Свет

Хегсет: Моџтаба Хамнеи нека самиот излезе во јавноста и каже како му е

Американскиот министер за одбрана Пит Хегсет денеска одби да потврди дека новоизбраниот врховен лидер на Иран, Моџтаба Хамнеи, е повреден во нападите на САД врз Иран и му рече да излезе јавно и да самиот ја каже својата состојба.

Министерот на прес-конференција рече дека би било „мудро“ Хамнеи да ја послуша пораката на американскиот претседател Доналд Трамп и да не користи нуклеарно оружје.

„Тоа не е нешто за што можам да коментирам. Новиот лидер на Иран би било мудро да ги послуша зборовите на нашиот претседател, односно да не користи нуклеарно оружје, и самиот да излезе и да зборува за својата ситуација“, рече Хегсет.

Во разговор со новинарите во Пентагон, тој објави дека денешните напади врз Иран ќе бидат најинтензивните од почетокот на војната, тврдејќи дека Иран испукува сè помалку ракети кон Израел и другите земји во регионот.

„Денешните напади ќе бидат најинтензивни од почетокот на кампањата“, рече Хегсет, додавајќи дека САД ќе ги користат повеќето од своите борбени авиони и бомбардери, пренесе Си-Ен-Ен.

Тој исто така изјави дека САД ќе ја завршат војната во Иран „според својот распоред“.

„Нема да попуштиме додека непријателот не биде целосно и решително поразен. Како што изјави вчера претседателот Трамп, ние го соборуваме непријателот со огромна демонстрација на техничка вештина и воена моќ. Но, го правиме тоа според наша временска рамка и по наш избор“, рече Хегсет.

Американскиот министер за одбрана, исто така, тврдеше дека американското разузнавање е „поусовршено и подобро од кога било“.

Тој истакна дека ова „не е 2003 година“, алудирајќи на војната во Ирак.

„Нашата генерација војници нема да дозволи тоа да се случи повторно, ниту претседателот (Доналд Трамп), кој се спротивставува на ваквите бесконечни мисии. Тие денови се минато“, рече Хегсет.

Според него, Иран е сам во војната и трпи големи загуби.

„Соседите на Иран, во некои случаи поранешни сојузници, го напуштија. Нивните посреднички групи, Хезболах, Хутите и Хамас, се или скршени или неефикасни или маргинализирани. САД победуваат во исто време“, рече тој.

Тој оцени дека Иран направил голема грешка кога ги нападнал своите соседни земји.

Тагови: Моџтаба Хамнеи

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Фото: Змија виси над волан на автомобил во БиХ

Корисниците на социјалните мрежи биле изненадени од видео од Сјеница кое неодамна кружи на интернет.

Сопственикот на автомобилот снимил змија како виси од вратата на автомобилот.

Таа висеше веднаш над воланот, обидувајќи се да се ослободи; како успеа да се заглави во вратата на автомобилот останува непознато.

Оваа необична глетка ги забавуваше многу корисници. „Ја закачи како освежувач на воздух“, гласеше еден од коментарите.

https://www.instagram.com/reel/DbjENoYxfSq/?utm_source=ig_embed&utm_campaign=loading

Тагови: змија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Тенис

Саша Зверев: „Новак има 400 милиони во банка, мислиш ли дека го интересира тоа?“

Еден од најдобрите свтески тенисери, Германецот, Саша Зверев застана во одбрана на најтрофејниот свтески тенисер, Новак Ѓоковиќ, кој беше нападнат поради одлуката да се откаже од турнирот „Мастерс“ во Монтреал на 40-годишна возраст.

Мастерс турнирот во Монтреал повторно ги разочара навивачите бидејќи не успеа да ги привлече најголемите тениски ѕвезди.

Ниту оваа сезона во Канада нема да ги видиме Новак Ѓоковиќ, Јаник Синер и Карлос Алкараз; тие одлучија да се повлечат од турнир кој, со оглед на случувањата таму со години наназад, можеби и не заслужува статус на турнир што носи 1.000 бодови.

Постојат различни причини поради кои тенисерите се откажуваат, но најважна е календарот. Турнирот се одржува по Вимблдон, а пред Синсинати и Ју-Ес Опен, и трае две недели. Токму затоа најдобрите во светот нема да настапат, иако некои почнаа да ги критикуваат, тврдејќи дека се незадоволни поради парите.

Поради тоа, Саша Зверев – овогодишниот победник на Ролан Гарос и моментално трет тенисер во светот – одлучи да застане во одбрана на своите колеги, а пред сè на Новак Ѓоковиќ:

„Дали мислите дека бонусите му се важни на Новак? Верувам дека тој има – ако можам да проценам – повеќе од 400 милиони во банка, така што не верувам дека тоа му е важно. Уште помалку го интересира пласманот на светската АТП-листа...“, се насмеа Зверев.

И додека челниците и организаторите на турнирите се обидуваат да најдат други виновници наместо да ја признаат грешката со форматот, Саша Зверев не може да поверува дека се размислува за одземање бодови од АТП-листата или за укинување на бонусите за тенисерите кои не сакаат да играат.

„Дали сакате да паднеме на светската ранг-листа ако не играме? Искрено, ако форматот се врати на стариот, со времетраење од седум дена, би можеле да разговараме за тоа. Но, ако треба да бидеме на овие натпреварувања две и пол недели, а притоа сме среде сезоната на Грен слем турнирите, тогаш не можете да нè присилувате“, додаде одлучно Зверев.

Тагови: Зверев Новак Ѓоковиќ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Дали се ближи крајот на пребрзото возење? Ќе забавува ли самиот автомобил?

Европската комисија разгледува воведување на напреден систем кој автоматски би ги забавувал автомобилите кога возачот ќе ја надмине дозволената брзина.

Европската комисија разгледува воведување на напреден систем кој автоматски би ги забавувал автомобилите кога возачот ќе ја надмине дозволената брзина; доколку биде одобрен, неговата имплементација би можела да започне околу 2030 година.

Според достапните информации, системот би користел сателитска навигација, дигитални мапи, 5G мрежи и камери за препознавање сообраќајни знаци за да ја одреди дозволената брзина, по што електрониката на возилото би ја ограничила моќноста на моторот и би спречила понатамошно забрзување, а воедно би овозможила привремено зголемување на брзината во итни ситуации.

Ова опфаќа понапредна верзија на системот за интелигентна помош за брзина (ISA), кој е задолжителен од јули 2024 година за сите нови автомобили што се продаваат во Европската Унија, а кој во моментов само ги предупредува возачите кога ќе го надминат ограничувањето на брзината.

Иако организациите за безбедност во сообраќајот сметаат дека ваквата технологија би можела значително да го намали бројот на тешки сообраќајни несреќи предизвикани од пречекорување на брзината, критичарите предупредуваат на можни грешки при препознавањето на сообраќајните знаци, застарени дигитални карти, неточности во GPS-системите, како и на ризици по приватноста на корисниците и сајбер-безбедноста на возилата.

Европската комисија нагласува дека проектот сè уште се разгледува и дека се водат консултации со производителите на автомобили и со експертите за безбедност во сообраќајот во врска со можните регулативи; следствено на тоа, сè уште не е донесена конечна одлука за негово спроведување, пренесува „iamexpat“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.