Хорови од Хрватска и Македонија гостуваа во Велес - Канал 5

Култура

Хорови од Хрватска и Македонија гостуваа во Велес

На големата сцена на Народниот театар „Јордан Хаџи Кoнстантинов-Џинот“ во Велес синоќа имаше концерт на хорска музика насловена „Мостови на пријателство“.

Хорови од Хрватска и Македонија гостуваа во Велес
Настапија МПЗ „Ријека Семпре Алегро“ од Риека и ХГД „Звијезда Даница“ од Краљевица, двата под диригентство на Хелга Дукариќ-Дангубиќ, и ГМХ „Вардар“ од Скопје, под диригентство на Јасмина Ѓорѓеска, во пијано придружба на Андреј Наунов. Иако аматерски, трите хора ја одушевија многубројната велешка публика која ги награди со долг и силен аплауз.

Хелга Дукариќ-Дангубиќ изјави дека соработката со ГМХ „Вардар“ од Скопје започнала минатата година кога имале два заеднички концерта во Риека и во Краљевица, а по гостувањето во Велес, вечер ќе настапат и во Скопје. Таа сенадева дека соработката ќе продолжи.

- Го завршивме концертoт на трите хора со заеднички настап со песната „We Are The World“, со една порака сите на светот да бидеме обединети и пријатели и кон тоа да тежнееме. Музиката отсекогаш ги спојувала луѓето од сите нации и националности. Тука сите сме исти на светот и нам ништо не ни е важно освен музиката која не спојува да се дружиме и меѓу нас да постои пријателството, рече Дукариќ-Дангубиќ.

Двата хора од Хрватска се аматерски. Хорот„Звијезда Даница“ од Краљевица постои 122 години и е меѓу најстарите хорови во Хрватска. На концертот се претставија со хрватската народна песна. Хорот од Риека, пак, настапи со многу светски познати популарни песни и на крај со македонската песна „Елено ќерко“ во чест на нивните пријатели од Македонија.

Диригентката на хорот „Вардар“ Јасмина Ѓорѓеска искажа задоволство од заедничкиот концерт во Велес и соработката со двата пријателски хора од Хрватска.

- Задоволна сум од гостопримството на велешани и се надевам дека оваа соработка ќе премине во традиција. Нашиот хор изведе композиции од разни временски периоди и различни стилови, a освен македонската народна хорска обработка имaше и позната филмска музика, рече Ѓорѓеска. /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Со изведување докази на одбраната продолжува судењето за пожарот во „Пулс“

Со изведување на докази на одбраната, која има најавено 240 сведоци, во судницата во затворот „Идризово“ при Основниот кривичен суд Скопје денеска продолжува судењето за пожарот во дискотеката „Пулс“ во Кочани.

Со изведување докази на одбраната продолжува судењето за пожарот во „Пулс“

Судењето го води судијката Дијана Груевска-Илиевска, а обвинението го застапува тим од 15 јавни обвинители.

Процесот започна на 19 ноември минатата година, осум месеци по катастрофалниот пожар што се случи на 16 март 2025 година за време на настап на групата ДНК, во кој животот го загубија 63 лица, а над 200 беа повредени.

Тагови: Основен суд Кочани Пулс

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Собранието го усвои амандманот со кој се брише членот 13 од измените на Законот за јавните набавки

Собранието го усвои амандманот со кој се брише членот 13 од измените на Законот за јавните набавки.

Собранието го усвои амандманот со кој се брише членот 13 од измените на Законот за јавните набавки

Спорната одредба се однесуваше на мандатите на претседателот и членовите на Државната комисија за жалби по јавни набавки.Со предложените измени се овозможуваше нивно повторно именување без јасно ограничување на бројот на мандати.

Досегашното законско решение предвидуваше мандат од пет години, со право на уште еден избор.Тоа значи дека членовите можеа да ја извршуваат функцијата најмногу десет години.

Претседателката Гордана Сиљановска-Давкова одби да го потпише указот за прогласување на законот токму поради оваа одредба.Таа оцени дека новата формулација е правно непрецизна и остава простор за неограничен број реизбори.Амандманот за бришење на членот го поднесоа пратениците на ВМРО-ДПМНЕ.

Од владејачкото мнозинство образложија дека со ова се прифаќаатзабелешките на претседателката.

Од СДСМ реагираа дека и тие претходно предложиле исто решение.Опозицијата побара законот да биде повлечен и да се организира јавна расправа за новите измени.За законските измени беа поднесени вкупно 2.158 амандмани.

Тагови: Собранието

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Променливо облачно со повремени сончеви периоди

Врмето денес според УХМР ќе биде променливо облачно со повремени сончеви периоди.

Променливо облачно со повремени сончеви периоди

Променливо облачно со повремени сончеви периоди. Во западните делови ќе има услови за појава на слаби врнежи од дожд. По одделни котлини ќе има услови за појава на магла. Ќе дува слаб до умерен ветер од јужен правец. Минималната температура ќе биде во интервал од 5 до 10, а максималната ќе достигне од 14 до 19 степени.

Во Скопје, променливо облачно со услови за појава на слаб локален дожд. Ќе дува слаб ветер од променлив правец. Минималната температура ќе се спушти до 10, а максималната ќе достигне до 17 степени.

ВРЕМЕТО ВО НАРЕДНИТЕ ДЕНОВИ

До почетокот на следната седмица времето ќе биде променливо облачно со повремени локални врнежи од дожд. Од сабота поради продор на постудена воздушна маса од север температурите ќе бидат во опаѓање. Ќе дува слаб до умерен, а во петок силен повремено многу силен ветер од јужен правец.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер