Непоткрепена порака за ешерихија коли во водата за пиење шири паника низ Скопје, остар демант од Град Скопје
1Непоткрепена порака за ешерихија коли во водата за пиење шири паника низ Скопје, остар демант од Град Скопје
БалканХрватскиот министер за внатрешни: Намерно е пукано во автомобилот на главниот обвинител Министерот за внатрешни работи на Хрватска, Давор Божиновиќ изјави дека во автомобилот на главниот обвинител Иван Турудиќ, биле пронајдени два куршуми од огнено оружје и дека „ако имаш два куршуми во една цел, тогаш очигледно е намерно пукање“.„Најдени се два куршума од огнено оружје, со што всушност започна кривична истрага која, се надевам, ќе доведе до одговор на прашањето под кои околности, кога и каде се случило пукањето“, изјави министерот за новинарите во Јастребско, објави Индекс. „Доколку имате два куршуми во една цел, тогаш очигледно е намерно пукање“, посочи тој и додаде дека допрва треба да се утврдуваат околностите и дека е прерано да се носат какви било заклучоци. „Знаете дека ова е фаза на истрага, а тие се тајни, така што во моментов не можам да ви кажам повеќе од тоа“, рече министерот. Тој не сакаше да шпекулира кој стои зад тоа. Изјави дека разговарал со новиот главен државен обвинител, дека „сигурно не му е гајле“, но дека смета дека со оглед на тоа што е искусен човек, знае како да се справи со предизвиците. Тој потврди дека се размислува за полициска заштита на Турудиќ. „Секако дека се разгледува, полицијата не ги остава на случајност ваквите ситуации, но не можам јавно да зборувам за тоа“, рече Божиновиќ. Запрашан дали на Турудиќ, кој ја презема функцијата во мај, претходно му била потребна заштита, тој објасни дека дал заклетва, но не ја презел функцијата. Не проценивме дека ќе биде потребно, меѓутоа, по сето ова, јас сум доста убеден, а имам и индиции од полицијата дека во тој дел ќе се исправи нивната проценка, рече Божиновиќ. На тезите на оние кои тврдат дека тоа е „лажна вест“, тој одговори дека се зборува за нив. Тоа се веројатно оние кои во некои други ситуации го омаловажуваа она што се случува во општеството, рече тој и додаде дека се сее голема количина на омраза особено од левиот спектар и нивниот наводен кандидат за премиер и дека оваа количина на омраза може да предизвикуваат реакции. Тој не сакаше да ги коментира изјавите на претседателот на Републиката за апсењето на членовите на ХДЗ, но изјави дека таквите изјави ја надминуваат границата на сѐ што можело да се слушне досега и дека тоа не е добро. Вицепремиерот оцени и дека протестите на опозицијата во пет градови не наишле на особен одзив кај граѓаните. „Како што ми кажуваат моите пријатели, неколку стотици членови на партијата се собрале низ сите градови, тоа значи дека граѓаните препознале што се случува и вербалното насилство, сфатиле дека тие што користат таков начин на малтретирање не им нудат што било добро, поради што би одговорил на протестот, рече Божиновиќ.Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Претплатете се на нашиот newsletter
МакедонијаНепоткрепена порака за ешерихија коли во водата за пиење шири паника низ Скопје, остар демант од Град СкопјеЕдна чаша вода како одговор на информациите дека скопската вода не е безбедна за пиење. Градоначалникот Орце Ѓорѓиевски пред камерите испи вода од чешма, уверувајќи ги скопјани дека нема место за паника, дека во водата нема бактерии и дека таа е целосно безбедна за пиење. Откако изминативе денови на социјалните мрежи се ширеа предупредувања дека во скопската вода има бактерија ешерихија коли, Ѓорѓиевски на вонредна прес-конференција обвини за организирано ширење паника од опозициски структури. Најави дека ќе бидат идентификувани профилите кои ги ширеле дезинформациите и дека за нив соодветно ќе постапува МВР. Дека водата согласно последните испирувања е и хемиски и микробиолошки исправна уверуваат и од ЈП „Водовод и канализација“. Оттаму велат дека водата секојдневно се испитува од околу 40 точки низ градот, а по појавата на информациите била направена и вонредна ПЦР-анализа, која исто така не покажала присуство на бактерии. -Ние имаме една од 5-те најдобри води и извори во Европа и одговорно тврдам и стојам позади тоа. Јас не сум монстум кој што ќе дозволи макар еден живот на моите сограѓани да биде загрозен..