Свет

Хегсет: Иран или ќе го предаде ураниумот или САД со сила ќе го одземат

Хегсет потврди дека Ормуската Теснина е повторно отворена за сообраќај.

Американскиот министер за војна, Пит Хегсет, денеска упати ултимативно предупредување до Техеран дека САД се подготвени со сила да го одземат иранскиот збогатен ураниум доколку тој не биде доброволно предаден, нагласувајќи дека по 38 дена воени операции, иранската судбина сега е во рацете на Вашингтон.

На заедничката прес-конференција со началникот на Генералштабот на американската армија, Ден Кејн, Хегсет потврди дека Ормуската Теснина е повторно отворена за сообраќај, откако претседателот Доналд Трамп ја повлече заканата за масовни напади по одлуката на Иран да ја прекине блокадата. Хегсет истакна дека иако е прогласено примирје, американската војска останува на Блискиот Исток за да гарантира дека Техеран ќе ги почитува преземените обврски.

Тој посочи дека Ормуска Теснина е отворена и дека американските сили ќе останат на Блискиот Исток за да обезбедат почитување на примирјето, кое, според него, претставува само „пауза“ во конфликтот.

Кејн нагласи дека американските сили ги постигнале воените цели во Иран, вклучително уништување на балистички ракети, дронови, делови од морнарицата и воено-индустрискиот комплекс.

- Погодивме повеќе од 13.000 мети во Иран, вклучувајќи и 4.000 подвижни цели. Уништени се 80 отсто од иранските одбранбени системи, над 450 складишта за балистички ракети и 800 складишта за дронови. Примирјето е само пауза, а нашите сили се подготвени да ги продолжат борбените операции со истата прецизност во секој момент доколку пропадне договорот - изјави Кејн.

Хегсет оцени дека САД постигнале „одлучувачка воена победа“ и дека иранската ракетна програма е уништена, тврдејќи дека притисокот го принудил Техеран да се врати на преговарачката маса. Тој посочи дека американските напади опфатиле и стратешки енергетски цели, вклучително и островот Харк, клучен за извозот на иранска нафта.

Според него, способноста на Иран да произведува и извезува енергија била под контрола на САД и на претседателот Доналд Трамп, кој, како што рече, можел брзо да ја уништи иранската економија, но се одлучил за поумерен пристап.

Хегсет додаде дека САД можат целосно да го блокираат иранскиот енергетски сектор и да ги гаѓаат тие цели без ограничувања, оценувајќи дека Иран претрпел сериозен политички и психолошки удар.

Според Хегсет, Иран претрпел „историски и понижувачки пораз“ и повеќе нема капацитет да гради ракети или беспилотни летала.

Тој упати порака и до, како што рече, „таканаречените сојузници“, нагласувајќи дека тие можеле да видат „како изгледа вистинската воена моќ на САД“.

Од друга страна, иранскиот Врховен совет за национална безбедност соопшти дека земјата извојувала „историска победа“ во, како што наведе, „неправедната и криминална војна“. Тие тврдат дека американската „агресија“ доживеала неуспех, иако потврдија дека влегуваат во преговори со длабока недоверба кон Вашингтон.

Тагови: Пит Хегсет

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Американските сили нападнаа пет ирански танкери, потопувајќи еден

Американските сили нападнаа пет ирански танкери, потопувајќи еден, како одговор на тоа што Техеран двапати гаѓаше американски воен брод, соопшти Централната команда на САД.

Четири ирански танкери за нафта во Оманскиот залив поврзани со корпусот на Иранската револуционерна гарда беа цел на нападот, како и уште еден во близина на островот Харг, голем нафтен терминал покрај брегот на Иран, додаде централната команда на САД. Техеран одговори со лансирање ракети врз американската база во Јордан - од кои повеќето беа соборени - и соопшти дека нападнале два американски брода и осум танкери за нафта во Ормутскиот теснец. Пресметките меѓу двете земји ескалираа изминатата недела, по повеќе од шест месеци откако САД и Израел започнаа напади врз Иран на 28 февруари. Цените на нафтата пораснаа на азиската берза. Референтната сурова нафта „Брент“ поскапе за 1,5% , додека нафтата што се тргува на берзата во САД е повисока за 1,3%.

Тагови: ирански танкери

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Здравје

Се смирува нилската треска, нема нови примени на Инфективната клиника

Нема нови приеми на пациенти на Клиниката за инфективни болести, со нилска треска.

Од клиниката за Канал 5 потврдија дека е пуштен пациент од клиниката кои се лекувал повеќе од една недела и е во добра здравствена состојба. Засега на клиниката има седум пациенти со нилска треска, двајца се во тешка состојба и се во одделот за интензивно лекување. Осум пациенти починаа поради компликации од нилската треска и имале и други заболувања, сите се на возраст над 60 години. Од Град Скопје највија дека денска ќе се прскаат водните површини против ларави од комарци.

Тагови: западно нилска треска

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВМРО-ДПМНЕ: СДС кога зборува за економија да одговори за долговите што ги остави зад себе, а кои ќе се враќаат до 2030 година

Кога СДС зборува за јавниот долг, прво треба да одговори за сметката што ја остави зад себе заедно со ДУИ додека беше на власт.

ВМРО ДПМНЕ ја презеде одговорноста да ја води Владата во јуни 2024 година со јавен долг над 60 проценти од БДП.

Денес долгот изнесува 58,8 проценти од БДП, односно е понизок од затекнатото ниво, со тоа што Владата уредно ги сервисира обврските што ги наследи.

Во наредните години доспеваат околу 8 милијарди евра долгови преземени во времето на СДС и ДУИ. Само во 2026 година доспеваат околу 1,5 милијарди евра, а потоа уште 1,5 милијарди во 2027, 1,9 милијарди во 2028, 1,3 милијарди во 2029 и 1,4 милијарди евра во 2030 година.

Тоа е сметката што ја остави СДС со ДУИ и треба да одговорат и за 4,5 милијарди евра со кои ја задолжи државата за само 7 години. За што беа потрошени тие пари?

Ако сакаат да зборуваат за економија нека зборуваат со официјални бројки, но тоа не им одговора оти бројките не се на нивната страна на водење лажни кампањи.

Бројките покажуваат дека растот на економијата во вториот квартал од 2026 година за 4,3 проценти.

Дека економските политики на Владата се добри говори и фактот дека осум квартали по ред има раст од над 3 проценти.

И без годините на ковид пандемијата, разликата сепак е очиглефна. Просечниот раст кај претходната власт на СДС и ДУИ е околу 2,6 проценти.

Затоа наместо СДС да ги извртyва фактите, време е да одговори за долговите, потрошените милијарди и сметката што ја остави зад себе.

ВМРО-ДПМНЕ

Тагови: ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.