Холандија станува најпривлечна дестинација за клинички истражувања - Канал 5

Здравје

Холандија станува најпривлечна дестинација за клинички истражувања

Холандија им овозможува на пациентите лесен пристап до здравствената заштита, покажува значителни научни резултат во истражувањето на педијатриската онкологија и нуди напредната медицинска терапија.

Холандија станува најпривлечна дестинација за клинички истражувања

Холандија им овозможува на пациентите лесен пристап до здравствената заштита, покажува значителни научни резултат во истражувањето на педијатриската онкологија и нуди напредната медицинска терапија, што ја прави земјата најпривлечна дестинација за клинички истражувања, се посочува во извештајот на маркетинг агенцијата „Сајтлајн Кастам Интелеџенс“.

Во документот се нагласува дека Холандија особено покажува завидни резултати во раните фази на испитувањата, а нејзини предности се и ефикасната логистика за тестирање, силните онколошки перформанси, статусот на лидер во иновациите, брзите одобренија на лекови од напредната медицинска терапија и развиената инфраструктура.

Дополнително, како што јави дописникот на МИА од Брисел, Холандија е една од водечките земји според клиничките испитувања по глава на жител, па така во оваа држава се иницирани 2,9 пати поголем број тестирање по глава на жител отколку во Германија.

[Секој ден пристигнуваат нови податоци за научни лаборатории кои забрзано работат на создавање вакцина против корона вирус, додека Кина и САД почнаа со први тестирања на доброволци, а решенија]

Претседателот на Холандската фондација за клинички истражувања (ДЦРФ), Барт Схирдер изјави дека ваквите податоци се причина за задоволство, што ја поттикнува нивната амбиција да бидат предводници на останатите земји од ЕУ во соработката во клиничките истражувања.

Тој посочува и дека во една неодамна објавена статија во „Нејчр Медисин“, меѓу 11-те клинички испитувања на глобално ниво за кои се предвидува дека ќе имаат значително влијание врз развојот на медицината во 2024 година, три се поврзани со Холандија.

Схирдер нагласува дека Холандија е вклучена во сите 24 референтни мрежи на даватели на здравствени услуги во Европа, кои имаат за цел да ја олеснат дискусијата и размената на мислења за сложени или ретки болести.

- Холандија учествува во сите нив. Мислите дека сите земји го прави тоа? Тоа воопшто не е случај. Што е уште поважно, седум од тие 24 мрежи се предводени од истражители од Холандија, додава Схирдер.

[Еден од десет пациенти никогаш нема да го вратат чувството за мирис и вкус по излекувањето од коронавирусот, покажуваат резултатите од ново истражување .]

Според него, успехот на Холандија во овој домен е резултат и на добрата организација и ефикасност, посочувајќи како пример дека за одобрување на нови лекови од напредната медицинска терапија во земјата се потребни помалку од 30 дена, што е случај само во уште една европска држава.

Како предност што ја нуди Холандија се посочува и солидното познавање на англискиот јазик од страна на лицата вклучени во клиничките истражувања.

- Претпоставувате дека во доменот на клиничките испитувања, сите зборуваат англиски, нели? Но, тоа всушност не е така. Англиски најчесто зборуваат клучните лидери и водечките истражувачи. Од друга страна, во холандска болница вклучена во клиничко испитување, англиски зборува целиот персонал - од медицинската сестра за истражување, па до адвокатите и луѓето од етичкиот одбор, додава Схирдер.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Осомничените за убиството на украинска атентаторка остануваат во притвор- се расветлува случајот во Монако

Судот во Киев нареди притвор без кауција за двајца мажи осомничени за убиството на Анастасија Березовскаја, украинска државјанка која беше осомничена за бомбашкиот напад во Монако во кој тешко беше ранет украинскиот бизнисмен Вадим Јермолаев.

Осомничените за убиството на украинска атентаторка остануваат во притвор- се расветлува случајот во Монако

Судот во Киев нареди притвор без кауција за двајца мажи осомничени за убиството на Анастасија Березовскаја, украинска државјанка која беше осомничена за бомбашкиот напад во Монако во кој тешко беше ранет украинскиот бизнисмен Вадим Јермолаев, соопшти денес Канцеларијата на генералниот обвинител на Украина.

Канцеларијата на обвинителството соопшти дека судот го прифатил предлогот на обвинителот и наредил притвор за двајцата осомничени, активен член на Главната дирекција за разузнавање на Министерството за одбрана на Украина (HUR) и поранешен службеник за спроведување на законот, според Ројтерс.

Телото на Анастасија Березовскаја (39), која беше барана од Интерпол за бомбашкиот напад на 29 јуни во Монако, беше пронајдено во вторник со прострелни рани во главата, а во близина беа пронајдени чаури, соопштија украинските власти.

Според украинските медиуми, повикувајќи се на судска постапка, членот на HUR го повлекол своето претходно признание, тврдејќи дека другиот обвинет ги испукал смртоносните истрели кон атентататорката и дека го признал злосторството од страв за сопствениот живот.

