Хронологија на настаните што доведоа до катастрофата во Нови Сад, сѐ почнало пред 3 години - Канал 5

Балкан

Хронологија на настаните што доведоа до катастрофата во Нови Сад, сѐ почнало пред 3 години

14 лица загинаа во петокот при уривање на бетонската настрешница на железничката станица во Нови Сад.

Хронологија на настаните што доведоа до катастрофата во Нови Сад, сѐ почнало пред 3 години

Станицата била официјално отворен двапати, последен пат на почетокот на јули годинава. Во мај се работело на настрешницата, но не се знае што точно, пренесе Индекс.

Надлежните, пак, тврдат дека настрешницата не била дел од реконструкцијата, иако била дел од проектот. Новосадскиот портал 021.rs направи хронолошка реконструкција на случувањата околу станицата која ја пренесуваме.

4 септември 2021 година - Почеток на реконструкција на железничката станица

Реконструкцијата на зградата на железничката станица во Нови Сад официјално започнала на 4 септември 2021 година. Во првата фаза се најавуваше работа на првата и втората патека на платформата број еден, додека втората фаза требаше да опфати завршување на преостанатите колосеци. Дополнително, предвидена беше и замена на фасадата на целата станица.

19.03.2022 – Подготовки за доаѓањето на Орбан и Вучиќ

Во меѓувреме, на станицата е договорено да го дочекаат пристигнувањето на унгарскиот премиер Виктор Орбан и на српскиот претседател Александар Вучиќ со првиот воз Сокол што пристигна во Нови Сад на 19 март 2022 година. Возот од Белград пристигна за 33 минути, а на станицата се собра толпа граѓани за да ја пречекаат делегацијата. Сепак, како што објави порталот 021.rs, делот од станицата кон улицата Кисачка останал недовршен и бил покриен со голема завеса.

Септември 2022 година - Проблеми со отворање и протекување

Шест месеци по свеченото отворање, зградата почнала да протекува. На 28.09.2022 година, порталот 021.rs известува дека чекалната за деца е затворена поради вода во просторијата, а објавено е и предупредување за променет пристап до тоалетот.

Март - јуни 2023 година - Рокови и нови проблеми

Помошникот раководител на изградбата на брзата пруга, Веселин Симовиќ, на крајот на март 2023 година изјави дека работите ќе завршат до крајот на летото. Сепак, проблемите продолжија. Во јуни 2023 година, порталот 021.rs пишува за уривање во внатрешноста на зградата на станицата, а надлежните не дадоа одговор за можни поправки.

Јануари 2024 година - Привремено затворање и продолжување на работите

Зградата беше привремено затворена повторно во средината на јануари 2024 година. Само возовите за Белград можеа да ја користат платформата на главната станица, додека внатре во зградата се работеше на таванот, подот и фасадата.

23 јануари 2024 година – Министерството за транспорт им одби пристап до информации на новинарите

Министерството за транспорт на 23 јануари го одби барањето на порталот 021.рс за пристап до податоците за реконструкцијата, наведувајќи дека изведувачот од Кина не дозволува тие информации да бидат достапни на јавноста пред завршување на проектот. Порталот потоа испратил жалба до комесарот за информации, но одговор не е добиен.

04.02.2024 – Соопштение на министерот Весиќ

Министерот Горан Весиќ на 4 февруари најави дека станицата во Нови Сад ќе биде модерен објект по завршувањето на работите, вклучувајќи нова фасада и уредено плато пред зградата. Претставниците на српската железничка инфраструктура потврдуваат дека рокот за завршување на работите е 31 декември 2024 година.

Март 2024 - Напредок на работите

Во март 2024 година, Железничката инфраструктура на Србија објавува видео за напредокот на работите, на кое се гледа замената на мермерните површини, завршувањето на изолационите работи и работата на шините.

5 јули 2024 година - Второ свечено отворање

Станицата повторно беше отворена на 5 јули 2024 година, со присуство на избрани медиуми. На отворањето присуствуваа градоначалникот на Нови Сад Милан Ѓуриќ, министерот Горан Весиќ и претседателката на покраинската влада Маја Гојковиќ. Гојковиќ го изрази своето задоволство од завршувањето на проектот.

Октомври 2024 година - Ново затворање и внатрешни работи

Порталот 021.rs во текот на октомври добива поплаки од граѓани за нови работи внатре во зградата. За овие работи новинарите ја прашале Железничката инфраструктура на Србија, но не добиле одговор.

1 ноември 2024 година - Трагичен исход

На 01.11.2024 година се случи трагедија кога настрешницата која не беше вклучена во реконструкцијата падна врз граѓаните при што загинаа 14 од нив, а тројца се тешко повредени. Ден подоцна, одговорните ја префрлаат вината на пониски нивоа, додека на социјалните мрежи се појавуваат докази за работата во внатрешноста, во делот кој ден претходно падна врз граѓаните.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Голем пожар во парк шумата Гази Баба (ВИДЕО)

Голем пожар претпладнево избувна во парк шумата Гази Баба.

Голем пожар во парк шумата Гази Баба (ВИДЕО)

Пожарот се заканува дека ќе ги зафати станбените објекти во околината на парк шумата Гази Баба. Од ЦУК информираат дека на терен делуваат противпожарните екипи на Град Скопје.

Според последните информации од ДЗС , пожарот е ставен под контрола.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВЛЕН: ДУИ ја обезвреднува албанската политика

Ова раководство на ДУИ го мрази мнозинството Албанци кое ги испрати во опозиција. 

ВЛЕН: ДУИ ја обезвреднува албанската политика

Нивната деструктивност и нагон за самоуништување зазема загрижувачки размери. Блокираат Закон за правична застапеност и директно работат против еден од темелните принципи на Охридскиот договор. Ова раководство на ДУИ боледува од политичко слепило. Не ја сфаќаат сопствената одговорност. Со нивното криминално владеење цели 22 години во Владите на СДСМ и ВМРО станаа најлошиот можен претставник на Албанскиот глас. Албанците повеќе не сакаат да бидат претставувани од луѓе кое злоупотребувале и проневериле ЕУ фондови и не им обезбедиле на граѓаните чиста вода за пиење.

Албанците нема никогаш повеќе да се идентификуваат со ова нереформирано ДУИ кое е директно одговорно за обезвреднување на Албанската политика. За да се спасат од кривична одговорност за нивното коруптивно поведение во последните Влади на СДСМ, малата група околу Ахмети се нуди политички да одработи ВМРО да освои повеќе од 60 пратеници на следните парламентарни избори.

Обидот да се создава лажна слика дека правата на Албанците се загрозени само затоа што ДУИ не е коалиционен партнер и во оваа Влада е свесно и со умисла одработување за политичките интереси на Македонската десница и предавство на Албанската кауза, се наведува во партиското соопштение.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВМРО-ДПМНЕ: Скопје памети, 63 годишнина од земјотресот, во чест на жртвите со благодарност за солидарноста

Денес Скопје се сеќава на катастрофалниот земјотрес од 26 јули 1963 година, ден што засекогаш го промени ликот на градот, но не и духот на неговите жители.

ВМРО-ДПМНЕ: Скопје памети, 63 годишнина од земјотресот, во чест на жртвите со благодарност за солидарноста

Во чест на оние што ги загубија животите, со почит кон преживеаните и со благодарност до сите што помогнаа Скопје повторно да се издигне, денес на 63 годишнината, се поклонуваме пред историјата што нe научи на солидарност, храброст и човечност.

Во овие моменти со пиетет им оддаваме почит на сите загинати, се поклонуваме пред храброста на преживеаните и со благодарност се потсетуваме на несебичната помош што пристигна од целиот свет.

Благодарение на единството, човечноста и меѓународната солидарност, Скопје не само што беше обновено, туку стана препознатливо како град на солидарноста, симбол на надежта, отпорноста и вербата во подобрата иднина.

Нашата обврска денес е да го чуваме тоа наследство. Да градиме институции што се грижат за граѓаните, да вложуваме во безбедност, отпорност и развој и да негуваме општество во кое солидарноста, единството и меѓусебната почит ќе бидат темел на секој напредок.

Нека споменот никогаш не избледи, а пораката за единство и надеж продолжи да живее во секоја генерација.

Скопје памети. Скопје не заборава, се наведува во партиското соопштение.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер