Мими Халеј, новата жртва на Харви Вајнштајн, се одлучи да излезе јавно тврдејќи дека познатиот холивудски продуцент ја силувал во неговиот стан во Њујорк во 2006 година. Таа влегла во станат за да зборуваат за работа, кога ја нападнал. Таа наведува дека повеќе пати се обидувала да го одбие, изјавувајќи дека има менструација, но тоа не успеало и продуцентот на крајот ја совладал.
„Не прифаќаше “не“ како одговор, само ме одвлече во затемнета просторија. Цврсто ме стегна и не успеав да се извлечам од неговиот стисок колку и да се обидував. Ми го извади тампонот кој го имав ставено и потоа орално ме задоволи без моја согласност. Бев преплашена и не можев да поверувам што ми се случува“ – изјави Мими во присуство на својот адвокат.
Мими продуцентот го запознала на европската премиера на филмот „Авијатор3 на фестивалот во Кан, 2006 година.
Уште на фестивалот Мими отишла на состанок со Харви, кога неговиот асистент ја испратил до хотелската соба каде после нормалниот бизнис разговор следувало непријатното прашање дали би можела да го измасира.
„Се чувствував глупаво и плачев што воопшто бев воодушевена што ќе се сретнам со него тогаш“ – изјави Мими н наведе дека била изненадена кога подоцна ја повикал да дојде во Њујорк да работи на еден телевизиски проект.
Таа изјави дека тогаш бил вистински џентлмен и дека ја прифатила неговата бизнис понуда, но тоа набргу испарило и потоа се случил нападот во неговиот стан.
Истовремено, во текот на вчерашниот ден и норвешката актерка Натасиа Малте го обвини Харви дека ја силувал во 2008 година во Лондон.
Таа се уште не е сигурна дали ќе го тужи американскиот продуцент. Тие двајца се запознале на завршната вечера на доделувањето на филмските награди „Бафта“.
Неколку часа подоцна, Вајнштајн викајќи и удирајќи, се појавил пред вратата на нејзината хотелска соба, па му отворила плашејќи се да не предизвика скандал. Бидејќи одбила да има секс со него, продуцентот ја нападнал и ја силувал.
Натасиа сведочела колку тоа било страшно искуство, а нејзиниот адвокат изјавил дека британскиот закон не предвидува застарување на казна за делото силување, па актерката “ ја проучува можноста“ за подигнување на обвинение.
Досега околу педесетина жени зборуваа за сексуално вознемирување, злоставување и силување кои го претрпеле од основачот на студиото „Мирамакс“, но ниеден нивен исказ не резултирал со обвинение.