Хили: Руски шпионски брод насочил ласери кон британски воени пилоти - Канал 5

Свет

Хили: Руски шпионски брод насочил ласери кон британски воени пилоти

 Рускиот шпионски брод Јантар (Yantar) оперира на работ на водите на Обединетото Кралство и насочил ласери кон пилоти на авиони за надзор кои ги следеле неговите активности, изјави британскиот министер за одбрана, Џон Хили.

Хили: Руски шпионски брод насочил ласери кон британски воени пилоти

Хили рече дека Британија „е подготвена“ да одговори, со изготвени „воени опции“ доколку бродот се упати на југ, како предупредување до рускиот претседател Владимир Путин.

Бродот, дизајниран за собирање разузнавачки информации и мапирање на клучните подводни кабли, се наоѓа во близина на северниот брег на Шкотска, откако влезе во пошироките води на Обединетото Кралство во последните неколку недели.

Хили на прес-конференција во Даунинг Стрит во средата изјави: „

- Имаме распоредено фрегата на Кралската морнарица и авиони РАФ П-8 за да го следат секое движење на овој брод, во кое Јантар насочи ласери кон нашите пилоти, изјави денеска Хили на прес-конференција во Даунинг Стрит.

- Оваа руска акција е многу опасна. Ова е вторпат годинава бродот Јантар, да се распореди во водите на Обединетото Кралство. Мојата порака до Русија и до Путин е оваа: Ве гледаме. Знаеме што правите. Ако Јантар се движи на југ оваа недела, ние сме подготвени, нагласи Хили.

Тој исто така рече дека бродот е „дел од руската флота дизајнирана да ја доведе во ризик британската подводна инфраструктура и на нејзините сојузници“.

- Тоа не е само поморска операција. Тоа е дел од руска програма водена од она што тие го нарекуваат Главна дирекција за истражување на длабокото море, или ГУГИ (GUGI), а бродот е дизајниран да има способности кои можат да вршат надзор во мирно време и саботажа во конфликт, додаде Хили.

Во јануари било откриено дека Јантар е фатен како ги надгледува подводните кабли и бил предупреден од нуклеарна подморница на Кралската морнарица.

Велика Британија и сојузниците од НАТО се сè повеќе загрижени за ризикот што Москва го претставува за каблите на отворено море, гасоводите и другата инфраструктура критична за интернет поврзувањето.

Напади врз подводни кабли би можеле да предизвикаат „катастрофални нарушувања“ на финансиските и комуникациските системи на кои се потпираат Британците, предупреди Комитетот за национална безбедносна стратегија во септемврискиот извештај.

Јантар се наоѓаше во ексклузивната економска зона на Обединетото Кралство, која се протега до 200 наутички милји (370 километри) од брегот, но бил на работ на територијалните води на Британија, во рамките на 12 наутички милји (22 километри) од брегот.

Се смета дека инцидентот со ласерот се случил во изминатите две недели.

- Јасно е дека сè што ги попречува, нарушува или ги загрозува пилотите задолжени за британските воени авиони е длабоко опасно. „Ова е првпат да имаме вакво дејство од Јантар насочено против британската РАФ. Го сфаќаме тоа исклучително сериозно. Ги сменив правилата за ангажирање на морнарицата за да можеме повнимателно да ги следиме активностите на Јантар кога е во нашите пошироки води, рече Хили.

- Имаме подготвени воени опции доколку Јантар го промени курсот. Нема да ги откријам, бидејќи тоа само би го направило претседателот Путин помудар, додаде тој.

Повторување на одговорот со подморница би можело да биде една воена опција на маса, или воените бродови би можеле да го следат примерот на холандската морнарица, која го испрати Јантар надвор од холандскиот дел на Северното Море претходно овој месец, пишува ДПА.

Тагови: ласер пилоти

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Влада донесе одлука: Се намалува ДДВ-то за горивата од 18 проценти на 10 проценти

Согласно пресметките на Владата, со намалувањето на ДДВ од 18% на 10% значително ќе се ублажи очекуваното зголемување на цените на горивата.

Влада донесе одлука: Се намалува ДДВ-то за горивата од 18 проценти на 10 проценти

Владата на денешната седница, донесе Одлука со која ДДВ се намалува од 18% на 10%, со цел директно да се ублажи ценовниот удар врз граѓаните и стопанството во услови на кризна состојба поради можноста за нарушувања во снабдувањето со нафта и нафтени деривати.

Согласно пресметките на Владата, со намалувањето на ДДВ од 18% на 10% значително ќе се ублажи очекуваното зголемување на цените на горивата.

Кај нафтата, наместо редовното очекувано зголемување од околу 5 денари, со оваа мерка се очекува намалување од околу 2 денари. Тоа значи вкупно ублажување на ценовниот удар од околу 7 денари, при што новата цена би изнесувала околу 99 денари за литар.

Кај бензините, согласно пресметките, се очекува зголемување од околу 3,5 денари, што значи дека новата цена би изнесувала околу 100,5 денари за литар за бензинот ЕУРОСУПЕР БС-95, односно 102,5 денари за литар за бензинот ЕУРОСУПЕР БС-98.

Повластената даночна стапка од 10% ќе се применува од 00:01 часот на 15 септември 2026 година до 24:00 часот на 28 септември 2026 година.

Со оваа одлука Владата презема конкретна и навремена мерка за заштита на животниот стандард на граѓаните, намалување на финансискиот товар и поддршка на стопанството во услови на кризна состојба.

Владата продолжува внимателно да ги следи состојбите на пазарот на нафтени деривати и да презема мерки во интерес на граѓаните и економијата.

Тагови: влада

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Шкотска, Велс и Северна Ирска се здружуваат – бараат право на референдуми за независност

Шкотскиот премиер Џон Свини смета дека политичките промени покажуваат дека сегашната состојба не може да трае бесконечно.

Шкотска, Велс и Северна Ирска се здружуваат – бараат право на референдуми за независност

Лидерите на Шкотска, Велс и Северна Ирска во понеделник ќе се сретнат во Кардиф, каде што треба да потпишат заедничка декларација со која ќе го потврдат правото на нивните нации на самоопределување и ќе побараат можност граѓаните на референдуми да одлучуваат за својата иднина.

Според „Телеграф“, ова ќе биде прв заеднички настап на тројца лидери на Шкотска, Велс и Северна Ирска кои отворено се залагаат за промена на сегашниот уставен статус во рамките на Обединетото Кралство.

По состанокот се очекува нивните партии да потпишат и меморандум за соработка во четири области – економијата, енергетиката, европа и меѓународната соработка и самоопределувањето.

Сите три политички опции имаат и европска агенда. Шкотската национална партија и Плајд Камри се залагаат независните Шкотска и Велс во иднина да станат членки на Европската Унија, додека Шин Фејн бара обединување на Северна Ирска со Република Ирска.

Шкотскиот премиер Џон Свини смета дека политичките промени покажуваат дека сегашната состојба не може да трае бесконечно.

Тагови: референдум

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

115 лица евакуирани од патнички брод со кој беше изгубен контактот

Вкупно 115 лица се евакуирани од индонезиски патнички брод со 243 патници и членови на екипажот.

115 лица евакуирани од патнички брод со кој беше изгубен контактот

Вкупно 115 лица се евакуирани од индонезиски патнички брод со 243 патници и членови на екипажот – кој утрово исчезна откако беше изгубен контактот со него во Јаванското Море поради лошите временски услови – при што едно лице загина, а друго е повредено, изјави Дани Рахмат, портпарол на пристанишниот оператор „Пелиндо“.

Претходно, државната агенција за потрага и спасување на индонезија соопшти дека бродот Virgo Transport 8, испловил во саботата од градот Сурабаја во Источна Јава кон Банџармасин во Јужен Калимантан, потоа бил изгубен контактот, што ги поттикнало спасувачите да започнат потрага и да испратат тим на последната позната локација на бродот.

Тагови: брод

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер