Холанѓаните работат на развој на ласерска инекција, ќе боли како убод од комарец

Холандски научници работат на развој на ласерска технологија што може да резултира со „речиси безболна“ инјекција без игла, и сметаат дека нивниот досегашен успех е подобрување што ќе го ублажи стравот од игли кај некои пациенти.

Уредот, кој потсетува на „балон -пиштол“, користи ласер што турка мали капки низ надворешниот слој на кожата, објасни Дејвид Фернандез Ривас, професор на Универзитетот Твенте и асистент за истражување на Технолошкиот институт во Масачусетс (МИТ), кој ја осмислил и развил идејата.

Самата процедура е побезболна од каснување од комарец и „не треба да боли“ бидејќи нервните завршетоци на кожата не се допираат едни со други. Тој додаде дека постапката дополнително ќе се изучува.

„Чашата што ја содржи течноста се загрева со ласер во милисекунди, а потоа се создава меур во течноста што ја турка течноста низ надворешниот слој на кожата со брзина од најмалку 100 километри на час“, рече тој во интервју за Ројтерс.

"Таквата постапка овозможува да се инјектира течност низ кожата без никакви оштетувања или лузни. Не се гледаат рани или влезни места", рече Ривас, додавајќи дека очекува неговиот пронајдок да им помогне на повеќе луѓе да се одлучат за вакцинација, истовремено спречувајќи го ризикот од контаминација, што може да настане поради валкани игли. И на крај, но не и најмалку важно, неговиот изум ќе помогне да се намали медицинскиот отпад.

Тестовите со примероци од ткиво биле успешно спроведени благодарение на грантот од 1,5 милиони евра од Европската унија, а компанијата ќе аплицира за финансирање за да започне со тестирање на новиот уред на волонтери овој месец, открива Ривас.

Тој, исто така, рече дека новата почетна компанија ќе работи со претставници на фармацевтската индустрија за да ја тестира и пласира технологијата Bubble Gun. Но, до моментот кога методот ќе стане достапен за пошироката јавност, може да потрае од една до три години, во зависност од напредокот на истражувањето и регулаторните прашања.

Руски боксер со голи раце убил мечка, која смртно го повредила неговиот пријател

Од Русија доаѓаат вести кои делуваат како приказна од хорор филмови.

Илја Медведев, 23-годишен руски боксер, со пријателот ловел риба во Сибир кога ги нападнала мечка. Пријателот Вјечеслав Дудник бил нападнат и убиен од мечката, а потоа се свртела кон Медведев. Боксерот извадил пиштол и пукал, но мечката му го исфрлила од рака. Сепак, Медведев успеал да извади нож и да го избоде животното.

„Имаше крици, а потоа и пукотници. Кога пристигнав, видов дека Вјачеслав е мртов“, рекол рибар кој бил во близина и кој го префрлил Медведев во болница.

Според Дејли Мејл, тој има сериозни повреди и е во критична состојба.

Полициско куче изгризало навивач во Холандија, неговите колеги го нападнаа полицискиот коњ

На синоќешниот натпревар во Лигата одигран во Ротердам помеѓу Феенорд и Унион Берлин, имало жесток судир помеѓу германските навивачи и холандската полиција.

Според германски Билд, претставниците на навивачите тврдат дека конфликтот настанал поради лошата организација. Наводно, имало премал број вработени кои ги прегледувале ковид-потврдитее, а некои скенери биле неисправни.

Потврдите за Ковид се разгледувале многу бавно, што резултирало со голема гужва пред влезот и нервоза кај околу 2400 фанови.

Полицијата во Ротердам известува за настаните сосема поинаку. Велат дека биле цел на група хулигани и се судриле со полицијата. При жестоката тепачка имало повеќе повреди. Еден навивач бил каснат од полициско куче, а хулиганите повредиле полициски коњ. Имено, фрлањето пиротехнички средства го исплашило, па паднал со полицаецот кој го јавал.

Портпаролот на Унион ги поддржал навивачите и тврди дека организацијата била навистина лоша и дека повеќето навивачи целото прво полувреме го поминале во ред пред стадионот. Снимките и сликите, вели, ја потврдуваат крајната бруталност на домашната полиција во пресметката со навивачите.

Позната холивудска актерка е уапсена за време на протестите пред Белата куќа (ВИДЕО)

Полицијата во Вашингтон ја уапси актерката Алиса Милано додека протестирала со група истомисленици пред Белата куќа, барајќи промени на правото на глас.

„Само што бев уапсена додека протестирав и барав од администрацијата на Бајден и Сенатот да го искористат своето право и да го заштитат правото на глас. Застанете со мене и кажете им гласно на Сенатот и Белата куќа дека секој мора да ги има тие права, без разлика каде живеат ", напишала актерката на нејзиниот профил на Инстаграм.

Полицијата прво ја предупредила актерката дека заедно со членовите на здружението People for the American Way мора да се тргне од областа, во спротивно ќе мора да ги уапсат според законот кој забранува собирање толпи и окупирање на улици и тротоари.

Патем, актерката пред протестот објавила дека може да биде уапсена. „Денес ќе ризикувам апсење бидејќи минатата година беа воведени 425 закони кои го ограничуваат правото на глас“, рече Милано во видеото објавено на Твитер. „Затоа ќе барам нашиот претседател да направи се` што е во негова моќ за да ги усвои Законот за слобода на гласот, Законот за правата на глас на Џон Луис и Законот за државност на ДЦ“.

Актерката од порано е позната по својот политички активизам, а во 2019 година зборуваше за своето лично искуство со абортусот во знак на протест против рестриктивните закони, кои ги нарече „напад врз женските тела“.

притисни ентер