линија, градот е честа цел на украински напади, а благодарение на зголемените можности за извршување напади со долг дострел, Украина може да ги користи своите беспилотни летала за да навлезе длабоко во внатрешноста на Русија.

Претходните украински напади врз Белгород беа насочени кон енергетска инфраструктура и логистички магацини, вклучувајќи ги и објектите на рускиот малопродажен гигант Озон.

Наводниот масовен напад со беспилотни летала врз Белгород се случи кратко откако Украина вчера потврди дека нејзиниот систем „Старшилд“ е вратен во полна брзина. Ова им овозможи на украинските трупи поефикасно да ги координираат нападите со беспилотни летала врз руски цели.

„Старшилд“, воената верзија на сателитскиот интернет систем „Старлинк“, работи со значително намалена брзина во Украина од 14 октомври. Необјаснетото ограничување ги наруши важните воени операции и ја ослабна способноста на Украина да соборува руски беспилотни летала со млазен погон.

Тагови: Белгород

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Хајди Клум откри детал од најочекуваниот костум за Ноќта на вештерките: Ќе биде крваво (ФОТО)

Една недела пред нејзината традиционална забава за Ноќта на вештерките, Хајди Клум го откри првиот детал од нејзиниот костим за 2026 година и најави уште една застрашувачка трансформација. 

Хајди Клум откри детал од најочекуваниот костум за Ноќта на вештерките: Ќе биде крваво (ФОТО)

Супермоделот сподели фотографија на Инстаграм која дава навестување за тоа што подготвува за забавата што секоја година собира бројни ѕвезди.

„Кој е мојот костим?“ напиша Клум на 24 октомври на Инстаграм. „Уште една недела... #HeidiHalloween“.

Шпекулации за новиот костим

Иако судијката на America's Got Talent не откри многу, таа објави фотографија одблизу на дел од костимот. На него се прикажани шарени протетски парчиња со различни форми и текстури, споени во целина што наликува на корален гребен, додека некои делови изгледаат како човечки органи, како што се мозокот или цревата.

Бидејќи Клум често црпи инспирација од поп-културата, филмовите и природата, обожавателите веднаш почнаа да шпекулираат. Многумина веруваат дека таа ќе биде облечена како Монстро Елисау од хорор филмот од 2024 година „The Substance“, додека други мислат дека тоа ќе биде „Clicker“ од „The Last of Us“. Некои се убедени дека ќе биде водна тема, како Големиот корален гребен.

Враќање кон хоророт

Целосната трансформација на 53-годишната манекенка ќе биде откриена дури на црвениот тепих на нејзината забава на 31 октомври. Сепак, таа потврди дека се враќа во жанрот на хорор оваа година. Во интервју за списанието People на 17 септември, таа рече дека костимот ќе биде „многу, многу крвав“.

„Тоа е суштината на Ноќта на вештерките“, додаде таа. „Ние се стремиме кон бруталното и не се воздржуваме“.

Тагови: Ноќта на вештерките Хајди Клум

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Зимата стигна пред време- во Херцеговина вее снег како во јануари (ВИДЕО)

Снег падна во областите Блидиње и Чвршница во Херцеговина во саботата навечер, 24 октомври, а снимките покажуваат дека некои планински подрачја веќе добиле зимски изглед.

Зимата стигна пред време- во Херцеговина вее снег како во јануари (ВИДЕО)

Иако е само крајот на октомври, студениот бран проследен со врнежи донесе снегулки на планините во Босна и Херцеговина, објави Независне.

Во областа на природниот парк Блидиње, температурата падна на само еден степен Целзиусов во саботата навечер, а камерите регистрираа снег како паѓа под светлата. Тенок бел слој се формираше на околните подрачја, давајќи му на овој дел од Херцеговина накратко вистински зимски изглед.

Според порталот Hercegovina.info, снежни врнежи беа забележани во текот на вечерта, а снимките наскоро се појавија на социјалните мрежи. Снег падна и на Чвршница, планина во Херцеговина, во саботата навечер, каде што беа забележани поинтензивни врнежи на поголеми надморски височини.

Според информациите од порталот Dalmacija Danas, радарските снимки покажаа врнежи над делови од Херцеговина и околните планински подрачја. Поради ниските температури, дождот се претвори во снег во повисоките подрачја, а сцените од планините потсетуваа на зима.

Снежните врнежи кон крајот на октомври не се невообичаени во високите планини, особено кога продирањето на постуден воздух е придружено со зголемена влажност.

Студениот бран ја погоди и соседна Хрватска. На Синџал, највисокиот врв на Динара, кој се наоѓа на хрватската страна од планината, температурата падна на нула степени Целзиусови во саботата навечер.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер