Шоу биз

Хистерија во Србија по Бали Бег - го дочекаа илјадници девојки!

Бурак Оџивит во Србија беше дочекан како најголема ѕвезда - неколку илјади девојки го чекаа во Нови Пазар со врисоци додека тој по црвен тепих влегуваше во културниот центар на премиерата на филмот „Мојот брат“.

Безбедносните огради попуштиле под налетот на сите кои сакале да му се доближат на турскиот актер, но поради брзата реакција на обезбедувањето не дошло до инцидент - пишува Блиц.

Burak Ozdživit

- Прв пат сум овде и многу сум изненаден и среќен поради се што видов. Имам поттик повторно да дојдам и ќе се потрудам тоа да се случува секоја година - рече Бурак.

- Слушав дека луѓето ме сакаат но ова интересирање ме изненади. Вие ме знаете од сериите но сега прв пат ме гледате во филм што е важно случување за мене и мојата земја. Филмот зборува за врската меѓу два брата и добрите односи меѓу нив, во суштина јас сум тука да ги поврзам српскиот и турскиот народ со тие братски врски - рече турскиот актер.

Вистинскиот Бали бег некогаш поминувал низ Нови Пазар бидејќи бил надлежен за таа област. Се зборува за идеја која е во зародиш, Бурак Оџивит да сними филм за животот на оваа историска личност.

/ извор: Блиц

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Јанчев: Нека ни е честит и вековит 23 Октомври!

По повод 23 Октомври – Денот на македонската револуционерна борба, со положување свежо цвеќе и оддавање почит, го одбележавме овој значаен датум од македонската историја.

Со гордост и благодарност се сеќаваме на храброста, пожртвуваноста и делата на сите оние кои се бореле за слободата, самостојноста и иднината на македонскиот народ.

Нивната борба е наша обврска да продолжиме да градиме подобра, посилна и просперитетна Македонија.

Нека ни е честит и вековит 23 Октомври!

Нека ни е вечна Македонија!, објави на ФБ градоначалникот Митко Јанчев.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Крвава престрелка во близина на Париз: Маж пукал од автомобил, има мртви и ранети

Најмалку едно лице е убиено, а неколку други се ранети во пукотница што се случи утрово во департманот Ивлин, во западниот дел од регионот на Париз, кога маж отворил оган од возило на улицата, објавија француските медиуми.

Според извори запознаени со случајот, осомничениот отворил оган од возило на улиците на градовите Трап и Ла Вериер околу 10:30 часот, објави BFM.

Мажот отворил оган на улица во Трап, во Ивлин, користејќи автоматска пушка, убивајќи едно лице и ранувајќи неколку други, објави Le Parisien, потврдувајќи ги информациите од весникот „Aktu17“.

Осомничениот за пукотницата е уапсен од Бригадата за борба против криминалот (BAC), објави парискиот весник, а телевизијата BFM објави дека е уапсен во градот Коањер.

Префектурата Ивлин соопшти дека службите за итни случаи моментално реагираат.

„Утрово, едно лице отвори оган од своето возило врз неколку луѓе со кои се сретна во Трап и Ла Вериер. Со жалење известуваме за смртта на едно лице во оваа фаза“, напиша градоначалникот на градот, Али Рабех, на Фејсбук.

Според претходните информации, најмалку две лица се тешко повредени, а бројот на повредени може да биде поголем.

Тагови: Париз

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Црна хроника

Двајца уапсени во кафуле во Тетово- кај газдата пронашле 15 пакувања дрога

Акциска контрола во угостителски објект во Тетово, пронајдена дрога, лишени од слобода две лица.

На 23.10.2026, полициски службеници од Отсекот за криминалистичка полиција при СВР Тетово и од мобилниот тим „Task Force“ во координација со претставници од Државниот пазарен инспекторат и Управата за јавни приходи спроведоа акциска контрола во угостителски објект во Градскиот трговски центар во Тетово.

Притоа, пред објект бил затекнат М.Р.(48) од Тетово и при преглед кај него била пронајдена бела прашкаста материја, по што е лишен од слобода. Додека, внатре во објектот, кај сопственикот Ј.Т.(54) од село Требош биле пронајдени 15 пакувања со бела прашкаста материја, по што и тој е лишен од слобода.

Двајцата биле задржани во полициска станица и по целосно документирање на случајот против нив ќе следува соодветна пријава, соопштуваат од МВР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.