Ова е организиран напад за ширење на хистерија, според мене рамно на терористички напад и од утринава се сублимираат сите профили и лажните а и оние приватни а се припадници на опозициските партии и уредно во текот на денот од директорот на Водовод ќе бидат доставени до МВР. - Орце Ѓорѓиевски – градоначалник на град Скопје - Земен е уште еден вонреден примерок од водоснабдителниот систем, од мерно место фабрика Пивара и е направена брза ПСР анализа. Таа е брза анализа која за помалку од 4 часа имаме основни индикаторски параметри каде е констатирано дека не е утврдено присуство на ешерихија коли, ниту на колиформни бактерии, ниту на псевдомонас.- Емилија Јанеска – ЈП „Водовод и Канализација“ Покрај градските власти, информациите дека скопската вода е неисправна ги демантираа и од АХВ, ИЈЗ и од Министерството за здравство. Од АХВ посочија дека немаат информација за незадоволителни резултати од лабораториско испитување на водата за пиење, што е нивна законска обврска, додека од Министерството за здравство велат дека досега нема регистриран ниту хоспитализиран пациент чија здравствена состојба се поврзува со пиење вода од скопскиот водовод. Директорот на Инфективната клиника, Фадил Цана, вели дека дека иако бројот на пациенти е зголемен поради високите температури, кај ниту еден нема индикации дека причината за хоспитализација е водата. -Бројот е зголемен но не е над нормалата, споредбено со другите години тука е во очекуваниот раст, така што немаме податоци дека некој има гастро интестинални тегоби поради пиење на вода. - Фадил Цана – Директор на Клиника за инфективни болести Во меѓувреме, ОЈО соопшти дека по допрен глас оформило предмет за проверка на информациите за енормно загадување со отпад, во заштитено подрачје во близина на изворите Рашче. Ѓорѓиевски ја поздрави одлуката на обвинителството, посочувајќи дека иако депонијата не е во надлежност на Градот, градските служби во моментов ја чистат. Според него, депонијата се наоѓа на значително растојание од изворите Рашче и не може да предизвика загадување на водоснабдителниот систем. Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Најважни вестиКанал 5 дознава: Шестмина се приведени за пораките дека во водата во Скопје е пронајдена бактерија18:00Прогласена епидемија на западно-нилска треска во пет скопски општини- почина 83 годишен пациент15:00Прогласена епидемија од западнонилска треска во Кисела Вода, Илинден, Гази Баба и Бутел12:31Августовски испитен рок за матура денеска и во петок, полагањето ќе биде во четири градови08:41Последните анализи влеваат надеж – ќе протече ли во четврток питка вода од чешмите во Гостивар?.. 15:00
Канал 5 дознава: Шестмина се приведени за пораките дека во водата во Скопје е пронајдена бактерија18:00
Последните анализи влеваат надеж – ќе протече ли во четврток питка вода од чешмите во Гостивар?.. 15:00
МакедонијаКанал 5 дознава: Шестмина се приведени за пораките дека во водата во Скопје е пронајдена бактеријаПолицијата попладнево почна да приведува луѓе во врска со пораките што ги вознемирија скопјани за наводна загаденост на водата, дознава Канал 5.Шестмина се приведени попладнево во полициските станици низ Скопје на информативен разговор во врска со пораките кои се ширеа од синоќа со тврдење дека во водата во Скопје е пронајдена бактеријата ешерихија коли, дознава Канал 5. Според инфромаците, двајца од нив се во полициската станица во Кисела Вода, а останатите во другите станици низ главниот град, а сите се повикани по претходна пријава од градоналникот на Скопје Орце Ѓорѓиевски. Тој на прес конференција оцени дека станува збор за оркестрирано ширење дезинформации и паника, за што очекува да има и одговорност.Тагови: приведени Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Бидете информирани следете не на Facebook
Македонија115 санкции за непрописно престигнување на територија на цела државаСообраќајните контроли продолжуваат и во наредните денови. Во текот на вчерашниот ден (11.08.2026) во периодот од 16:00 до 21:00 часот Секторот за сообраќајни работи при Министерството за внатрешни работи спроведе акциска контрола за санкционирање на возила кои непрописно престигнуваат на територијата на целата држава, при што санкционирани се 115 возачи. Од нив, 35 на територијата на СВР Тетово, 34 на територија на СВР Охрид, 19 на територија на СВР Битола... За време на контролата санкционирани се и 224 други видови на прекршоци. Сообраќајните контроли продолжуваат и во наредните денови. Апелираме до сите учесници во сообраќајот да ги почитуваат сообраќајните правила и прописи и заеднички да придонесеме за побезбедни патишта.Тагови: санкции Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Претплатете се на нашиот newsletter