Холандија врати украдено уметничко дело старо 3.500 години во Египет - Канал 5

Живот

Холандија врати украдено уметничко дело старо 3.500 години во Египет

 Холандските власти вчера официјално ја вратија во Египет скулптурата од пред 3.500 години, која била украдена минатата деценија, а повторно се појави на холандски саем за уметност во 2022 година.

Холандија врати украдено уметничко дело старо 3.500 години во Египет

Истрагата на холандската полиција и Инспекторатот за културно наследство минатата година потврдија дека скулптурата била украдена и нелегално отстранета од Египет, најверојатно за време на немирите во Арапската пролет во 2011 година, по што се појавила на меѓународниот пазар на уметност. Стручњаците веруваат дека артефактот - камена глава, што првично била дел од статуа, потекнува од Луксор во јужен Египет. На него е прикажан ликот на висок големец од владението на фараонот Тутмос III (1479 - 1425 г. пр. н.е.).

- Нашата политика е да го вратиме она што не ни припаѓа и секогаш да го враќаме на вистинската културна заедница или земја на потекло - рече холандскиот министер за култура Гуке Моес додека му го предаваше артефактот на египетскиот амбасадор.

Камената глава е запленета во 2022 година на саем за уметност во холандскиот град Мастрихт. Трговската компанија за древни уметнички дела „Сикомор ејншн арт“, која го стекнала делото, имала сомнежи за неговото потекло, доброволно го предаде по истрагата.

Египетскиот амбасадор Емад Хана рече дека неговата земја ги следи артефактите што се појавуваат на изложби или аукции.

- Тоа ни значи многу во однос на туризмот и економијата бидејќи, на крајот на краиштата, кога туристите доаѓаат во Египет да ги видат овие предмети, тоа, дефинитивно, прави разлика - изјави Хана.

Плановите на египетските власти за изложување на скулптурата се сè уште непознати.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Траект полн со патници се судри со брод во близина на Крит (ВИДЕО)

Ферибот полн со патници се судри со товарен брод во пристаништето на Крит! 

Траект полн со патници се судри со брод во близина на Крит (ВИДЕО)

Камерите го забележаа моментот кога патничкиот траект „Елирос“ и товарниот брод „Јосиф К“ се судрија во пристаништето Суда, објави Прототема.

Во моментот на несреќата, фериботот „Елирос“ пловел на редовна линија кон Пиреја со 100 патници, 32 патнички автомобили и 74 камиони. Во исто време, товарниот брод, кој превезувал 84 камиони, изведувал маневар за пристанување во пристаништето.

@protothema.gr 🛳️ Η στιγμή που δύο πλοία συγκρούονται στο λιμάνι της Σούδας 🎥 Facebook: flashnews.gr #protothema #news #tiktokgreece #greektiktok ♬ πρωτότυπος ήχος - protothema.gr

Видеото ги прикажува драматичните секунди во кои двата брода се приближуваат еден кон друг на неколку метри, по што се случува судир што не можел да се избегне.

И покрај силниот удар, во поморската несреќа нема повредени и немало истурање на гориво или загадување на морето.

YouTube video

Товарниот брод бил закотвен во пристаништето по инцидентот во присуство на пристанишните власти, кои ги истражуваат точните околности под кои се случил судирот.

За двата брода, пловењето е привремено забрането додека не се извршат технички прегледи и не се издаде сертификат за пловидба.

Тагови: Крит траект

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Судбина

Огромна ајкула кружи околу капачите во Калифорнија, меѓу кои и деца (ВИДЕО)

Дрон снимил голема бела ајкула долга три метри како плива на само неколку метри од пливачите на плажата Капистрано во Калифорнија.

Огромна ајкула кружи околу капачите во Калифорнија, меѓу кои и деца (ВИДЕО)

Видеото ја прикажува ајкулата како се приближува кон група луѓе, вклучувајќи деца, кои не биле свесни за нејзиното присуство. Сцената ја снимил фотографот Мет Ларманд, пишува Surfer.

Ларманд, кој редовно снима ајкули, рекол дека никогаш не видел ајкула да се приближи толку блиску до луѓето без тие да забележат. Се обидел да ги предупреди од блискиот пристаниште, но тие не го слушнале. Животното си заминало по некое време без инциденти.

Снимка од воздух

Ваквите средби се вообичаени во Јужна Калифорнија, особено во лето. Крис Лоу, директор на Лабораторијата за истражување на ајкули во Калифорнија Стејт Лонг Бич, објаснува дека областа служи како еден вид „детска градинка“ за млади големи бели ајкули. Тие учат да ловат таму и често се движат околу луѓето.

Лоу истакнува дека ајкулите генерално не се заинтересирани за луѓето. „Во повеќето случаи, ајкулите едноставно ги игнорираат луѓето. Тие пливаат веднаш до нив, а луѓето дури и не знаат дека се таму. Имаме многу докази што покажуваат дека тие не се вистинска закана, туку само си ја вршат својата работа“, рече тој.

Додаде дека однесувањето на животното не треба да се толкува како демнење. „Не е како ајкулата да ги следи или да ги лови. Само ги проверува. Како да шетате по улицата, да гледате нешто ново во соседството и да одите и да го проверувате. Тоа е она што го прават овие ајкули“, објасни Лоу. И покрај честите блиски средби, нападите се исклучително ретки и повеќето ситуации завршуваат мирно.

Тагови: ајкула Калифорнија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лукровски со апел до карпошани: Да делуваме локално

Градоначалникот на Карпош, Сотир Лукровски со апел да излезат граѓаните на своите улици да ги поттргнат гранките и она што е полесно, а потоа службите ќе ги подигнат.

Лукровски со апел до карпошани: Да делуваме локално

Лукровски рече дека добил повици за паднати дрвја и кровови и дека засега нема повреднео. Вели дека делуваат организирано на ниво на град и дека се на терен.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер