Хрватски ферибот се расипа среде Јадранот- 340 туристи од утрово бараат спас - Канал 5

Хрватски ферибот се расипа среде Јадранот- 340 туристи од утрово бараат спас

Новокупениот ферибот „Оливер“ на Јадролинија, кој утрово во 10:30 часот исплови од Сплит, се расипа и со часови плови во каналот.

Хрватски ферибот се расипа среде Јадранот- 340 туристи од утрово бараат спас

Станува збор за траект кој се упатил кон Вела Лука на Корчула, објави Индекс.

„Денеска фериботот „Оливер“ пловел на својата редовна релација во 10:30 часот од Сплит до Вела Лука. Меѓутоа, за време на патувањето се случи технички дефект. Тој технички проблем се обидувавме да го решиме околу половина час, привремено успеавме, но се случи повторно. Овој проблем продолжува, а ние интензивно се трудиме да го решиме за што поскоро да го донесеме траектот Оливер до Вела Лука.

Патниците на траектот што одел за Ластово требало да се префрлат од еден на друг траект. Без разлика во колку часот ќе пристигне Оливер во Вела Лука, патниците ќе се превезуваат со траект Корчула или Бартол Кашиќ.

„Што се однесува до патниците кои требаше да одат од Вела Лука до Сплит, тие со катамаран тргнале на алтернативен пат преку Корчула. Јадролинија ќе ги покрие тие трошоци и уште еднаш им благодарам на сите патници за разбирањето“, изјави Јелена Ивулиќ, координатор на пловен простор.

На прашањето што ќе се случи со концертот што требаше да се одржи утре на траектот Оливер за време на пловењето до Вела Лука во пресрет на концертот на Endless Trail, Ивулиќ рече: „Кога ќе добиеме детални информации за дефектот, ќе видиме што ќе се случи со утрешниот распоред на пловидба до Вела Лука.

„Подетални информации ќе објавиме утре. На редовната линија на бродот испловиле 340 патници, а во овој момент бродот е оддалечен 6 милји од пристаништето на траектот“, додаде на крајот Ивулиќ.

Бродот е стар 27 години, годинава е купен за 12 милиони евра, со уште 2,7 милиони потрошени за ремонт. Пред да го купи Јадролинија, траектот Оливер пловел во Грција под името Хермес, а во Хрватска запловил на 20 мај, откако бил ремонтиран во бродоградилиштето Виктор Ленац.

Траектот го добил името по пејачот Оливер Драгојевиќ, а Јадролинија го ангажирала на линијата Сплит-Вела Лука-Убли.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Украински дронови нападнаа 600 километри во Русија – во пламен база со стратешки бомбардери

Украинските сили ноќеска ја нападнаа руската воздухопловна база во Енгелс и рафинерија за нафта во Саратовската област, потврди генералштабот на Украина по претходните информации од каналите што ги следат воените дејства.

Украински дронови нападнаа 600 километри во Русија – во пламен база со стратешки бомбардери

Украинската војска соопшти дека погодила „цел“ во руската воздухопловна база Енгелс, при што избувнал пожар, но не прецизираше што точно било погодено. во базата се стационирани стратешките бомбардери ТУ-95мс и ТУ-160, кои Москва ги користи за ракетни напади врз Украина.

Пожар наводно избувнал и во рафинерија во блискиот руски град Саратов, откако објектот бил погоден со украински беспилотни летала. генералштабот соопшти дека украинските сили го погодиле и складиштето за нафта „Људиновскаја“ во калушката област.

Украинскиот претседател Володимир Зеленски ги потврди нападите во објава на социјалната мрежа „Икс“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шпанија ќе гради 500 метри заштитна бариера на морската граница

Шпанија најави поставување бариера од 500 метри на морската граница помеѓу шпанската енклава Сеута во северна Африка и Мароко по масовниот прилив на мигранти оваа недела.

Шпанија ќе гради 500 метри заштитна бариера на морската граница

Според шпанската влада, помеѓу 50.000 и 60.000 мигранти ја преминале границата. Бројот на жртви се искачи на 67, но властите во Сеута изјавија дека 86 лица загинале. Некои се удавиле, а други починале во стампедо.

Шпанскиот премиер Педро Санчез ја критикуваше реакцијата на некои лидери на Европската унија на настаните во Сеута. Тој рече дека повиците за исклучување на Шпанија од Шенген зоната биле „водени од пристрасност, лажни вести, незнаење или политички интереси“.

Во меѓувреме, неколку мигранти кои стигнале до плажата Тарахал во Сеута биле приведени од шпански војници и вратени до мароканската граница. Шпанското министерство за внатрешни работи соопшти дека повеќето од оние кои нелегално влегле во енклавата веќе се вратиле во Мароко.

„Ние сме бескомпромисни во нашиот пристап кон оние кои го кршат законот“, рече шпанскиот министер за внатрешни работи Фернандо Гранде-Марласка. Коментирајќи ги причините за големиот пробив, и покрај зголемената гранична безбедност, тој нагласи дека ситуацијата бара заедничка анализа од страна на Шпанија и Мароко.

Во исто време, министерот нагласи дека токму соработката меѓу двете земји овозможила ситуацијата да се стави под контрола во рок од 24 часа.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Кристијан Ериксен како „феникс“ повторно се враќа на зелениот терен

Данскиот фудбалер Кристијан Ериксен направи уште еден чекор во процесот на закрепнување, откако за првпат по здравствените проблеми што ги доживеа во јуни, се појави на теренот на својот клуб, Волфсбург.

Кристијан Ериксен како „феникс“ повторно се враќа на зелениот терен

Искусниот дански фудбалер кој долги години има срцеви проблеми присуствуваше на пријателски натпревар против холандскиот тим „Телстар“, кој го следеше покрај теренот, а од германскиот клуб соопштија дека неговата посета првично била планирана за порано, но била одложена поради организациски причини.

По краткиот престој во Германија, Ериксен се врати во Данска, каде што ја продолжува индивидуалната програма за рехабилитација. Ериксен инаку, во јуни доживеа здравствен инцидент за време на пријателскиот натпревар против Украина, што ги оживеа сеќавањата на драматичниот срцев застој што го претрпе на Европското првенство во 2021 година.

Многумина неговото појавување меѓу соиграчите го гледаат како позитивен знак дека 34-годишниот фудбалер не се откажал од враќање на теренот.

„Убаво е да се вратам, макар и накратко, меѓу тимот, повторно да видам познати лица и да запознаам нови луѓе. Разговорот со играчите и луѓето од клубот ми значеше многу. Исто така, многу ме израдуваа топлите зборови и поддршката од навивачите. Им посакувам на момците успешен почеток на сезоната“, изјави Ериксен.

Сепак, сè уште не се знае кога данскиот играч за врска би можел повторно да заигра. Неговото закрепнување ќе продолжи под постојан надзор на медицинскиот тим, додека Волфсбург влегува во новата сезона во Втората Бундеслига, откако испадна од елитниот ранг на германскиот фудбал.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер