Хрватка покрена расправа: „Имаме 2600 евра месечно, но се плашиме да имаме деца - Канал 5

Живот

Хрватка покрена расправа: „Имаме 2600 евра месечно, но се плашиме да имаме деца

Една 27-годишна жена започна дискусија на Reddit насловена како „Живот под кирија со деца“.

Хрватка покрена расправа: „Имаме 2600 евра месечно, но се плашиме да имаме деца

„Како младите луѓе без недвижен имот го финансираат својот живот со деца? Јас и моето момче имаме 27 години, имаме солидна работа и имаме околу 2.600 евра нето приход заедно. Живееме под кирија, па поголем дел од приходите одат за кирија и други фиксни трошоци.

Нашите пријатели, особено оние што имаат деца, имале среќа да наследат имот или имаат кат кај своите родители или нешто слично. Би сакала наскоро да имам деца, но искрено се плашам како ќе го финансираме сето тоа, знам дека не е невозможно, дека има луѓе што живеат со минимална плата, но јас сакам да живеам, а не да преживувам... Па, ме интересира како изгледаат вашите животи, како функционирате“, прашала таа.

Песимистички ставови

Објавата брзо привлече бројни коментари, а многумина претставија прилично мрачна слика за имањето деца без сопствен имот. „Искрено мислам дека раѓањето деца во Хрватска без решено станбено прашање води до доживотен закуп“, се вели во еден од коментатрите.

Други предупредија на високите цени на киријата, наведувајќи примери каде нивни познаници плаќаат 800 евра за 45 квадрати. Некои од лицата коментирале дека заеднички приход од 2.600 евра во поголемите градови не спаѓа во категоријата „солиден приход“.

„Некогаш, 10.000 куни беше одлична плата, но тогаш киријата беше 2.000 куни“, напишал еден корисник, додавајќи дека со дете е многу потешко да се најде стан.

Совет и различни искуства

Од друга страна, имаше и такви кои понудија охрабрување и искуства од прва рака, нагласувајќи дека животот во изнајмен стан со деца е можен, иако е тежок. Еден корисник го опишал своето искуство: „Се финансиравме така што работевме и плаќавме сметки и кирија како илјадници други родители. Потоа, кога дојде време, купивме стан и продолживме на ист начин, само што наместо да плаќаме кирија, плаќаме кредит“.

Некои веруваат дека со овој приход може да се живее скромно, но пристојно. Во еден коментар се истакнува дека имањето дете во првите неколку години не е огромен трошок и дека може да се покрие со намалување на „малите луксузи“ како што се честите посети на ресторани и кафулиња.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Принцови, принцези, актери, пејачи... Познати личности на финалето на Вимблдон

Финалето на Вимблдон во недела попладне привлече голем број холивудски ѕвезди и британски познати личности од А-листата.

Принцови, принцези, актери, пејачи... Познати личности на финалето на Вимблдон

Сите очи беа насочени кон Централниот терен, каде што Италијанецот Јаник Синер и Германецот Александар Зверев се соочија во напнат судир.

Кралското семејство во преден план

Меѓу многуте познати лица, особено се издвои принцезата од Велс, која блескаше во елегантен зелен фустан.

Таа пристигна на Вимблдон придружувана од своето семејство. Кејт беше придружувана од принцот Вилијам, принцезата Шарлот и принцот Џорџ, додека најмладиот син, принцот Луис, беше отсутен. Принцезата не ја симна насмевката од лицето, навидум невознемирена од моменталниот топлотен бран, додека принцот Џорџ се разладуваше во Кралската ложа со преносен вентилатор.

Принцезата, исто така, го носеше својот „брош Вимблдон“ во препознатливите бои на турнирот.