Украинскиот претприемач и инвеститор во недвижности Вадим Јермолаев, неговиот партнер и нивниот син претходно беа ранети во бомбашкиот напад во Монако, велат извори.

Јермолаев, кој доби кипарско државјанство пред седум години, беше ставен на списокот со санкции на Украина во 2023 година, откако руската инвазија започна една година претходно.

Властите во Монако го обвинија Березовски за обид за убиство, поставување експлозивна направа на јавно место со намера за извршување кривично дело и заговор за извршување кривично дело.

Тагови: Монако атентаторка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Хари Стајлс го собори Гинисовиот рекорд

Британскиот пејач Хари Стајлс влезе во Гинисовата книга на рекорди за најмногу последователни распродадени настапи на стадионот Вембли во Лондон, откако одржа 12 настапи, објави Гинисовата книга на рекорди.

Хари Стајлс го собори Гинисовиот рекорд

Стајлс го сруши рекордот за најмногу последователни настапи на еден изведувач на стадионот, надминувајќи го претходниот рекорд поставен од Coldplay, кои одржаа 10 последователни настапи во 2025 година, објави Би-Би-Си.

„Рекордното издание на Хари Стајлс од 12 настапи е доказ за обемот, амбицијата и културното влијание на неговите настапи во живо, како и неговата извонредна поврзаност со публиката“, рече претставникот на Гинисовата книга на рекорди, Вил Манфорд.

Стајлс (32) ја започна лондонската етапа од неговата турнеја „Заедно, заедно“ на 12 јуни, а финалниот концерт се одржа во саботата пред околу 80.000 гледачи.

За време на финалниот настап, пејачот се потсети на своите денови во групата „One Direction“.

„Немаше да бидам на оваа сцена ако не беа четворица мои пријатели кои беа голем дел од ова патување“, рече Стајлс.

Тој им се заблагодари на членовите на бендот Ниал Хоран, Луис Томлинсон, Зејн Малик и покојниот Лиам Пејн за нивното пријателство и сè што научил во тој период.

Групата „One Direction“ е формирана во 2010 година на британскиот музички натпревар „The X Factor“, а направи пауза од работата во 2016 година.

Членот на бендот Лиам Пејн почина во 2024 година на 31-годишна возраст.

Стајлс потсети дека поминале 16 години од снимањето на шоуто „The X Factor“ на Вембли, каде, како што рече, неговиот живот се променил кога станал член на бендот.

Својата соло кариера ја започнал во 2017 година и досега освоил шест Brit Awards, три Греми награди и две награди Ivor Novello.

Неговиот четврти студиски албум, Kiss All The Time. Disco, Occupationally, беше издаден во јануари.

Пред завршниот концерт, стадионот Вембли постави комеморативен транспарент за да го одбележи новиот рекорд, со пораката: „Дванаесет концерти. Еден рекорд. Место во историјата на Вембли“.

Првично, шест концерти беа планирани во Лондон, но поради огромниот јавен интерес, бројот на претстави беше удвоен.

Стајлс ќе настапува исклучиво во Лондон на оваа турнеја, без други датуми во Велика Британија.

Меѓу уметниците кои претходно одржаа повеќе последователни концерти на Вембли е и Тејлор Свифт, која настапуваше осум последователни ноќи во 2024 година.

По завршниот концерт, мајката на пејачот, Ен Твист, објави фотографии од Хари од неговото детство и од настапот на Вембли, пишувајќи дека уште во 1996 година верувала дека нејзиниот син еден ден ќе заврши на сцената, иако во тоа време не можела ни да замисли дека тој ќе сруши рекорди правејќи го она за што, како што изјави, е „роден да го прави“. Стајлс ќе ја продолжи турнејата со концерти во Бразил, Мексико и САД, а ќе ја заврши во декември во Австралија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Израелците ликвидираа командант на единицата Нухба, елитен одред на Хамас (Вознемирувачко видео)

Израелската војска (ИДФ) соопшти дека во воздушен напад во јужниот дел на Појасот Газа е убиен командант на Хамас, за кој се вели дека учествувал во нападот врз воената база Реим за време на нападот на 7 октомври 2023 година.

Израелците ликвидираа командант на единицата Нухба, елитен одред на Хамас (Вознемирувачко видео)

Израелците соопштија дека командантот на елитната единица Нухба на Хамас, Јахја Саид Мохамед Хамдан, бил убиен во нападот, објави „Тајмс оф Израел“.

Според ИДФ, Хамдан учествувал во нападот врз базата Реим, каде што се наоѓа седиштето на израелската дивизија за Појасот Газа, за време на нападот на Хамас на 7 октомври.

Војската соопшти дека Хамдан неодамна работел на планирање напади врз израелските сили и обнова на оперативните капацитети на Хамас, што, според ИДФ, го направило „непосредна закана“.

Тагови: израелците Хамас

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер