Хегсет: Речиси да постои консензус во НАТО за трошоците за одбрана од пет отсто од БДП - Канал 5

Свет

Хегсет: Речиси да постои консензус во НАТО за трошоците за одбрана од пет отсто од БДП

Меѓу министрите за одбрана на земјите членки на НАТО „речиси да постои консензус“ околу зголемувањето на трошоците за одбраната на ниво од пет проценти од БДП, изјави американскиот секретар за одбрана Пит Хегсет.

Хегсет: Речиси да постои консензус во НАТО за трошоците за одбрана од пет отсто од БДП

Меѓу министрите за одбрана на земјите членки на НАТО „речиси да постои консензус“ околу зголемувањето на трошоците за одбраната на ниво од пет проценти од БДП, изјави американскиот секретар за одбрана Пит Хегсет по завршувањето на денешното заседание на Северноатлантскиот совет во Брисел.

- Мислам дека вреди да се одвои еден момент за да се забележи историската природа на она што штотуку се случи, што сепак не е крајно решение, бидејќи се уште има уште многу да се направи, изјави Хегсет.

Тој, како што јави дописникот на МИА од Брисел, додаде дека верува оти НАТО за неколку недели ќе се обврзе на целта за зголемување на одбранбените трошоци на пет проценти од БДП, од кои 3,5 проценти за воени потреби и 1,5 отсто за инфраструктура и активности поврзани со одбраната.

Хегест нагласи дека кога американскиот претседател Доналд Трамп за време на неговиот прв мандат ја постави целта за зголемување на трошоците за одбрана на членките на НАТО на два отсто во БДП, многумина велеа дека тоа е невозможно.

- Претседателот Трамп рече дека и другите земји треба да го носат товарот, да го платат фер својот дел, но многу луѓе мислеа дека тоа е невозможно и не може да се случи. Но, еве не сега земјите далеку го надминуваат нивото од два отсто и мислиме дека сме многу блиску, речиси блиску до консензусот за обврска од пет проценти за НАТО, рече американскиот секретар за одбрана.

Тој додаде дека за многу земји „од Франција, до Германија, до балтичките земји, до нордиските земји, до Полска, до Грција, до Унгарија, па се до многу други“ обврската е пет отсто за трошоци за одбраната.

- Кога ќе ги земете предвид заканите со кои се соочуваме, итноста во светот, тоа е клучно, истакна Хегест, додавајќи дека на НАТО не му требаат повеќе знамиња, туку повеќе борбени формации и не му требаат повеќе конференции, туку повеќе капацитети и моќ.

Хегест потенцира дека во услови кога Трамп се обврза да потроши илјада милијарди долари од сопствениот буџет за одбраната, време е и американките сојузници во Европа да се засилат уште повеќе и да ја преземат водечката улога во одбраната на континентот.

- Сега е време Европа да се засили, додаде Хегсет.

Тој ги отфрли информациите дека САД би можеле да се повлечат од НАТО ако европските сојузници не се засилат, но нагласи дека „Америка не може да биде насекаде цело време, ниту пак треба да биде“.

- Постојат причини зошто имаме трупи на одредени места. Ние го почитуваме тоа и сфаќаме дека беше разумно да ја разгледаме таа поставеност на силите во реално време заедно со нашите сојузници и партнери, за да се осигураме дека се со вистинска големина. Не сакам да ја прескокнувам одлуката на претседателот (Трамп) за тоа, но ние разгледуваме се и мислам дека нашите сојузници и нивната посветеност и подготвеност да трошат повеќе значат многу, рече Хегест.

Тој одново потенцира дека со неговите барања до сојузниците за засилување и зголемување на трошоците за одбраната, Трамп одново ја оживеал Алијансата.

- Тоа беше Алијанса која месечареше до ирелевантност, а претседателот Трамп во својот прв мандат рече дека треба да се засилите и да трошите повеќе. И тој го стори истото во овој мандат.

И она што го видов сега беа земји подготвени да се засилат за да ги поместат границите на она што можат да го направат. Тоа е добра работа. Тоа се пријатели, помагање на пријателите, рече Хегест.

Запрашан дали тоа што тој не учествуваше на вчерашниот состанок на Контакт групата за Украина треба да се сфати како порака дека САД повеќе не ја поддржуваат земјата, Хегест изјави дека тоа не е точно, посочувајќи дека место него присуствувал американскиот амбасадор во НАТО, Метју Витакер, кој дал свој придонес во состанокот.

- Од почетокот на оваа Администрација, работевме со нашите британски и германски колеги за тие да ја преземат водечката улога во таа Контакт група, што тие и го направија и јас го ценам тоа, додаде Хегсет.

Тагови: НАТО Хегсет

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Сончево и многу топло, попладне услови за изолирана појава на нестабилност

Од Управата за хидрометеоролошки работи информираат дека времето денеска ќе биде сончево и топло со мала до умерена локална облачност.

Сончево и многу топло, попладне услови за изолирана појава на нестабилност

Ќе дува слаб до умерен ветер од северен правец. Попладне ќе има услови за изолирана појава на нестабилност со пороен дожд и грмежи. Минималната температура ќе биде во интервал од 10 до 21, а максималната ќе достигне од 32 до 39 Целзиусови степени.

Во Скопје, исто така, сончево време со мала до умерена облачност. Ќе дува слаб до умерен ветер од северен правец. Попладне во делови од котлината ќе има услови за изолирана појава на нестабилност со пороен дожд и грмежи. Минималната температура ќе се спушти до 18, а максималната ќе достигне до 37 степени.

И во следните денови времето ќе биде сончево и топло со мала до умерена облачност. Во попладневните часови ќе има услови за локална појава на нестабилност со пороен дожд, грмежи и засилен ветер. Особено топло ќе биде во петок и за време на викендот кога температурите секаде ќе бидат над 32 степена.

Тагови: УХМР

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Хороскоп

Дневен хороскоп за 15. јули 2026 година

Дневен хороскоп за среда, 15. јули 2026 година. 

Дневен хороскоп за 15. јули 2026 година

Рак 22.6-22.7.

Љубов

Ќе бидете малку поопуштени и пријателски расположени , па ќе се отворите и ќе си го подобрите односот со саканата личност.

Кариера

Вашата работа ќе се развива на најдобар множен начин. Денеска анализирате и некои свои заслуги.

Здравје и совет

Игнорирајте ги провокаторите.

Лав 23.7-22.8.

Љубов

Ќе имате доверба во луѓето и на многумина ќе им дозволите да ви се приближат. За осамените ќе има одлични шанси.

Кариера

Не се двоумете околу сигурноста на вашата работа , но би сакале нешто да смените. Има простор за подобрување.

Здравје и совет

Не чепкајте таму каде што не треба.

Девица 23.8.-23.9.

Љубов

Ќе се засили умереноста кон она што не е видливо. Ќе читате меѓу редови и тука ќе ги наоѓате одговортие на вашите љубовни дилеми.

Кариера

Мало надмудрување со шефовите би можело да даде резултати, не ќе ви ги исцрпи нервите.

Здравје и совет

Опуштете се со она што го сакате.

Вага 24.9.-23.10

Љубов

Љубовните настани на работното место продолжуваат и денеска.Ако уште сте сами , отворете ги добро очите.

Кариера

Многумина ќе го следат вашиот пример зашто ќе препознаат дека вие сте се поставиле најадобро и знаете што работите.

Здравје и совет

Бидете она што сте.

Шкорпија 24.10-22.11.

Љубов

Ако се обидете да објасните нешто шта на вас ви е сосема јасно , нема да успеете , зашто другата страна мора да биде отоврена за такви измени. Добро ви оди и вака.

Кариера

Ќе посакате денеска да прекинете со една соработка , но првин размислете дали тоа е воопшто потребно.

Здравје и совет

Избегнувајте луѓе што сакаат да направат сцена.

Стрелец 23.11.-21.12.

Љубов

Вашиот љубовен живот денеска ќе се развива над очекувањата. Мали недоразбирања се можни само околу вашите фалбаџиски изјави.

Кариера

Ќе продолжите да ги промовирате своите амбиции и планови. ДФругите ќе треба да ве слушаат , но не би бикло лошо понекогаш да биде и обратно.

Здравје и совет

Бидете пореални.

Јарец 22.12.-20.1.

Љубов

Вашите љубовни освојувања ќе продолжат пред публика или пријатели. Тоа ќе ви биде дополнителна мотивација.

Кариера

Може да се впуштите во речиси секоја работа , зашто и ѕвездите ќе го поддржуваат развојот на вашата кариера.

Здравје и совет

Помалку јадете , движете се повеќе.

Водолија 21.1.-19.2.

Љубов

Разиграност , веселба и дружба во добро расположение се на повидок. Ако сте веќе во врска , ќе се подобри.

Кариера

Лекомислено ќа ја сфаќате работата денеска .Ќе бидете повеќе подготвени за забава , отколку за работа.

Здравје и совет

Не си поигрувајте со луѓето.

Риби 20.2.- 20.3.

Љубов

И натаму останува дека треба да се дистанцирате и на мир да чекате да завршат овие денови неповолни за љубов.

Кариера

Со својата ангажираност ќе направите надредените да се посрамотат. Подобри сте од нив, но не мора да им го потенцирате.

Здравје и совет

Не ги земајте работите при срце.

Овен 21.3-20.4.

Љубов

Вашата зборливост ќе ви помогне да ги надминете празнините во личниот живот. Ќе разговарате што недостига во емотивните односи.

Кариера

Денеска ќе водите интензивна кореспонденција со колегите. На повидок се многу меилови , телефонски повизци и пораки.

Здравје и совет

Поработете на својата спретност.

Бик 21.4- 20.5.

Љубов

Колку и да се трудите , денеска нема да добиете емотивно исполнување какво што очекувавте. Треба едноставно да издржите.

Кариера

Не мачете се себеси и другите со вашите сомневања. Постојат правила што треба да ги следите во деловниот живот. Внимавајте на нив.

Здравје и совет

Прошетајте се на свеж воздух.

Близнаци 21.5.-21.6.

Љубов

Сеуште не сте сфатиле дека светот не се врти околу вас и дека треба да покажете способност за почит кон другите. така ќе бидете посреќни.

Кариера

Стравот што понекогаш го чувствувате е последица на вашето его. не е секогаш лесно да се работи со вас. Размислете.

Здравје и совет

Луѓето не се играчки.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Вечерва во „Само вистина“ гостин ќе биде Гордан Георгиев

Вечерва во „Само вистина“ гостин ќе биде Гордан Георгиев

Вечерва во „Само вистина“ гостин ќе биде Гордан Георгиев

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер