Балкан

Хрватот, кој ги уби своите три мали деца е осуден на 50 години затвор

Харалд Копиц (57) денеска се изјасни за виновен за убиството на своите три деца.

Судењето на Копиц започнало зад затворени врати денеска во Жупанискиот суд во Загреб под обвинение дека во септември минатата година ги убил своите три деца во станот.

Во 14 часот судот соопшти дека Копиц е осуден на 50 години затвор, што е максимална затворска казна во Хрватска. За смртта на секое дете поединечно му биле дадени 27 години. Петчлениот судски совет на чело со судијката Ива Градишка Ловречек ја донесе пресудата за еден ден.

Судењето беше затворено за јавноста. Судијката Ива Градишки Ловречек ја донесе одлуката судењето за Копиц да не се одржува јавно со согласност на обвинетиот, неговата одбрана и обвинителството со цел да се заштити достоинството на починатите деца и нивната мајка. Копиц претходно бил донесен на суд од затвор со лисици на рацете, а судницата била испразнета пред да ја признае вината.

Тој е обвинет за три тешки убиства, за кои е предвидена казна затвор до 50 години. Обвинителството го товари Копиц дека на 24 септември 2021 година околу 22 часот во стан во загрепската населба Млинови, каде што престојувал со своите три деца, од кои две на седум и едно на четири години, „со умисла да ги убие ги сторил горенаведените прекршоци“.

Истражителите, потсетуваме, најпрвин верувале дека Копиц ги задушил децата, но подоцна било утврдено дека прво ги зашеметувал децата со таблети, а потоа ги задушил. Прво ги туширал децата, а потоа во топло какао ставил 30 таблети дијазепам, кои децата го испиле.

Медиумите пишувале дека Копиц живеел и работел во Загреб каде имал свои фирми и дека работел во неколку големи компании како финансиски консултант и преговарач. Мајката на убиените деца работела во хотел во Дубровник, а децата викендот биле со татко им.

Со вештачење спроведено во болницата за лица лишени од слобода е утврдено дека Копиц бил ментално здрав во моментот на делото.

Копиц се обидел да се самоубие откако ги убил децата. По монструозното злосторство, тој е префрлен во Психијатриската болница Врапче, а потоа во затвор. Тврдел дека му е тешко и дека му е жал што се уште е жив. Тој рече дека неговата кирија била истечена и дека немал каде да оди. Тоа го навел како мотив за незапаметеното злосторство.

Копиц рече дека затоа решил да си го одземе животот, а претходно и децата, за „да не биде сам, туку децата да бидат со него кога ќе умре“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Култура

Министерство за култура: Објавен е Конкурсот за доделување на државната награда „Св. Климент Охридски“ во 2026 година

Одборот за доделување на државната награда „Св. Климент Охридски“ распиша Конкурс за доделување на државната награда „Св. Климент Охридски“ во 2026 година.

Со државната награда „Св. Климент Охридски“ се оддава највисоко признание за долгогодишни остварувања во областа на воспитанието, образованието, културата, уметноста, здравството, заштитата и унапредувањето на човековата околина и во социјалната дејност.

Државната награда се доделува на поединци, група творци, екипи, установи, трговски друштва и здруженија на граѓани.

Државната награда може да се додели и на странски државјани, група творци, екипи и институции од странство за долгогодишни остварувања кои се од јавен интерес за Република Македонија.

Конкурсот ќе трае од 25.9.2026 до 15.10.2026 година.

Конкурсот и пријавата се достапни на веб-страницата на Министерството за култура и туризам:

Државни награди - Државни награди - Конкурси - Министерство за култура и туризам - Република Северна Македонија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Фото: Бред Пит повторно е најголемата ѕвезда во Холивуд, а воопшто не се оптоварува

Најголемиот заводник во Холивуд, актерот Бред Пит повторно воодушеви со својот изглед на Филмскиот фестивал во Сан Себастијан.

Мегапопуларниот актер на филсмкиот фестивал се појави во тексас комбинација.

Бред Пит веќе подолго време го привлекува вниманието на јавноста. Често можеме да го видиме во необични, лежерни изданија што не ги следат правилата на светот на модата кога станува збор за големи филмски настани и проекции.

Неодамна, на Меѓународниот филмски фестивал во Сан Себастијан, тој се претстави во шарена комбинација што спојува дури шест навидум неспоиви бои, а сега нè воодушеви со младешки изглед.

Тој присуствуваше на прес-конференцијата за филмот „Срцето на ѕверот“ и за таа прилика одлучи да ја продолжи својата низа лежерни комбинации, кои изгледаат како воопшто да не се трудел да го шармира светот на модата.

Се појави во тексас од глава до пети, постигнувајќи го оној лежерен, младешки изглед. Сепак, главниот адут на стајлингот беа парчињата облека што се „криеја“ под неговата тексас-јакна.

Носеше бела кошула со розова вратоврска, со што постигна ефект на модерна елеганција која не делува премногу круто. Ќе се согласите, ретко кој маж би се осмелил на ваква модна комбинација...

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Џејми Фокс го очекува своето трето дете: „Сè уште имам сила“

Холивудската ѕвезда, актерот 58-годишниот Џејми Фокс за време на гостувањето во емисијата „Jimmy Kimmel Live!“ потврди дека тој и неговата 31-годишна партнерка, Алис Хакстеп, го очекуваат своето прво заедничко дете, шегувајќи се: „Бебе е на па

Сè уште ме бидува“. Како Фокс се подготвува за оваа нова улога? Добитникот на Оскар, кој веќе има 32-годишна ќерка, Корин, и 18-годишна ќерка, Анелиз, од претходни врски, изјави дека се подготвува повторно да ги извршува секојдневните родителски обврски – вклучително и возењето на децата до училиште.

Тој призна дека, на 58-годишна возраст, е свесен оти ова искуство ќе биде поинакво од претходните. Што рече тој за здравствената криза низ која помина?

„Дејли мејл“ (Daily Mail) пренесува дека за време на разговорот, Фокс се осврна и на мозочното крварење и мозочниот удар што ги доживеа во 2023 година додека работеше на филмот *Back in Action*.

Тој изјави дека сега се чувствува одлично и дека, по тоа искуство опасно по живот, станал поблагодарен за секој момент. Колку долго се заедно Фокс и Хакстеп?

Фокс и Хакстеп се поврзуваат уште од 2022 година, а нивната врска стана јавна следната година. Откако се појавија информации дека раскинале на почетокот на 2025 година, неколку месеци подоцна повторно беа видени заедно; бебето што го очекуваат ќе биде негово трето, а нејзино прво дете.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.