Советот на јавните обвинители денеска на седница формираше комисија за подготовка на кандидатските листи која во следните три дена треба да провери кој од нив ги исполнува законските услови, и кој би влегол во трката, а формирашѓе и комисија за спроведување на изборот.

-Официјално се пријавија пет кандидати, јавноста веќе ги знае. Значи за тие пет кандидати сега комисијата ќе разгледа дали ги исполнуваат условите согласно закон согласно огласот и ќе ги објават во рок од три дена. Потоа веќе е закажан изборот за 20 октомври. – Башким Бесими – Претседател на Совет на ЈО

За позицијата, како што и самите потврдија, се кандидираа вишите обвинители од скопско Јове Цветановски и Трајче Пеливанов кој е и поранешен обвинител во СЈО. Потоа обвинителката од ОЈО Скопје Лидија Раичевиќ, како и обвинителките од ОЈО ГОКК Искра Хаџи-Василева и Фатон Азизи.

За обвинителот Цветановски, неодамна заврши и дисциплинската постапка која се водеше против него а ја покрена екс државниот обвинител Љупчо Коцевски. Дисциплинската комисија ја укина претходно изречената казна и не утврди одговорност, со што му се отвори патот да конкурира за раководната позиција на ојо гокк... Тој како виш обвинител по приговорот на АД ЕСМ, даде мислење да продолжи прекинатата истрага за мазутот во ТЕЦ Неготино која претходно беше прекината откако ова обвинителство не најде штета на државниот буџет.

Државниот јавен обвинител Ненад Савески најавил дека нема да ја обжали одлуката на комисијата.

-Одлуката ја примив. Нема да поднесам а освен тоа рокот за поднесување жалба е истечен. – Ненад Савески – Јавен обвинител на РМ

На 28 октомври ќе се спроведе гласањето за нов шеф на ОЈО ГОКК кој ќе го наследи Ислам Абази. За петтемина кандидати ќе гласаат сите јавни обвинители во државата, односно околу 160 обвинители од сите јавни обвинителства. Потоа, Советот на јавните обвинители ќе го именува кандидатот кој ќе освои најмногу гласови.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Во „Кузман“ било утврдено дека зајакнувањата направени по скопскиот земјотрес не ги исполнуваат денешните стандарди, поради што била потребна дополнителна санација на конструкцијата. По реконструкцијата, домот ќе има капацитет за околу 280 студенти, сместени во еднокреветни соби со нов мебел, греење и ладење. Овие два скопски дома се првата фаза од поширокиот проект, кој до 2031 година треба да опфати девет студентски домови, шест ресурсни центри и еден ученички дом во седум града. Подобри услови треба да добијат повеќе од пет илјади студенти и ученици. За преостанатите седум студентски домови тендерите се во завршна фаза, а наскоро треба да започне реконструкцијата и на „Никола Карев“ во Охрид.

Расположливиот буџет изнесува над 80 милиони евра. Од нив, 60 милиони се заеми од германската развојна банка, повеќе од 21 милион се неповратни средства од Европската Унија, а 3,85 милиони евра обезбедува Министерството за образование и наука. Од ЕУ и и развојната банка објаснуваат дека комбинирањето на грантовите со заемите го прави финансирањето поповолно за државата. Со реконструкцијата и помалата потрошувачка на енергија оченувањата се да се создат заштеди што ќе помогнат во отплатата на заемите.

По обновата, потребата за енергија во домовите треба просечно да се намали за 56 проценти, а емисиите на јаглерод диоксид за 49 проценти. Четири од домовите – во Охрид, Прилеп и Штип, како и „Томе Стефановски-Сениќ“ во Скопје , ќе се реконструираат според повисок стандард, близу до објекти со речиси нулта потрошувачка на енергија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Внатрешниот дел е целосно реновиран, а обновата продолжува во втора фаза со реконструкција на фасадата и кровот.

Со вкупно 20 болнички легла, од Клиниката велат дека се зголемуваат капацитетите за хоспитализација и се подобруваат условите за третман на пациентите.

Новина е и Кабинетот за когнитивна стимулација, кој треба да овозможи нов пристап во работата со пациентите со деменција.

Директорот Јован Божиновски најавува и набавка на апарат за магнетна резонанца, како еден од приоритетите на Клиниката.

Но, инвестициите не се насочени само кон просторот и опремата. Од Клиниката велат дека во изминатиот период е зајакнат и медицинскиот кадар.

Ангажирани се нови лекари и друг медицински персонал, а 25 млади здравствени работници одлучиле својата професионална иднина да ја продолжат во земјава и да придонесуваат во домашното здравство.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.