Христијан Настески – Пајак, во ексклузивно интервју за Канал 5: На македонската сцена ѝ треба повеќе креативна храброст - младите треба да бидат свои, а не да копираат туѓ стил - Канал 5

Шоу биз

Христијан Настески – Пајак, во ексклузивно интервју за Канал 5: На македонската сцена ѝ треба повеќе креативна храброст - младите треба да бидат свои, а не да копираат туѓ стил

Христијан Настески, познат на помладата публика како Пајак, е едно од најсвежите и најпозитивните имиња на македонската музичка сцена. 

Христијан Настески – Пајак, во ексклузивно интервју за Канал 5: На македонската сцена ѝ треба повеќе креативна храброст - младите треба да бидат свои, а не да копираат туѓ стил

Во интервју за Канал 5, Пајак зборува искрено и со ентузијазам за тоа што моментално го движи, како ја доживува музиката и што ја прави неговата уметност толку блиска до публиката.

Во моментов, целиот тим на Пајак е посветен на создавање нова музика. Со возбуда ни откри дека тие денови не се обични работни денови - тие се исполнети со идеи, проби, експерименти и многу љубов кон звукот.

„Можам ексклузивно да ви откријам,“ вели тој, „дека работиме на нов албум, кој би требало да излезе следната година. Ова е еден нов почеток за нас и нешто што со нетрпение го очекуваме да го споделиме со сите“.

Го прашавме како успева секогаш да остане оригинален и препознатлив, а тој објасни дека тајната е во искуството и посветеноста.

„Тоа е комбинација од долгогодишни настапи и продукциско искуство, но и многу истражување, не само на македонскиот, туку и на регионалниот музички пазар“, вели Пајак.

„Секогаш се трудам да ја правам музиката која ја сакам, бидејќи токму преку таа искреност мојата публика ме препознава“.

Инспирацијата, додава тој, не доаѓа само од големите моменти, туку и од секојдневието.

„Секој момент, концерт, патување или било кое друго искуство е инспирација за сè што правам“, раскажува Пајак.

„Се трудам преку песните да допрам длабоко до срцата на луѓето, преку реални искуства - било да се мои или на оние што ме опкружуваат. Тоа е суштината на мојата музика“.

Го прашавме и што е она што би сакал да сподели за себе пред публиката, а таа сè уште не го знае.

„Малкумина знаат дека учествувам во сите фази на проектите - од продукција, текст и аранжман, до постпродукција. Тоа е делот кој најмногу ме исполнува“, открива Пајак.

„Токму тоа учество од почеток докрај ми овозможува да ја задржам автентичноста во секоја песна“.

Кога станува збор за домашната сцена, Пајак со јасен став посочува дека ѝ недостига повеќе продукција и охрабрување за младите артисти.

„На македонската сцена ѝ треба повеќе креативна храброст. Младите треба да бидат свои, а не да копираат туѓ стил. Нема ништо поубаво од тоа да ја претвориш својата мисла или чувство во дело што ќе допре до луѓето“.

Го прашавме и за меѓународните музички трендови и дали некои од нив го инспирираат. Пајак смета дека денес сите трендови се достапни благодарение на социјалните мрежи, но важно е како ги прифаќаме.

„Сè зависи од тоа што ние како публика сакаме да прифатиме како тренд и дали тоа носи нешто позитивно. Во мојата музика секогаш се чувствуваат најновите трендови, но пренесени на начин кој ја задржува мојата енергија и македонскиот дух“, објаснува тој.

Особено горд е на својата соработка со Елвир и Јован, имиња кои оставија длабока трага на македонската музичка сцена.

„Тоа се дел од моите најдраги соработки“, признава Пајак.

„Голема чест е да работам со луѓе кои некогаш ми биле идоли, а денес се дел од мојот тим. Не можам да кажам дека јас ги вратив на сцената - тие секогаш биле дел од неа. Нивната музика има трајни вредности за повеќе генерации, а јас само сакам да го продолжам тој дух заедно со нив. Очекувајте повеќе заеднички песни и проекти во блиска иднина“.

Со скромност, но и силна уметничка визија, Пајак останува пример за млад артист кој не се плаши да биде свој, да сонува големи соништа и да ја раскажува својата вистина преку музика. Со интервјуто за Канал 5, само уште еднаш потврдува дека вистинската оригиналност не се учи - се живее.

Новинар: Цеце Николова

YouTube video

Тагови: музиката Пајак Христијан Настески

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Хороскоп

Дневен хороскоп за 13. септември 2026 година

Дневен хороскоп за недела, 13. септември 2026 година. 

Дневен хороскоп за 13. септември 2026 година

Девица 23.8.-23.9.

Љубов

Пред вас е одличен ден за дружење од секаков вид , полно со добри намери и искреност.излезете, прошетајте и сакајте се.

Кариера

Многумина ќе успеат креативно да се изразат , а нивните уметнички идеи ќе бидат прифатени.

Здравје и совет

Ќе се чувствувате како риба во море.

Вага 24.9.-23.10

Љубов

Оние кои бараат сродна душа , денеска би можеле да забележат одредени емоции кон личност со која работат.

Кариера

Денот ќе ви донесе уживање , креативност, љубезност и нови атрактивни предизвици. работете што било , ќе се исплатува.

Здравје и совет

Здравјето ви е добро.

Шкорпија 24.10-22.11.

Љубов

Сеуште не сте се оладиле од бурното минато , а веќе ви се местат ситуации за нови љубовни предизвици.Бидете смирени.

Кариера

Денеска ќе ви се отвори шанса на релативно лесен и пријатен начин да ја зголемите својата заработувачка.

Здравје и совет

Чувствителност на грлото.

Стрелец 23.11.-21.12.

Љубов

Своите лични односи денеска ќе ги градите на многу суптилни нивоа. Ќе ви биде важно она што е суптилно и нежно.

Кариера

Она што до сега го постигнавте , ќе ви донесе и некои исклучително интересни опции и идеи. Денеска ги анализирате.

Здравје и совет

Послушајте ја интуицијата.

Јарец 22.12.-20.1.

Љубов

Во љубовни прашања денеска ќе го барате она скриеното , недопирливо , суптилно , а ќес е воддите од своето шесто чуло.

Кариера

Начинот на кој некому ќе може да помогнете , е исклучителен. Не очекувајте ништо конвенционално.

Здравје и совет

Здравјето ви е добро.

Водолија 21.1.-19.2.

Љубов

Ќе успеете во целост да покажете што чувствувате. Ќе биде добро. Единсдтвено е важно да не зборувате премногу.

Кариера

Сите ситни работи кои денеска ги извршувате , ќе успеете да ги завршите со помош на вашиот шарм.Други ќе ви помиогнат.

Здравје и совет

Релаксирајте се ,вежбајте и истегнувајте се.

Риби 20.2.- 20.3.

Љубов

Вашата интуиција и фантазија деенсак сигурно ќе ви помогнат за да ги подобрите вашите лични односи. Потпрете се на внатрешниот глас.

Кариера

Ако имате некои интересни , уметнички или воопшто инвентивни идеи , сега е време да ги изразите или барем да ги ставите на хартија.

Здравје и совет

Некои делуваат прикриено.

Овен 21.3-20.4.

Љубов

Партнерот ќеви покаже начин како подобро да ги искажувате емоциите. Со задоволство ќе го прифатите новиот стил.

Кариера

Збунетоста поради специфична задача денеска ќе достигне кулминација. Ќе се прашувате , зошто токму вие?

Здравје и совет

Прифатете ги предизвиците.

Бик 21.4- 20.5.

Љубов

Рамнотежата која повторно ја чувствувате во врската ќе ве поттикне на похрабри љубовни потези.

Кариера

Ќе размислувате за барањата на шефовите . Сеуште не можете да ги согледате како реален факт.

Здравје и совет

Обидете се да се однесувате позрело.

Близнаци 21.5.-21.6.

Љубов

Со својата сентименталност ќе ја изненадите саканата личност.Таа овој пат ќе биде во улога на заштитиник.Добро е.

Кариера

Ќе бидете нервозни заштио една ситна работа никако не можете да ја пруиведете кон крај. Ќе морате повеќе да се потрудите.

Здравје и совет

Несоница.

Рак 22.6-22.7.

Љубов

Она што моментално недостига во вашиот љубовен живот , денеска ќе го надоместите со својата фантазија.

Кариера

Големи се вашите очекување од другите , зашто вие работите предано и професионално. Но , не се сите како вас.

Здравје и совет

Бидете реални во своите проценки.

Лав 23.7-22.8.

Љубов

Денот е добар за опуштени дружења со кафе. Може да прошетате и да се подружите со пријатели, додека љубоцвните односи се површни и на дистанца.

Кариера

Ќе успеете да се договорите за една креативна соработка.исто така , ќе успеете да пласирате некои ваши специфични идеи.

Здравје и совет

Следува нов козметички третман.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Расел Кроу привлекува внимание во Венеција, ослабнал 26 килограми

Расел Кроу се појави на 83-тиот Меѓународен филмски фестивал во Венеција во петокот, привлекувајќи внимание со својата значително послаба фигура.

Расел Кроу привлекува внимание во Венеција, ослабнал 26 килограми

Тој пристигна на црвениот тепих со својата партнерка, Бритни Терио, а парот присуствуваше на проекцијата на филмот „What Love Builds“ во салата „Дарсена“.

За оваа пригода, Кроу (62) избра елегантен црн костум и бела кошула, а сивата коса ја зачешла наназад. Додека позираше за фотографите, ја држеше раката околу половината на својата партнерка. Бритни (42), неговата партнерка со која е во врска шест години, носеше црн фустан што ја следи линијата на телото и има длабоко деколте, а изгледот го надополни со црни чевли со високи потпетици и дијамантски накит.

Откри колку килограми изгубил

Кроу изгубил значителна тежина во текот на изминатата година. За време на неодамнешното гостување во подкастот „The Joe Rogan Experience“, тој откри дека ослабел 26 килограми.

Исто така, сподели дека значително го намалил консумирањето алкохол, иако не се откажал целосно од него. По снимањето на филмот „Nuremberg“, како што рече, тежел 126 килограми. „Сега тежам 100,9 килограми“, откри тој.

Актерот неодамна објави фотографии од теретана на социјалните мрежи, а неговата физичка трансформација ги воодушеви многубројните обожаватели. Во коментарите, тие забележаа дека тој повторно изгледа како „Гладијатор“, алудирајќи на неговата култна улога како Максимус во филмот „Gladiator“ од 2000 година, која ја одбележа неговата кариера. Му помогна и здравствена програма.

Актерот исто така спомена дека во тој период му помогнала програмата „Way2Well“. Како дел од програмата, тој прима инјекции кои, според него, помагаат да се ублажат последиците од стари повреди здобиени за време на физички напорни филмски улоги.

„Не ја разбирам науката зад сето тоа, но чувствувам вистинска корист во рамената и колената. И инјекциите и инфузиите го смирија воспалението во моето тело“, рече Кроу.

Во врска е со Бритни од 2020 година

Кроу и Бритни Терио се заедно од ноември 2020 година; Тие за првпат се појавија заедно на црвениот тепих како пар во октомври 2022 година, на премиерата на неговиот филм „Poker Face“.

Се запознале уште во 2013 година, на снимањето на трилерот „Broken City“. Терио е од Њу Орлеанс и претходно работела како актерка и навивачка.

Кроу претходно беше во брак со Даниел Спенсер, со која ги има синовите Чарлс и Тенисон. Тие стапија во брак во 2003 година, се разделија во 2012 година, а нивниот развод беше официјално финализиран во 2018 година.

Извор: Индекс.хр

Тагови: Расел Кроу

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Трамп: Би сакал да видам обединета Ирска

Американскиот претседател Доналд Трамп изјави дека „би сакал да види“ обединета Ирска, тврдејќи дека „тоа на крајот ќе се случи“.

Трамп: Би сакал да видам обединета Ирска

За време на средбата со ирскиот премиер на имотот Фармли во Даблин, американскиот претседател рече дека обединета Ирска би била „големо признание за сите“. „Како би можело тоа да биде лошо?“, праша тој.

Еден новинар го праша за неговото мислење за ирското обединување. Свртувајќи се кон ирскиот премиер Михол Мартин, кој седеше до него, Трамп додаде: „Разговараме за тоа, а вие го имате вистинскиот човек овде кој би можел да го придвижи процесот. Но, да, мислам дека тоа би било фантастична работа“.

„Новинарите се обидуваат да ми наместат стапица“

Тој подоцна дополнително го нагласи својот став за време на обраќањето во резиденцијата на американскиот амбасадор. Тој се потсети како еден новинар го прашал што мисли за обединувањето на Северна Ирска и Република Ирска.

„Морате да разберете дека со новинарите – барем кога станува збор за мене – секое прашање е стапица. Тие секогаш се обидуваат да ви наместат стапица, прашувајќи: 'Што мислите за обединувањето на Северна Ирска и Ирска?' Мислам дека дадов добар одговор. Утре ќе читаме за тоа“, предвиде Трамп.

„Тоа е едно од оние прашања на кои, без разлика што ќе кажете или колку добро ќе го кажете, нема добар одговор, нели? Има четири или пет такви – би можел да набројам и други, но нема да ве охрабрувам. Сепак, тоа беше едно од тие прашања. Всушност, реков дека, искрено, тоа би било многу одлична работа. Мислам дека би било одлично“, додаде тој. За време на средбата со Мартин, тој рече дека односите меѓу Ирска и САД „никогаш не биле толку добри како сега“. Тој го опиша Мартин како „пријател“ и рече дека „имале одличен однос уште од почетокот“. Трамп подоцна ќе отпатува во своето одморалиште за голф во Дунбег, округот Клер, каде што се одржува турнирот „Ириш опен“.

Бурнам ја отфрли можноста за референдум

Британскиот премиер Енди Бурнам поттикна политичка дебата на островот Ирска претходно оваа година, кога изјави дека референдум за обединување „не доаѓа предвид“. Според одредбите на Договорот од Белфаст, односно Договорот од Велики петок од 1998 година, британскиот министер задолжен за Северна Ирска е должен да распише референдум за статусот на Северна Ирска доколку смета дека обединувањето ќе биде поддржано од мнозинството гласачи. За да дојде до уставна промена, и граѓаните на Република Ирска мора да гласаат за обединување.

Извор: Индекс.хр

Тагови: Доналд Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер