Свет

Харис вели дека се разликува од Бајден затоа што нуди „лидерство на новата генерација“

Потпретседателката на САД и кандидатка на демократите за шеф на државата на претстојните избори, Камала Харис, изјави дека се разликува од претседателот Џо Бајден затоа што нуди „лидерство на новата генерација“.

Прашана да објасни во што се разликува од актуелниот претседател, Харис во своето прво соло телевизиско интервју откако стана претседателски кандидат на Демократската партија, кажа дека „е очигледно оти таа не е Џо Бајден и оти нуди лидерство на новата генерација“, додавајќи дека работите што некогаш биле земани здраво за готово повеќе не можат да се игнорираат.

Како една од мерките која е неопходна ја посочи забраната за поседување автоматско оружје. Таа го обвини нејзиниот републикански противкандидат Доналд Трамп дека поседува оружје и оти шири „омраза и поделеност“ и смета дека луѓето во САД веќе се „исцрпени“ од неговиот стил на лидерство.

- На пример, друг план што го имам, што е нов пристап, е да го проширам даночниот кредит на 6.000 долари за младите семејства за првата година од животот на нивното дете, бидејќи тоа е очигледно многу критична фаза од развојот на детето. Мојот пристап е поврзан со нови идеи, нови политики кои се однесуваат на сегашниот момент, рече Харис.

Интервјуто беше дадено во Џонстаун, Пенсилванија, каде што Харис беше вчера одржа предизборен митинг.

Трамп, неговиот кандидат за потпретседател, сенаторот Џеј-Ди Венс, и други републиканци ја критикуваа Харис дека избегнува интервјуа не контактира со новинарите кои известуваат за настаните од нејзината кампања. Минатиот месец таа и нејзиниот потпретседателски кандидат, гувернерот на Минесота, Тим Волц, дадоа заедничко интервју за Си-Ен-Ен. /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Јеменските Хути ослободија 600 воени заробеници

Јемските бунтовници Хути изјавија дека ослободиле околу 600 луѓе заробени за време на најновата ескалација на конфликтот во Јемен, а Меѓународниот комитет на Црвениот крст (МКЦК) го потврди нивното ослободување.

Службеникот на Хутите задолжен за прашањата на затворениците, Абдул Кадер ал-Муртада, рече дека ова е „најголемото еднострано ослободување на притвореници во двегодишната граѓанска војна во Јемен“, објави Ал Џезира.

Меѓународниот комитет на Црвениот крст (МКЦК) потврди дека „властите во Сана, со поддршка на тимови од организацијата, еднострано ослободија 600 луѓе „кои беа притворени во врска со вооружениот конфликт“.

„Нашите претставници разговараа со секој од затворениците пред ослободувањето, поддржувајќи го нивното достоинствено враќање во своите домови“, соопшти МКЦК.

Организацијата нагласи дека нема никаква улога во утврдувањето на бројот на ослободени или во одлучувањето кој ќе биде ослободен.

Извор: Б92

Тагови: Хутите

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Утре променливо облачно со повремени сончеви периоди

Времето утре ќе биде променливо облачно со повремени сончеви периоди.

По одделни котлини ќе има услови за појава на магла. Најпрво во западните делови, а попладне и кон крајот на денот насекаде ќе има повремени врнежи од дожд. Ќе дува слаб до умерен ветер од јужен правец. Минималната температура ќе биде во интервал од 4 до 10, а максималната ќе достигне од 12 до 16 степени.

Во Скопје, променливо облачно со повремени сончеви периоди, попладне и кон крајот на денот ќе има врнежи од дожд. Ќе дува слаб до умерен ветер од јужен правец. Минималната температура ќе се спушти до 6, а максималната ќе достигне до 14 степени.

Следува период на променливо облачно време со повремени локални врнежи од дожд со променлив интензитет. Од утре под влијание на јужно воздушно струење, температурите ќе бидат во постепен пораст и повторно над просекот за овој период од годината. Ќе дува умерен до засилен, а од среда повремено силен ветер од јужен правец (над 60 km/h), особено во западните делови.

Тагови: облачно

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Превентивно-едукативна активност на Мобилната единица при Секторот за сообраќајни работи

Во рамки на активностите од страна на полициските службеници на возачите им беа поделени едукативни материјали (летоци) со пораки кон возачите - "Вози одговорно" и придонеси за намалување на бројот на жртви во сообраќајот!

Денеска (15.11.2026), во временскиот период од 11:00 до 12:00 часот, на наплатна станица Петровец, од страна на полициски службеници од Мобилната единица за безбедност на сообраќајот на патиштата при Секторот за сообраќајни работи во соработка со РСБСП поради одбележување на ,,Светскиот ден за сеќавање на жртвите од сообраќајни незгодиʼʼ беше реализирана превентивно-едукативна активност насочена кон зголемување на сообраќајната култура и безбедноста на возачите под мотото "Заедно со одговорно однесување во сообраќајот да придонесеме за патишта без жртвиʼʼ!

Во рамки на активностите од страна на полициските службеници на возачите им беа поделени едукативни материјали (летоци) со пораки кон возачите - "Вози одговорно" и придонеси за намалување на бројот на жртви во сообраќајот!

Исто така, на возачите им беше укажано дека од денеска 15-ти ноември стапува на сила законската обврска за поседување задолжителна зимска опрема и да ја прилагодуваат брзината и начинот на возење на условите на патот, заради нивната лична безбедност и безбедноста на останатите учесници во сообраќајот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.