Мноштво познати лица

На кралското семејство во престижната ложа му се придружија и мноштво други ѕвезди. Актерката Никол Кидман (59) изгледаше шик облечена во бело одело, придружувана од Дама Ана Винтур. Сиена Милер (44) исто така беше видена во Кралската ложа во убав мини-фустан, додека актерите Бен Стилер и Рами Малек се прегрнаа топло по пристигнувањето. Поп-сензацијата Џенифер Лопез (56) ги пленеше погледите во тесна беж-фустан, која го дополни со елегантна шапка и високи потпетици.

Меѓу гламурозните гости беа водителката Тес Дејли (57) со нејзината ќерка Фиби (21), актерките Дејзи Едгар-Џонс (28), Лили Колинс (37) и Мариса Абела, легендарната Твиги (76) и Ники Хилтон (42). Актерот Том Хидлстон (45) избра стилски морнарски костум, Ендру Гарфилд бел костум од Ралф Лорен, а ѕвездата на „Adolescence“ Стивен Греам пристигна со сопругата Хана Волтерс.

Извор: Индекс.хр

Фото: Инстаграм

Тагови: Вимблдон

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

„BYD“ подготвува нов „ѕвер“ - ќе чини околу 40.000 евра

„BYD“ подготвува нов луксузен седан „Da Han“, кој ќе им се нуди на клиентите како целосно електричен модел или „plug-in“ хибрид.

„BYD“ подготвува нов „ѕвер“ - ќе чини околу 40.000 евра

Станува збор за автомобил кој користи иста платформа како и теренецот „Da Tang (Great Tang)“, и носи импресивни перформанси и многу брзо полнење на батеријата.

Електричната верзија добива батерија „Blade“ од втора генерација, која, според производителот, овозможува полнење од 10 до 97 проценти за само девет минути. Моделот ќе има управување на задните тркала, како и активна суспензија.

Со должина што е 6,6 сантиметри подолга од стандардниот „Mercedes-Benz S-Class“, „Da Han“ е меѓу најголемите луксузни седани на пазарот.

Основната електрична верзија користи еден електричен мотор сместен на задната оска кој развива 496 КС (370 kW), додека помоќната варијанта со погон на сите тркала има вкупна моќност од дури 764 КС (570 kW).

„BYD“ сè уште не го објави капацитетот на батеријата на електричната верзија, но наведува дека моделот со погон на задните тркала може да помине до 1.008 километри според кинескиот циклус на мерење „CLTC“.

Верзијата со погон на сите тркала има деклариран опсег од 880 километри. Треба да се напомене дека стандардот „CLTC“ дава пооптимистички резултати во споредба со европскиот „WLTP“ циклус.

„Plug-in“ хибридот користи 1,5-литарски турбо бензински мотор со 154 КС во комбинација со електричен мотор со 268 КС. Благодарение на „LFP“ батеријата со капацитет од 54 kWh, овој модел може да помине до 470 километри само на електрична енергија според кинеските мерења.

Според првичните информации, „BYD Da Han“ треба да има почетна цена од околу 41.000 евра.

Извор: Б92

Тагови: BYD

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

„Белата куќа повеќе нема да биде безбедна за Трамп“

Иранскиот пратеник Алаедин Боруџерди, член на Комитетот за национална безбедност на парламентот, изјави дека Белата куќа „веќе нема да биде безбедна“ за американскиот претседател Доналд Трамп.

„Белата куќа повеќе нема да биде безбедна за Трамп“

Боруџерди нагласи дека одмаздата за атентатот врз поранешниот врховен лидер Али Хамнеи станала „обврска“ за неговите следбеници и „сите слободни луѓе низ целиот свет“.

Тој додаде дека Трамп, израелскиот премиер Бенјамин Нетанјаху и „нивните агенти“ треба да очекуваат „слободните луѓе на светот да ја донесат раката на божествената одмазда“, додавајќи дека „ниту едно место во светот, дури ни Белата куќа, нема да биде безбедно“ за нив.

Тој исто така рече дека одмаздата станала „глобално движење“ наместо „ограничен одговор“.

Тагови: Доналд Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер