Хаос во српското собрание, чадни бомби, факели, тепачки – повредени три пратенички - Канал 5

Балкан

Хаос во српското собрание, чадни бомби, факели, тепачки – повредени три пратенички

Сериозна е здравствената состојба на пратеничката Јасмина Обрадовиќ на која и се слошило откако доживеала мозочен удар во српскот парламент по инцидентите кои се случија.

Хаос во српското собрание, чадни бомби, факели, тепачки – повредени три пратенички

Министерот за здравство Лончар потврди дека таа е примена на интензивна нега на Ургентниот центар каде и е укажана помош.

-Таа е во прилично сериозна состојба, доживеа мозочен удар. По втор пат ја прекинуваме дијагностијата тоа е поради нејзиниот висок притисок кој оди над 200, не можеме да ја завршиме целосно дијагностиката затоа што едноставно не реагира на целата терапија.- – Златибор Лончар – Министер за здравје на Р. Србија

pic.twitter.com/SHzHaAs9u0

Развиорија транспарент на кој пишуваше „Србија се крева за да падне режимот“ и држеа српско знаме.

На ургентен пратеничката Обрадовиќ ја посети и српискиот претседател Александар Вучиќ за што објави фотографија на социјалните мрежи како и преимерот во оставка Милош Вучевиќ кој подоцна случувањата во собранието ги нарече политички теороризам од страна на опозицијата.

-Помирно беше на дербито помеѓу Зведа и Партизан отколку што денес беше на заседанието на Народното собрание. Секако се поставува прашањето како тие сето тоа го внесоа, каква е таа организација како им успеа се да внесат. – Милош Вучевиќ – Премиер во оставка

Во белградската градска болница е пренесена и пратеничката Соња Илиќ каде и се следи состојбата, таа е во осмиот месец од бременоста а на која и се слошило за време на немирите во народното собрание. Лекари интервенирале и за повредите на пратеничката Јасмина Каранац откако била удрена во главата.

Хаосот во српското собрание настана по жестоката расправа околу дневниот ред на седницата по што во салата се фрлаа димни бомби, јајца и шишиња а имаше и туркање помеѓу пратениците.

Опозициските пратеници запалија црвени димни бомби, додека во салата можеше да се забележи и црн и бел чад. Развиорија транспарент на кој пишуваше „Србија се крева за да падне режимот“ и држеа српско знаме.

pic.twitter.com/iALcpVk47S

Повредена била и пратеничката Јасмина Каранац откако била уредна во главата, а како што кажа Брнабиќ на пратеничката Јасмина Обрадовиќ и се слошило откако доживеала мозочен удар, екипата на Брзата помош веднаш реагирала и е во животна опасност.

Пред инцидентите во српското собрание опозициските пратеници инсистираа останатите точки да бидат тргнати од дневен ред освен една.

Претседателката на Собранието Ана Брнабиќ инсистираше Собранието да продолжи со работа.

-Ваква Србија никогаш нема да победи. Нема да не запрете никогаш, никогаш нема да не запрете. Миленичиња на Албин Курти, ова го правеше Албин Курти го правите и вие. – Ана Брнабиќ – Претседател на Собрание на Р. Србија

Пред инцидентите во српското собрание опозициските пратеници инсистираа останатите точки да бидат тргнати од дневен ред освен една.

-Сметаме дека единствена точка на дневен ред треба да биде првата која е предложена и која се однесува на исполнување на четвртото студентско барање и сите останати треба да бидат тргнати од дневниот ред. – Мариника Тепиќ – Партија за слобода и правда

Но откако овој предлог не помина и беше изгласан деневен ред со повеќе точки, меѓу кои и оставката на премиерот Вучевиќ, започнаа инцидентите. Во собраниската сала има силно обезбедување а по смирувањето на тензиите седницата продолжи. Основното јавно обвинителство на Белград отвори истрага и нареди прибирање на докази.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Пожарот на Брач ​​сè уште активен: Евакуирани речиси 700 луѓе

Пожарот е сè уште активен на хрватскиот остров Брач, две лица се повредени, а речиси 700 луѓе се евакуирани, додека населбата Милна е спасена од пожарот, изјави денес началникот на противпожарната служба Славко Туцаковиќ.

Пожарот на Брач ​​сè уште активен: Евакуирани речиси 700 луѓе

Тој рече дека постара жена, која паднала од чамец за време на евакуација и речиси се удавила, е во критична состојба, додека другото повредено лице е млад човек кој вдишал чад.

Туцаковиќ истакна дека ситуацијата на местото на пожарот на Брач ​​утрово била помирна, иако сè уште дува ветер, по тешката ноќ во која пожарникарите ги бранеле куќите од пожарот, и дека, и покрај нивните напори, неколку згради биле оштетени, објави Индекс.

Туцаковиќ рече дека четворица канадери учествуваат во гаснењето на пожарот од воздух.

Хрватската противпожарна служба претходно објави дека пожарот се приближил до Милна поради ветер и дека сите расположиви противпожарни сили се ангажирани во гаснењето на пожарот и спречувањето на ширењето на пожарот кон самото населено место. Ветерот влијаел врз ширењето на пожарот кон јужната страна на Брач ​​на тешко пристапен терен покриен со густа вегетација, се вели во соопштението.

Тагови: пожар Брач

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Превентивни активности на полицијата за унапредување на безбедноста на граѓаните

Денеска (13.09.2026), полициски службеници од СВР Тетово и СВР Битола спроведоа превентивни активности насочени кон подигнување на свеста кај граѓаните за одговорно однесување и почитување на безбедносните правила.

Превентивни активности на полицијата за унапредување на безбедноста на граѓаните

Полициски службеници од Отсекот за превенција и Полициската станица за безбедност на патниот сообраќај при СВР Тетово, на автопатот Скопје-Тетово-Гостивар, на наплатните рампи Желино и Тетово, спроведоа превентивна активност под мотото „Стави појас – вози одговорно“.

Преку делење едукативни летоци, возачите и сопатниците беа потсетени дека користењето на сигурносниот појас е пред сè за нивна лична безбедност и значително влијае врз последиците од евентуални сообраќајни незгоди. Воедно, беа информирани и за прекршочните одредби со кои се предвидува санкционирање за некористење сигурносен појас.

Во исто време, полициски службеници од СВР Битола, во содејство со Шумската полиција, спроведоа превентивни активности на подрачјето на Општина Могила и во селата Будаково, Трап и Ношпал, насочени кон превенција и заштита од пожари.

На граѓаните им беше укажано на опасностите од несовесно однесување и предизвикување пожари, како и на потребата од зголемена внимателност при престој во шумски и земјоделски подрачја.

Тагови: Превентивни активности

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Се појавува нов план: Канада сака „влезница“ за ЕУ

Канадскиот премиер Марк Карни сака поблиски врски со Европската Унија и ја разгледува можноста неговата земја да стане „придружна членка“ на блокот, објави денес американскиот весник „Волстрит џурнал“.

Се појавува нов план: Канада сака „влезница“ за ЕУ

ЕУ, која во минатото не покажа флексибилност кога станува збор за правилата за членство, е отворена за идејата за доделување статус на придружна членка на Канада, кој сè уште не е дефиниран, објави весникот, повикувајќи се на неименувани претставници на ЕУ и Канада.

Канадската амбасада во Брисел и портпаролите на Европската комисија не одговорија на конкретните барања за коментар, објави „Ројтерс“.

Ескалацијата на трговската војна на Канада со САД го забрза стратешкиот пресврт на земјата кон други трговски партнери.

Односите меѓу Канада и Вашингтон нагло се влошија откако американскиот претседател Доналд Трамп се врати во Белата куќа на почетокот на 2025 година, поради несогласувања околу трговијата и други прашања, потсетува агенцијата.

Трговскиот спор доведе до воведување царини на десетици милијарди долари во прекугранична трговија.

Канада и ЕУ разгледуваат начини да овозможат слободно движење на канадски стоки, услуги и работници ангажирани во стратешки синџири на снабдување, како што се енергетиката, вештачката интелигенција, одбраната и критичните минерали, што, всушност, би ја поместило границата на ЕУ, објави „Волстрит џурнал“.

Весникот додаде дека двете страни разговараат и за поставување подводни кабли, заедничка изградба на центри за податоци, капацитет за складирање во облак, како и нови сателитски мрежи и инфраструктура за транспорт на канадски енергетски производи во ЕУ.

Карни постојано разговарал со неколку лидери на ЕУ, а особено со францускиот претседател Емануел Макрон, за можноста да им се дозволи на Канаѓаните да живеат и работат во ЕУ без визи, објави весникот, повикувајќи се на двајца неименувани функционери запознаени со ситуацијата. Двајцата лидери треба да се сретнат подоцна овој месец.

Извор: Б92

Тагови: ЕУ канада

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер