Бизарно

Хрватски авантурист пронајде напуштен хотел во шумите на Шварцвалд: Ова не можевме да го замислиме (ВИДЕО)

Исчезнат од мапата и чуван во тајност 30 години, ова е најкраткиот начин да се сумира приказната за еден напуштен хотел во шумите на Шварцвалд во Германија.

Хрватскиот фотограф и урбан истражувач Ален Банковиќ го посети напуштениот хотел Курхаус Сенд во германски Шварцвалд, а своите впечатоци ги сподели во видео на YouTube каналот Тера Кроатија, пренесе Дневно.

Како што изјави, надвор има камери, како и чувар кој патролира низ хотелот, но тие сакале да влезат незабележано.

Зградата, сместена покрај познатата туристичка патека Шварцвалдхохштрасе, со години е во лоша состојба, но и покрај ова, ентериерот е речиси недопрен и зачувува бројни артефакти од минатото.

Хотелот Курхаус Сенд долго време беше популарна планинска дестинација, но редовниот хотелски бизнис престана во 1994 година, а потоа зградата можеше да се изнајмува само за приватни настани до 2005 година, кога беше целосно затворен.

Ален Банковиќ, низ густи шумски патеки, стигна до руинирана зграда која, како што вели, изгледа како времето да застанало. Внатре во хотелот, тој пронашол маси поставени за оброк, расфрлани садови и лични работи – сите покриени со дебел слој прашина, што укажува дека никој не престојувал таму со години.

Во „ловечкиот ресторан“, остатоците од трофеи, стари пушки и кожен мебел создаваат впечаток на мал музеј на животот.

Особено го трогнала спалната соба на сопственикот – уреден кревет, гардеробер полн со облека и лични предмети на ноќната масичка, кој, според неговите зборови, „изгледа како некој да си заминал на кратко, но никогаш не се вратил“.

Во друга соба, истражувачите наишле на стари компјутери од почетокот на 2000-тите, сè уште вклучени во струја и подготвени за употреба, што дополнително го засилува чувството дека хотелот е исклучен од времето, како временска капсула.

Банковиќ истакнува дека Курхаус Санд е многу повеќе од само руина:

„Тоа е место кое ги зачувува последните траги од своите поранешни жители и нуди уникатен увид во секојдневниот живот пред хотелот да биде заборавен и затворен. Истражувањето места како ова не е само адреналин, туку и документирање на простор кој инаку би бил изгубен засекогаш.“

Тагови: хотел напуштен

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Култура

„Одраз“ вечерва во Битола: Делата на Наташа Божарова првпат пред македонската публика, музички перформанс на Нико Ѓоргиевски од „Мизар“

Вечерва, 3 октомври, со почеток во 20 часот, во кафе „Тигре“ во Битола ќе се одржи уметничкиот настан „Одраз“, на кој за првпат пред македонската публика ќе бидат претставени сликарски дела на македонската скулпторка и сликарка Наташа Божарова.</

Покрај сликарските дела, публиката ќе има можност да види и дел од скулптурите на Божарова, чиј скулпторски опус во најголем дел се наоѓа во Италија, додека дел од нејзините дела се наоѓаат во Македонија.

„Одраз“ ќе биде надополнет со музички перформанс на битолчанецот Нико Ѓоргиевски, македонски тенор и вокал на рок-бендот „Мизар“.

Ѓоргиевски ќе изведе интерпретации на дела од светската андерграунд музичка сцена кои влијаеле врз неговиот уметнички развој и музички израз.

Настанот ги обединува сликарството, скулптурата и музиката преку творештвото и уметничките влијанија што го обликувале патот на Наташа Божарова и Нико Ѓоргиевски.

„Одраз“

Вечерва, 3 октомври, во 20:00 часот

Кафе „Тигре“, Битола

Тагови: битола

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Рама: „Европската Унија ја лаже Украина“

Албанскиот премиер Еди Рама остро го критикуваше пристапот на ЕУ кон преговорите за пристапување на Украина во интервју за германскиот „Велт“.

Рама зборуваше за процесот на пристапување на Западен Балкан. Тој истакна дека од Источна Германија не се барало да ги исполни барањата од сите 33 преговарачки поглавја во 1989 година.

Рама рече дека ЕУ веројатно ќе бара уште поголеми напори од земјите од Западен Балкан, но дека тие сепак сакаат да бидат нејзин дел.

„Украина е земја која е измамена“, рече Рама.

Рама додаде дека Украина никогаш нема да биде примена преку стандардниот процес на пристапување, со исполнување на сите критериуми, и дека сите се свесни за ова.

Тој рече дека реално решение би било Украина веднаш да се приклучи на преговорите и да добие полноправно членство врз основа на заслуги.

Тагови: Еди Рама

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

31-година од атентатот врз претседателот Глигоров, се уште нема разврска

Поминаа 31-година од атентатот со автомобил-бомба врз претседателот Киро Глигоров.

На 3 октомври беше извршен атентат врз првиот претседател на Македонија, Киро Глигоров, кој со тешки повреди на главата ,го преживеа напaдот.

На местото на атентатот загина неговиот возач Александар Спировски, а беше повреден телохранителот на глигоров, Илчо Теовски. Како последица од повредите почина и случајниот минувач Христо Христоманов.

Истрагата утврди дека атентатот врз македонскиот претседател, бил добро подготвен и организиран. Остана непознато кој стоел зад атентатот, а истражната постапка која се води против непознат сторител се уште е отворена. Нападот беше извршен со автомобил-бомба во 1995 година во 9:50 часот на улицата „Македонија“ пред хотелот „Бристол“ во Скопје кога Глигоров со службено возило се движеше од неговата резиденција на работното место во Собранието. Киро Глигоров почина од природна смрт на 94 годишна возраст на 1 јануари 2012 година.

Тагови: Киро Глигоров

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.