Хаос во албанскиот парламент, опозициските пратеници ја блокираа седницата - Канал 5

Балкан

Хаос во албанскиот парламент, опозициските пратеници ја блокираа седницата

 Вистински хаос предизвикаа опозициските пратеници на денешната пленарна седница на албанскиот парламент, пред воопшто да почне седницата, поради што претседателот Нико Пелеши беше принуден да ја прекине.

Хаос во албанскиот парламент, опозициските пратеници ја блокираа седницата

Вистински хаос предизвикаа опозициските пратеници на денешната пленарна седница на албанскиот парламент, пред воопшто да почне седницата, поради што претседателот Нико Пелеши беше принуден да ја прекине, која потоа продолжи во многу тензична атмосфера.

Пратениците од опозицијата најпрво насилно се обидоа да седнат на министерските места, судирајќи се со обезбедувањето, но дел од нив сепак ги зафатија местата на претставниците на владиниот кабинет. Други пак ја блокираа собраниската говорница, фрлаа кон Пелеши со хартии, шишиња со вода и други предмети, а во салата фрлаа и димни бомби.

Опозициските пратеници се судрија и со припадниците на Националната гарда, врз кои фрлаа со шишиња со вода. Од засега непознати причини и сторители запален беше оптичкиот кабел и прекинат медиумскиот сигнал, затоа пак снимки во живо и фотографии од судирите во Парламентот беа споделени на социјалните мрежи од самите пратеници од опозицијата, каде се гледа како палат и постер на премиерот Еди Рама.

По кусиот прекин, во тензична атмосфера продолжи седницата на која пратениците од владејачкото мнозинство го изгласа дневниот ред и без дискусија неколку предлог закони. Во таква атмосфера заклетва даде и народниот правобранител Ендри Шабани, кој само со гласовите на мнозинството, беше избран на претходната седница.

Опозицијата е против неговиот избор а исто така бара од пратениците на владејачкото мнозинство да го одземе пратеничкиот имунитет на вицепремерката Белинда Балуку, што СПАК го бара од парламентот, со цел нејзино апсење, под обвинение за корупција.

По седницата координаторот на пратеничката група на Социјалистичката партија, Таулант Бала, рече дека опозицијата поради минималниот интерес кај граѓаните за присуство на протестите пред владата, насилството го пренела во законодавниот дом.

Лидерот на демократите и пратеник, Сали Бериша, изјави дека „Битка на опозицијата е за законот, Уставот, владеењето на правото. Нивното мото е кради и бегај“, ги повика граѓаните на масовност на големиот национален протест на 22 декември, потсетувајќи дека ваквите протести ќе продолжат се до „соборување на нарковладата и избор на техничка влада“.

Тагови: Албанија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Утре сончево и релативно топло

Утрото ќе биде ведро и студено, а преку денот сончево и релативно топло. 

Утре сончево и релативно топло

Ќе дува слаб ветер од северен правец. Минималната температура ќе биде во интервал од -3 до 8, а максималната ќе достигне од 20 до 28 степени.

Во Скопје, сончево и релативно топло со слаб ветер од северен правец. Минималната температура ќе се спушти до 3, а максималната ќе достигне до 26 степени.

Во следните денови времето ќе биде релативно топло. До среда утрата ќе бидат ведри и студени, а во текот на денот ќе преовладува сончево време. Од четврток ќе има зголемување на облачноста и услови за локален дожд, a утринските температури ќе бидат во пораст.

Тагови: сончево

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Не е само „Volkswagen“: И моделите на овој бренд исто така може да имаат сериозен технички проблем

Германската управа за моторни возила (KBA) во петокот предупреди дека, покрај милиони возила на „Volkswagen“ и „Audi“ ширум светот, и околу 1,7 милиони возила на Шкода може да имаат потенцијално опасен дефект.

Не е само „Volkswagen“: И моделите на овој бренд исто така може да имаат сериозен технички проблем

Предупредувањето се однесува на потенцијално слаб шраф во механизмот за управување, кој е подложен на корозија. Во најлош случај, шрафот би можел да пукне, соопшти „KBA“.

Минатата недела, агенцијата објави дека сопствениците на 2,16 милиони возила на „Volkswagen“ – конкретно моделите „Tiguan“, „Touran“, „Golf Variant“, „Caddy“ и „Golf“ произведени помеѓу 24 септември 2013 и 1 јули 2024 година – треба да контактираат со сервисен центар за да се изврши проверка и евентуална замена на проблематичниот дел, пренесува „DPA“.

Истото важи и за моделот „Audi Q3“ произведен помеѓу 31 октомври 2017 и 23 мај 2024 година.

Истиот ден, групацијата „Volkswagen“ упати повик до сопствениците на овие возила да ги донесат на технички преглед.

Се чини дека и возилата на Шкода – кои исто така се дел од групацијата „Volkswagen“ – се погодени од истиот проблем со дефектниот шраф.

Истото важи и за засега неутврден број возила од шпанскиот бренд „SEAT“.

Меѓу моделите на Шкода, под лупа се „Kodiaq“, „Karoq“, „Octavia“ и „Superb“, соопшти „KBA“, без да прецизира датуми на производство.

Ова опфаќа околу 1,7 милиони возила ширум светот, вклучително и околу 370.000 во Германија.

Извор: Б92

Тагови: Volkswagen

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Голема сообраќајна несреќа со повеќе возила во Кенија: Најмалку 17 загинати

Бројот на загинати во несреќата со повеќе возила на автопатот кон крајбрежниот град Момбаса во Кенија се искачи на 17, соопшти полицијата.

Голема сообраќајна несреќа со повеќе возила во Кенија: Најмалку 17 загинати

Во соопштението се наведува дека несреќата се случила во текот на ноќта во областа Салама, откако возач на камион не успеал да престигне друго возило, што довело до судири со други возила – вклучително и комбе – пренесе АП.

Полицијата претходно соопшти дека во несреќата загинале најмалку 13 лица.

„Луѓето патуваа кон место за молитва во округот Накуру, западно од кенискиот главен град Најроби“, изјави Мартин Кивува, надбискуп на Католичката надбискупија во Момбаса.

Сообраќајните несреќи се сериозен проблем низ цела Африка.

Тие често се припишуваат на лошото одржување на возилата, прекумерната брзина и лошата состојба на патиштата.

Извор: Б92

Тагови: Кенија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер