Христоски: Почнува процес на децентрализација на Историскиот музеј и на Спомен-куќата на Тоше во Крушево - Канал 5

Христоски: Почнува процес на децентрализација на Историскиот музеј и на Спомен-куќата на Тоше во Крушево

Започнува процесот на децентрализација на Националните установи „Историски музеј Крушево" и Спомен-куќата на Тоше на Гумење, односно нивно ставање под надлежност на крушевската локална самоуправа, информира крушевскиот градоначаланик Томе Христоски.

Христоски: Почнува процес на децентрализација на Историскиот музеј и на Спомен-куќата на Тоше во Крушево

Според Христоски, децентрализацијата на овие институции ќе овизможи подобра координација, унапредена контрола и целосна слика за туризмот во Крушево и смета дека граѓаните не треба да се плашат дека тоа ќе биде оптоварување на локалниот буџет. Дотациите во секој случај ќе стигнуваат од Министерството за култура, стои во официјалната информација на Христоски, која е и одговор на реакциите и прашањата на граѓаните.

-Децентрализацијата на наведените институции, односно нивно ставање во надлежност на локалната самоуправа, нема да значи финансиски импликации за општина Крушево и нејзините граѓани. По целосното спроведување на децентрализацијата, овие институции ќе бидат под надлежност на локалната самоуправа, но ќе добиваат дотации, ќе се финансираат од централната власт и од ресорните министерства како и досега. Најголема добивка од процесот ќе има општина Крушево и граѓаните, најмногу зашто Крушево е туристичко место, а НУ „Историски музеј" и НУ Спомен куќа „Тодор Проески" играат значајна улога во туристичката понуда на градот. Префрлањето на надлежноста ќе значи дека во развојот на туризмот, понудата на градот и промоцијата пред потенцијалните посетители на Крушево, локалната самоуправа ќе работи заедно со овие два објекта. Децентрализацијата ќе овозможи подобра координација, унапредена контрола и целосна слика за туризмот во Крушево, уверува Христоски.

спомен куќа тоше

Како пример за идното функционирање на овие две институции, Христоски го наведува крушевскиот дом на култура „Наум Наумовски Борче" Крушево, кој е во надлежност на локалната самоуправа, а добива финансии од Министерство за култура.

-Дополнителни оптоварувања на скромниот буџет на општина Крушево нема да има, а децентрализацијата ќе донесе професионализација, заеднички пристап, поефикасно функционирање и подобра туристичка понуда, стои во официјалната информација на крушевскиот градоначалник Христоски за процесот на децентрализација на Националните установи „Историски музеј Крушево" и Спомен -куќа „Тодор Проески".

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

ДЕМАНТ од САНТЕ ПЛУС ГРУП Скопје

Санте Плус Груп Скопје побараа да објавиме демант на веста поврзана со одреден финансиски криминал

ДЕМАНТ од САНТЕ ПЛУС ГРУП Скопје

ПЗУ „Санте Плус Груп“ Скопје реагираше до нашата интернет редакција за неоснованото и неточно поврзување со деветтемина осомничени и со предметната истрага за финансиски криминал. Грешката настана поради ненамерна пермутација на називите на здравствените установи.

Недвосмислено појаснуваме дека ПЗУ „Санте Плус Груп“ Скопје не е установата на која се однесуваат објавените наводи и дека во неа не се вршат операции на очи. Исто така наводите за двојна наплата на здравствени услуги, противправна материјална корист од речиси 4,5 милиони евра и штета на Буџетот од 1,7 милиони евра не се однесуваат на оваа установа.

Јавно ги повлекуваме и се извинуваме за ненамерните невистинити констатации во нашата вест како и за неточните поврзувања на оваа установа со лицата опфатени со истрагата.
Во духот на професионалните новинарски вредности, посочената сторија ќе биде симната од нашата интернет страна.

Канал 5 ТВ Интернет

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Видео: Трамп, Путин и Си на свечена вечера во Кина

Претседателот на САД, Доналд Трамп, пристигна во Шенжен, Кина, каде што на аеродромот лично го пречека кинескиот претседател Си Џинпинг, што претставува отстапување од вообичаениот протокол. 

Видео: Трамп, Путин и Си на свечена вечера во Кина

Претходно, Си се сретна со рускиот претседател Владимир Путин, а за утре е предвидена трилатерална средба меѓу тројцата лидери во рамките на самитот на АПЕК. Се очекува нуклеарното разоружување да биде една од главните теми.

Американскиот претседател Доналд Трамп и рускиот претседател Владимир Путин пристигнаа на свечена вечера, чиј домаќин е кинескиот претседател Си Џинпинг, во рамките на самитот на АПЕК.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Тамара Тодевска на 7 декември со голем концерт „25 години љубов“ – над 40 музичари, хор и безвременски хитови на сцената

На 7. декември, со почеток во 20 часот, во Т-Арена, спортскиот центар „Борис Трајковски“, македонската музичка ѕвезда Тамара Тодевска ќе го одржи својот голем солистички концерт „25 години љубов“, со кој одбележува четврт век музичка кариера.

Тамара Тодевска на 7 декември со голем концерт „25 години љубов“ – над 40 музичари, хор и безвременски хитови на сцената

Публиката ја очекува вечер исполнета со музика, емоции и спомени, со песните што одбележаа повеќе генерации, но и со новиот музички материјал од „Кукла жива“ – првиот македонски визуелен албум.

На сцената ќе настапат повеќе од 40 музичари и хор, а целокупната музичка изведба ќе биде под водство на реномираниот диригент и музичар Емин Џијан.

Во тек се интензивните подготовки и проби за концертот, за кој се подготвува посебен музички и сценски концепт, со цел публиката да доживее нешто поинакво од досегашните концертни настапи на Тамара.

„Искрено, многу сум возбудена. Последниве недели речиси целото мое секојдневие е посветено на подготовките за концертот. Заедно со Емин и целиот тим работиме на секој детаљ, затоа што сакам на публиката да ѝ понудиме едно поинакво музичко и сценско искуство. Ќе пееме песни со кои сме растеле заедно, песни што нè потсетуваат на убави моменти, но и нови песни од „Кукла жива“, кои едвај чекам да ги изведам во живо. Ова за мене не е само концерт, туку прослава на сите овие 25 години љубов што ги делам со публиката. Голема благодарност до Канал 5 ТВ која е медиумски партнер на овој настан и даваа поддршка на македонската музика“, вели Тамара.

Концертот „25 години љубов“ ќе биде музичко патување низ различните периоди од кариерата на Тамара Тодевска, со нови аранжмани, богата музичка продукција и бројни изненадувања.

Генерален спонзор на овој музички настан е А1.

Билетите се достапни преку karti.com.mk

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер